Angika.com | झारखंड अंगिका साहित्य अकादमी के स्थापना लेली महगामा विधायक सँ पहल के आग्रह | News in Angika

गोड्डा (झारखंड), 14 सितंबर, 2020 । अखिल भारतीय अंगिका साहित्य कला मंच, झारखंड प्रदेश नँ महगामा केरौ  माननीया विधायक श्रीमती दीपिका पाण्डेय सिंह जी क चिट्ठी लिखी क निवेदन करनै छै कि हुनी झारखंड अंगिका साहित्य अकादमी केरौ स्थापना लेली झारखंड सरकार सँ आवश्यक पहल करय ।

मंच केरौ महासचिव, अंगिका साहित्यकार डॉ. प्रदीप प्रभात नँ विधायक श्रीमती पाण्डेय क लिखलौ पत्र के माध्यम सँ झारखंड मँ अंगिका साहित्य अकादमी केरौ स्थापना क मूर्त रूप दै वास्तें आवश्यक पहल करै के माँग करतें कहलै छै कि अंगिका भाषा केरौ संरक्षण आरू विकास लेली ई अति आवश्यक छै । 

डॉ. प्रभात नँ 8 सितंबर, 2020 केरौ लिखलौ आपनौ पत्र मँ गत 7 जनवरी, 2020 केरौ विधानसभा सत्र के दौरान राज्यपाल के अभिभाषण के वू अंश के स्मरण दिलैलै छै जेकरा मँ कहलौ गेलौ छेलै कि राज्य मँ बोललौ जाय वाला सब भाषा के विकास लेली अकादमी केरौ गठन करलौ जैतै ।

डॉ. प्रदीप प्रभात नँ कहलै छै कि अगिका साहित्य अकादमी के स्थापना सँ ही अंगिका भाषा केरौ संरक्षण आरू संवर्द्धन सुनिश्चित करना संभव हुअय सकतै ।

 

English version of News in Angika

Demand for initiative from Mahgama MLA for setting up Jharkhand Angika Sahitya Akademi

******

All India Angika Sahitya Kala Manch, Jharkhand has written a letter to the Honorable MLA of Mahagama Smt. Deepika Pandey Singh, requesting that she should take appropriate initiative with the Government of Jharkhand for the establishment of Jharkhand Angika Sahitya Akademi.

Angika litterateur, Dr. Pradeep Prabhat, the general secretary of the forum, through his letter to MLA Mrs. Pandey, demanded to take necessary initiatives to materialize the establishment of Angika Sahitya Akademi in Jharkhand and said that for the conservation and development of Angika language the same is very important.

Dr. Prabhat, in his letter dated 8th Sept.2020, has reminded that part of the Governor's address delivered during the last 7 January 2020 assembly session, which said that akademies would be formed to conserve and develop all the languages ​​spoken in the state.

 

Dr. Pradeep Prabhat has said that with the establishment of Angika Sahitya Akademi, it will be possible to ensure conservation and promotion of Angika language.