Angika.com | क्षेत्रीय भाषा सिनी मँ वैज्ञानिक दृष्टिकोण सँ काम करै के जरूरत छै - डॉ. शिवनारायण | News in Angika

पटना, 15 सितंबर, 2020 । नैका शिक्षा नीति पर एगो परिचर्चा मँ आपनौ विचार व्यक्त करतें अंगिका आरू हिन्दी के विद्वान डॉ. शिवनारायण नँ कहलै छै कि शिक्षा हेतु  क्षेत्रीय भाषा सब केरौ विकास लेली एकरा मँ वैज्ञानिक दृष्टिकोण सँ काम करै के जरूरत छै ।

डॉ. शिवनारायण

डॉ. शिवनारायण नँ कहलकै कि सबसें पहलै त ई मानी लै ल पड़तै कि मातृभाषा मँ अपना सिनी बड़ी भल्लौ ढंगौ सँ शिक्षा के काम करै सकै छियै । ई त एगो बात होलै । दोसरौ बात ई छेकै कि  क्षेत्रीय भाषा सिनी मँ वैज्ञानिक दृष्टिकोण सँ काम करै के जरूरत छै।

हुनी उदाहरण देतैं बताबै छै कि जापान, रूस, चीन समेत दुनिया मँ 50 सँ जादै देश छै जहाँ कि वहाँकरौ भाषा के आपनौ शब्द भंडार के बदौलत शिक्षा के काम होय रहलौ छै । आरू ई सब देश विकास के मामला मँ भारत सँ आगू ही छै ।

 

डॉ. शिवनारायण के कहना छै कि क्षेत्रीय भाषा केरौ विकास केरौ ई पहलू प अखनी तलक कोनो धियान ही नै देलौ गेलौ छै । ई त बहुत पहिनै होय जाना चाहिय्यौ छेलै ।

 

English version of the News in Angika

There is a need to work with scientific approach in regional languages - Dr. Shivnarayan

Patna, 20 Sept., 2020. Angika and Hindi scholar Dr. Shivnarayan, while expressing his views in a discussion on the new education policy, has emphasized that there is a need to work with the scientific point of view for the development of regional languages for the education.

 

Dr. Shivnarayan asserted that first of all one has to accept that the work of imparting education in mother tongues / regional languages can be done excellently. This is first and foremost aspect of this issue. The second aspect is that there is a need to work from the scientific point of view in all regional languages.

 

Citing the example, he said that there are more than 50 countries in the world, including Japan, Russia, China, where the work of imparting education is being done through the vocabulary of their own languages. And all these countries are ahead of India in terms of development.

 

Dr. Shivnarayan says that no attention has been paid to this aspect of regional language development so far. This should have been accomplished long ago.