Angika News | पीजी अंगिका विभाग क मिललै नया भवन | Angika.com - Angika.com | अंगिका.कॉम | Angika Language | Voice of Ang Desh

भागलपुर, 20 फरवरी, 2021 ।

आय स्नातकोत्तर अंगिका विभाग के भवन केरौ उद्घाटन समारोह कुलपति डॉ संजय कुमार चौधरी आरू समायोजक डॉ. योगेन्द्र महतो के हाथों संपन्न होलै।

ई शुभ अवसर पर कुलसचिव डॉ निरंजन प्रसाद यादव,पूर्व अध्यक्ष प्रो बहादुर मिश्र, कथाकार शिव कुमार शिव,प्रो रामचंद्र घोष, कुलगीतकार आमोद कुमार मिश्र,डा अमरेन्द्र, सुधीर प्रोग्रामर, अंजनी कुमार शर्मा, कैलाश ठाकुर,त्रिलोकी नाथ दिवाकर ,हीरा प्रसाद हरेंद्र, दिनेश तपन, गौतम गर्जना, सुजाता कुमारी, विश्वविद्यालय केरै अन्य पदाधिकारी सहित अनेक गणमान्य लोग मौजूद रहै।

विश्वविद्यालय अंगिका-भवन के उद्घाटन के बाद विभाग केरौ विभागाध्यक्ष नँ ई निर्णय लेलकै कि अंतर्राष्ट्रीय मातृभाषा -दिवस (२१/२/२०२१) के अवसर अंगिका- भवन मँ ही दिन के ग्यारह बजे एगो अंगिका कवि-सम्मेलन होतै आरू यहै अवसर पर डॉ. मनोज पाण्डेय के शोध प्रबंध ' महाकवि सुमन सूरो : व्यक्तित्व आरो कृतित्व ' के लोकार्पण -कार्यक्रम भी सम्पन्न होतै । ई कार्यक्रम मँ भाग लै लेली अंगप्रदेश के सब्भे अंगिका साहित्यकार क आमंत्रित करलौ गेलौ छै। ।

एकरा सँ पहलें अंगिका विभाग पीजी हिंदी विभाग केरो एगो कोठरी मँ ही चली रहलो छेलै। आशा करलो जाय रहलो छै कि पीजी विभाग क अलग भवन मिलला सँ अंगिका विभाग के विद्यार्थी सिनी क पढ़ाय लेली बेहतर माहौल मिलतै । ई बार आरू दाफी सँ अधिक संख्या मँ विद्यार्थी क पीजी मँ नामांकन करैलौ जैतै, ऐन्हौ आशा छै।