Angika News | देश केरौ पहलौ मेगास्क्रीन पटना गाँधी मैदान मँ, उद्घाटन आय | Angika.com

पटना, 19 सितंबर,2020 । पटना देश केरौ पहलौ ऐसनौ शहर बनै ल जाय रहलौ छै जहाँ लोग सार्वजनिक जग्घौ प 75X42 फीट केरौ फुल हाई डिफिनेशन (FHD) मेगा स्क्रीन पर फिल्म देखअ सकतै। मुख्यमंत्री आय एकरौ उद्घाटन करै वाला छै ।

 

पटना केरौ गांधी मैदान मँ लगैलौ गेलौ मेगा स्क्रीन पर देखैलौ जाय वाला कार्यक्रम क कम सँ कम 5000 हजार लोग एक साथ देखअ सकतै। पीवीसी सामग्री सँ बनलौ ई फुल एचडी स्क्रीन क 30 फीट कीेरौ ऊंचाई प ट्रस केरौ माध्यम सँ लगैलौ गेलौ छै । 

 

डॉल्बी डिजिटल साउंड सिस्टम सँ लैस ई स्क्रीन पर सूर्यास्त के बाद फिल्मौ के प्रसारण करलौ जैतै। मुख्यमंत्री नीतीश कुमार द्वारा 6.98 करोड़ रुपया के ई परियोजना के उद्घाटन के बाद रोस्टर तैयार करी क फिल्म, डॉक्यूमेंट्री, खेल आरनि के प्रसारण करलौ जैतै । 

 

मेगा स्क्रीन परियोजना केरौ निर्माण पटना स्मार्ट सिटी लिमिटेड द्वारा करलौ गेलौ छै ।