Angika News | ठनका गिरै के 40-45 मिनट पहनै चेतावनी संदेश लेली बिहार सरकार नँ लाँच करलकै IndraVajra मोबाईल ऐप | Angika.com

भागलपुर, 18 जुलाई, 2020 । ठनका गिरै के 40-45 मिनट पहनै चेतावनी संदेश पाबै लेली बिहार सरकार नँ IndraVajra मोबाईल ऐप लाँच करलै छै ।

बिहार सरकार केरौ आपदा प्रबंधन विभाग नँ बिहार केरौ अखबारौ मँ विज्ञापन के माध्यम सँ सूचना जारी क जनता सँ आग्रह करलै छै कि ठनका गिरै के 40-45 मिनट पहनै चेतावनी संदेश पाबै लेली आरू ठनका सँ जान-माल के नुकसान सँ बचै लेली IndraVajra App डाउनलोड करी क आपनौ मोबाईल मँ इंस्टॉल करौ ।

जैन्हों कि विज्ञापन सँ स्पष्ट छै कि IndraVajra मोबाईल ऐप क गूगल प्ले-स्टोर सँ आपनौ स्मार्ट फोन प डाउनलोड करलौ जाबै सकै छै । लगभग 20 किमी के परिधि मँ ठनका गिरै के स्थिति मँ ठनका गिरै के 40 -45 मिनट पहिनै अलार्म-टोन के साथ मोबाईल प चेतावनी संदेश प्राप्त होतै ।