मुंबई, १७ फरवरी, २०२० । अंगिका भाषा क संविधान केरौ ८ मो अनुसूची मँ डलबाबै लेली २१ फरवरी क राजधानी दिल्ली केरौ जंतर-मंतर प विशाल रैली व धरना आयोजित करलौ गेलौ छै ।

अंतर्राष्ट्रीय मातृभाषा दिवस, २१ फरवरी दिना राजधानी दिल्ली केरौ जंतर-मंतर पर अंगिका.कॉम, अखिल भारतीय अंग अंगिका विकास मंच, आरू कैम्पेन फॉर लैंग्वेज इक्विलिटी एंड राइट्स (CLEAR) केरौ संयुक्त तत्वाधान अंगिका, भोजपुरी, मगही, बज्जिका, कोसली, राजस्थानी, कुरमाली भाषा सहित सीताकांत महापात्रा द्वारा अनुशंसित सब्भे 38 भारतीय भाषा क संविधान केरौ आठमौ अनुसूची मँ डलबाबै आरू संविधान सम्मत एकरो सब अधिकार दिलबाबै ल आपनौ आवाज बुलंद करै खातिर, अंतर्राष्ट्रीय मातृभाषा दिवस - २१ फरवरी क, भोरे १० बजे सँ जंतर-मंतर, दिल्ली मँ , 'दिल्ली भाषा अधिकार रैली' के रूप मँ आयोजित छै ।

कुंदन अमिताभ, संस्थापक, अंगिका.कॉम, राष्ट्रीय महासचिव, अखिल भारतीय अंग अंगिका विकास मंच, राष्ट्रीय उपाध्यक्ष, अखिल भारतीय अंगिका साहित्य कला मंच, राष्ट्रीय संयोजक, कैम्पेन फॉर लैंग्वेज इक्विलिटी एंड राइट्स (CLEAR) नँ अंगिक भाषा भाषी सँ जादा सँ जादा संख्या मँ उपस्थित होय क आपनौ भाषा के हक लेली आवाज उठाबै ल सादर निवेदन करलै छै।