गंगा किनारा-किनारा बक्सर सँ पटना होतें भागलपुर तलक बनतै चार लेन रोड | News in Angika

भागलपुर,1जुलाई,2020। बक्सर सँ  पटना होतें भागलपुर तलक गंगा नदी के किनारा-किनारा फोरलेन सड़क बनतै। जेकरौ प्रक्रिया शुरू करी देलौ गेलौ छै।

बक्सर तलक सड़क निर्माण कार्य पूरा होय चुकलौ छै । ई चार लेन सड़क क बनला सँ भागलपुर सँ दिल्ली तलक के सफर आरामदायक होय जैतै । ई तरह के बात भाजपा के प्रदेश अध्यक्ष डॉ. संजय जायसवाल नँ वर्चुअल बिहार संवाद के दौरान कहलकै। हुनी पटना सँ भागलपुर विधानसभा के भाजपा कार्यकर्ता सिनी क संबोधित करी रहलौ छेलै। 

दिल्ली सँ भाजपा के राष्ट्रीय प्रवक्ता सैयद शाहनवाज हुसैन नँ भी कार्यक्रम क संबोधित करलकै। वहीं वर्चुअल बिहार संवाद क प्रदेश उपाध्यक्ष राजेश वर्मा, भारतीय जनता पार्टी के भागलपुर जिला अध्यक्ष रोहित पांडेय, विधान पार्षद डॉ एनके यादव, अर्जित शाश्वत चौबे, रामानंद चौधरी, डॉ. प्रीति शेखर, अभय वर्म्‍मन, दिलीप निराला नँ भी संबोधित करलकै।