Angika News |अंगिका क 8मो अनुसूची मँ डलबाय ल अखिल भारतीय अंगिका साहित्य कला मंच, झारखंड नँ लिखलकै प्रधान मंत्री क चिट्ठी | Angika.com
गोड्डा, 21 सितंबर, 2020 । अखिल भारतीय अंगिका साहित्य कला मंच, झारखंड प्रदेश नँ भारत केरौ प्रधानमंत्री क चिट्ठी लिखी क अंगिका भाषा क 8मो अनुसूची मँ शामिल करै के माँग करलै छै ।
मंच केरौ झारखंड प्रदेश महासचिव डॉ. प्रदीप प्रभात नँ प्रधानमंत्री क चिट्ठी लिखी क महत्वपूर्ण दस्तावेज आरू पुरानौ नक्शा संलग्न करतें अंगिका भाषा क 8मो अनुसूची मँ शामिल करै के माँग करलै छै ।
महासचिव डॉ. प्रदीप
प्रभात नँ प्रधानमंत्री क लिखलौ चिट्ठी मँ कहलै छै कि अंगिका एगो प्राचीन
भाषा छेकै, जे सातवीं सदी सँ ही साहित्य लेखन लेली उपयोग करलौ जाय रहलौ छै।
ई झारखंड, बिहार केरौ महत्वपूर्ण भाषा छेकै । झारखंड मँ एकरा द्वितीय
राजभाषा के दर्जा प्राप्त छै ।
पत्र सथें संलग्न
दस्तावेज आरू प्राचीन नक्शा मँ केन्द्र सरकार द्वारा 1956 ई. मँ बनवैलौ
अंगिका भाषा-भाषी क्षेत्र केरौ नक्शा भी शामिल छै । ई नक्शा केन्द्र सरकार
द्वारा 1956 ई. मँ गठित श्री पण्णिक्कर समिति द्वारा भाषाई आधार पर बनाय क
भारत सरकार क सौंपलौ गेलौ रहै ।
No comments:
Post a Comment