Angika News | जदयू केरौ मासिक मुखपत्र 'जदयू संधान' केरौ अंगिका संस्करण शीघ्र प्रकाशित होतै | Angika.com
पटना, 25 जनवरी (भाषा) बिहार मँ सत्तारूढ़ जदयू अपनो मुखपत्र जारी करै वाला राज्य केरौ पहलो प्रमुख पार्टी बनी गेलो छै ।
जदयू केरो राष्ट्रीय अध्यक्ष आरसीपी सिंह नँ सोमवार क पार्टी केरो प्रकाशित मासिक मुखपत्र ‘‘जदयू संधान’’ केरो सोमवार क लोकार्पण करलकै, जे हिंदी आरू अंग्रेजी दूनू भाषा मँ छै।
पटना स्थित जदयू के राज्य मुख्यालय मँ अपनो पार्टी के मुखपत्र क लोकार्पित करतें श्री सिंह नँ कहलकै कि मुख्यमंत्री नीतीश कुमार केरो नेतृत्व मँ पार्टी महात्मा गांधी, जयप्रकाश नारायण, राम मनोहर लोहिया, बी आर आंबेडकर आरू कर्पूरी ठाकुर के सपना क साकार करै लेली प्रतिबद्ध छै।
श्री सिंह नँ अंगिका, भोजपुरी, मगही आरू मैथिली जैसनो भाषा मँ भी जदयू के ई मासिक मुखपत्र केरौ संस्करण लानै के आह्वान करलकै आऱू पार्टी कार्यकर्ता सिनी सँ लेखन मँ योगदान दै के निवेदन करलकै।
 |
ई अवसर पर उपस्थित जदयू केरो प्रदेश अध्यक्ष उमेश कुशवाहा नँ कहलकै कि पार्टी केरो मुखपत्र सँ लोगो सिनी क इ पता चलै मँ मदद मिलतै कि जदयू केकरा लेली संघर्षरत छै आऱू कोन मायना मँ अद्वितीय छै।
हाल मँ संपन्न होलो बिहार विधानसभा चुनाव मँ खराब प्रदर्शन करै वाला जदयू द्वारा मुखपत्र के लॉन्च क पार्टी केरो संगठनात्मक स्तर पर फेरबदल के बाद दल के नेता नीतीश कुमार केरो एगो आरू प्रयास के रूप में देखलो जाय रहलो छै।
No comments:
Post a Comment