काँग्रेस क मजबूत करै लेली हरदम्मे काम करतें रहबै, लेकिन आपनौ इस्तीफा वापस नै लेबै -राहुल गाँधी | News in Angika

काँग्रेस क मजबूत करै लेली हरदम्मे काम करतें रहबै, लेकिन आपनौ इस्तीफा वापस नै लेबै - राहुल गाँधी ।

नई दिल्ली: २६ मई, २०१९ । लोकसभा चुनाव मँ खराब प्रदर्शन के बाद काँग्रेस अध्यक्ष राहुल गांधी नँ पार्टी अध्यक्ष पद सँ इस्तीफा दै के पेशकश करलकै लेकिन कांग्रेस वार्किंग कमेटी नँ नामंजूर करी देलकै । सूत्रो के कहना छै कि राहुल गांधी इस्तीफा दै प अड़लौ छै । उनकौ बहिन प्रियंका गांधी के भी उनकौ ई फैसला मँ हुनका साथ मिललौ छै । राहुल गांधी के कहना छै कि वू पार्टी क मजबूत करै लेली हमेशा काम करतें रहतै, लेकिन अपनौ इस्तीफा वापस नै लेतै । वहीं प्रियंका गाँधी के कहना छै कि राहुल क कुछ समय देलो जाना चाहियौ जेकरा सँ कि आरू वैकल्पिक प्लान तैयार करलौ जाबै सकै । एकरो अलावे पूर्व प्रधानमंत्री मनमोहन सिंह नँ भी राहुल सँ अपनो फैसला प पुनर्विचार करै लेली कहलै छै ।

वहीं पूर्व वित्त मंत्री पी चिदंबरम बैठक में ही कानै लागलै । राहुल के इस्तीफा पर अड़ला के बाद उनकौ आँखौ मँ लोर आबी गेलै । हुनी राहुल गाँधी सँ पार्टी अध्यक्ष के पद नै छोड़ै लेली कहलकै । एकरौ साथ ही हुनी राहुल गाँधी सँ कहलकै कि आपनै क नै पता छै कि दक्षिण भारत के लोग आपनै सँ केतना मोहब्बत करै छै, अगर आपनै इस्तीफा देबै त कुछ लोग सुसाइड भी करै सकै छै ।

राहुल नँ शनिवार क CWC के बैठक मँ बतौर अध्यक्ष कुछ मुश्किल के ज़िक्र करतें कहलकै कि पार्टी केरौ बड़ौ नेता अपनौ बेटा सब क ही आगू बढ़ाबै मँ लगलौ रहै छै । हुनकौ कहना छै कि वू पार्टी क मजबूत करै वास्तें हमेशा काम करतें रहतै, लेकिन अपनौ इस्तीफा वापस नै लेंतै । कल जबै मीटिंग होलै, त कांग्रेस के कोय भी नेता नँ मीडिया सँ बात नै करलकै। बाद मँ पार्टी के प्रवक्ता सिनी  के ओर सँ बयान जारी करलौ गेलै जेकरा मँ जानकारी देलौ गेलै कि बैठक मँ की बात भेलै ।