डॉ. प्रेम प्रभाकर बनलै स्नातकोत्तर अंगिका विभाग, तिलकामांझी भागलपुर विवि के नयाविभागाध्यक्ष | News in Angika

भागलपुर, २ जून, २०२० ।  डॉ. प्रेम प्रभाकर क स्नातकोत्तर अंगिका विभाग, तिलकामांझी भागलपुर विश्वविद्यालय, भागलपुर केरौ नयौ विभागाध्यक्ष नियुक्त करलौ गेलौ छै । डॉ. प्रेम प्रभाकर जैसनौ विद्वान आरू भाषा व संस्कृति के प्रति संवेदनशील हस्ती क स्नातकोत्तर अंगिका विभाग, तिलकामांझी भागलपुर विश्वविद्यालय, भागलपुर केरौ नयौ विभागाध्यक्ष नियुक्त करला सँ अंगिका भाषी जनमानस मँ  नयौ आशा के संचार होलौ छै कि अबै भागलपुर वि,वि. मँ अंगिका के भाग्य जरूर सुधरतै ।

डॉ. प्रेम प्रभाकर केरौ स्नातकोत्तर अंगिका विभाग, तिलकामांझी भागलपुर विश्वविद्यालय, के  विभागाध्यक्ष के रूप मँ नियुक्ति सँ अंगिका भाषा के साहित्यकार सहित अंगिका प्रेमी के बीच हर्ष के माहौल व्याप्त होय गेलौ छै । विश्वविद्यालय केरौ छात्र के बीच मँ भी एगो नया उत्साह नजर आबी रहलौ छै ।

डॉ. प्रेम प्रभाकर खुद एगो अंगिका भाषी छेकै । हुनी हिंदी आरू अंगिका केरौ एगो संवेदनशील विद्वान आऱू अग्रणी साहित्यकार भी छेकै । हुनी भागलपुर सँ प्रकाशित होय वाला त्रैमासिक हिंदा पत्रिका, अंग चम्पा के संस्थापक व संपादक भी छेकै ।

अंगिका.कॉम  डॉ. प्रेम प्रभाकर क हार्दिक बधाई आरू शुभकामना देतैं हुअय आशा व्यक्त करै छै कि हुनी वि.वि. मँ अंगिका विभाग मँ जान फूँकी क एगो नया अध्याय रचतै ।

डॉ. प्रेम प्रभाकर बनलै स्नातकोत्तर अंगिका विभाग, तिलकामांझी भागलपुर विवि के नयाविभागाध्यक्ष | News in Angika