Angika News | अजगैबीनाथ साहित्य मंच के ऑनलाइन कवि सम्मेलन मँ भेलै सम-सामयिक अंगिका कविता सब केरौ प्रस्तुति | Angika.com

सुलतानगंज, 21 सितंबर,2020 । यहाँ काल एतवार क एगो ऑनलाइन कवि गोष्ठी केरौ आयोजन भेलै । जेकरा मँ कवि सनी नँ भाग ल क सम सामयिक आरू ज्वलंत मुद्दा पर अंगिका कविता सब केरौ प्रस्तुति देलकै ।

 

अजगैबीनाथ साहित्य मंच तरफौ सँ आयोजित ई ऑनलाइन अंगिका कवि सम्मेलन मँ भाग लै वाला अंगिका कवि सिनी मँ शामिल छेलै - राजकुमार, त्रिलोकीनाथ दिवाकर, डॉ. मनजीत सिंह किनवार, हीरा प्रसाद हरेंद्र, भावानंद सिंह प्रशांत, महेंद्र निशाकर, डॉ. सुजाता कुमारी, डॉ. इंदुभूषण मिश्र देवेन्दु, सुप्रिया सिंह वीणा, रामावतार राही, विकास सिंह गुलटी, सुधीर कुमार प्रोग्रामर, शिवनंदन सलिल, डॉ. श्यामसुंदर आर्य, मनीष कुमार गूंज आरनि।

 

मंच द्वारा आयोजित  ई ऑनलाइन अंगिका कवि सम्मेलन मँ उत्कृष्ट काव्य प्रस्तुति लेली श्री त्रिलोकीनाथ दिवाकर क 'अंग-रत्न' सम्मान सँ सम्मानित करलौ गेलै ।

डॉ. श्यामसुंदर आर्य केरौ अध्यक्षता मँ संपन्न ऑनलाइन अंगिका कवि गोष्ठी केरौ ई आयोजन के संचालन अजगैबीनाथ साहित्य मंच केरौ अध्यक्ष भावानंद सिंह प्रशांत आरू संयोजन ब्रह्मदेव बंधु नँ करलकै ।

 

ई ऑनलाइन अंगिका कवि गोष्ठी मँ सुलतानगंज के अलावा भागलपुर, बाँका, मुंगेर, खड़गपुर, कहलगाँव, आरू गाजियाबाद केरौ अंगिका कवि आरू कवियित्री सिनी नँ भाग लेलकै ।