मुंबई, 11 जुलाय, 2020 । बॉलीवुड के महानायक अमिताभ बच्चन कोरोनावायरस (Coronavirus COVID-19) सँ संक्रमित होय गेलौ छै । हुनका मुंबई के नानावती अस्पताल मँ भर्ती करैलौ गेलौ छै ।

हुनी खुद ट्वीट करी क ई जानकारी देलकै ।  बिग बी नँ ट्वीट करी क बतेलकै, ‘हम्में कोरोना संक्रमित हो गेलौ छियै । अस्पताल मँ भर्ती  होलौ छियै । अस्पताल वाला अथॉरिटी क जानकारी द रहलौ छै ।  परिवार आरू स्टाफ के सदस्यो के टेस्ट करलौ गेलौ छै जेकरौ  रिपोर्ट के इंतजार छै । जे भी लोग पिछला 10 दिना मँ हमरौ संपर्क मँ ऐलौ छै ओकरा सँ निवेदन छै कि वो अपनौ टेस्ट कराय ल ‘

हिन्ने अभिषेक बच्चन द्वारा देर रात करलौ गेलौ एगो ट्वीट के मोताबिक हुनी भी कोरोना संक्रमित होय गेलौ छै आरो अमिताभ बच्चन जौरें हुनको इलाज मुंबई केरौ नानावटी अस्पताल मँ चली रहलौ छै ।

अपडेट – 12 -7-2020, 6:53 am

Comments are closed.

error: Content is protected !!