आम चुनाव 2019 में जीत हासिल करला प विश्व केरौ अनेक नेता नँ प्रधानमंत्री क बधाई देलकै | News in Angika

आम चुनाव 2019 में जीत हासिल करला प विश्व केरौ अनेक नेता नँ प्रधानमंत्री क बधाई देलकै ।

नई दिल्ली । २४ मई २०१९ । प्रधानमंत्री श्री नरेंद्र मोदी क आम चुनाव 2019 मँ जीत हासिल करला प बांग्लादेश केरौ प्रधानमंत्री श्रीमति शेख हसीना, भूटान नरेश जिग्मे खेसर नामग्याल वांगचुक, भूटान के प्रधानमंत्री डॉ. लोटे शेरिंग, नेपाल के प्रधानमंत्री श्री के.पी. शर्मा ओली, मालदीव के राष्ट्रपति श्री इब्राहिम मोहम्मद सोलिह, श्रीलंका के प्रधानमंत्री श्री रानिल विक्रमसिंघे, रूस के राष्ट्रपति श्री व्लादिमीर पुतिन, फ्रांस के राष्ट्रपति श्री इमैनुएल मैक्रॉन, जापान के प्रधानमंत्री श्री शिंजो आबे, ऑस्ट्रेलिया के प्रधानमंत्री श्री स्कॉट मॉरिसन, मॉरीशस के प्रधानमंत्री श्री प्रवीण जुगनाथ, यूएई के शहजादे श्री मोहम्मद बिन जायद आरू इजरायल के प्रधानमंत्री श्री बेंजामिन नेतन्याहू सहित दुनिया भर के नेता सिनी नँ टेलिफोन करी क बधाई देलै छै।

प्रधानमंत्री केरौ गर्मजोशी सँ स्वागत करतें हुअय नेता सिनी नँ कहलकै कि ई ऐतिहासिक जनादेश प्रधानमंत्री श्री नरेंद्र मोदी केरौ नेतृत्व के प्रति भारत के लोगो के आस्था क दर्शाबै छै।

विश्‍व के नेता सिनी के स्‍नेह आऱू शुभकामना लेली आभार व्यक्त करतें प्रधानमंत्री श्री मोदी नँ कहलकै कि आम चुनाव भारतीय लोकतंत्र के ताकत क दर्शाबै छै । भारत दुनिया केरौ सबसें बड़ौ लोकतंत्र छेकै। हुनी पारस्परि‍क रूप सें लाभकारी द्विपक्षीय संबंध आरू बहुपक्षीय सहयोग क विकसित करै मँ उनको सहयोग लेली विश्‍व के नेता सिनी क धन्यवाद देलकै। हुनी मजबूत संबंध क आरू बेहतर बनाबै लेली आगू भी मिलीजुली करी क काम करै के अपनौ इच्‍छा जाहिर करलकै । प्रधानमंत्री नँ ऐसनौ कई अन्य नेता सिनी के प्रति भी आभार व्यक्त करलै छै, जे सोशल मीडिया आरू अन्य माध्यमौ सँ हुनका अपनौ शुभकामना देलै छै ।