नक्शा विवाद बीच पहलौ बार भारत-नेपाल के प्रधानमंत्री बीच बातचीत | News in Angika

नई दिल्ली,15-8-2020 । भारत (India) आरू नेपाल (Nepal) बीच होलौ हाल केरौ नक्शा विवाद के बाद आय भारत केरौ प्रधानमंत्री नरेंद्र मोदी (Prime Minister Narendra Modi) आरू नेपाल के प्रधानमंत्री केपी शर्मा ओली (KP Sharma Oli) के बीच आय पहलौ बार बातचीत भेलै ।  फोन पर होलौ ई बातचीत करीब 15 मिनट तलक चललै । जेकरा मँ कईएक मुद्दा पर बातचीत भेलै ।

भारत आरू नेपाल के शीर्ष राजनेता  बीच ई बातचीत तबै होलौ छै, जबै भारत आरू नेपाल के बीच काठमांडू मँ दू दिना बाद उच्चस्तरीय प्रतिनिधिमण्डल के बातचीत होना छै । ई बातचीत मँ भारत के अगुवाई नेपाल मँ भारतीय दूतावास के उच्चायुक्त विनय मोहन क्वात्रा (Vinay Mohan Kwatra) करतै, वहीं नेपाल के अगुवाई विदेश सचिव शंकर दास बैरागी (Foreign Secretary Shankar Das Bairagi) करतै ।

धियान मँ दै वाला बात छै कि ई बातचीत वू विवाद के बाद पहलो बार होलौ छै, जेकरा मँ नेपाल नँ भारत केरौ उत्तराखण्ड राज्य केरौ हिस्सा क अपनौ नक्शा में शामिल करी लेलै छेलै ।  नेपाल कालापानी (Kalapani), लिम्पियाधुरा (Limpiadhura) आरू लिपुलेख (Lipulekha) इलाका पर दावा जताय रहलौ छै आरू ओकरा अपनौ नक्शे मँ शामिल करी लेलै छै । ई विवाद के बाद दूनू देशौ के शीर्ष नेता बीच कोनो बातचीत नै होलौ छेलै ।

नक्शा विवाद के बाद पहलौ बार भारत आरू नेपाल केरौ प्रधानमंत्री बीच बातचीत | News in Angika