मलेरिया खतम करै वाला पहलौ टीका मलेरिया दिवस प अफ्रीका केरौ मलावी देश मँ टेस्टलेली लाँच करलौ गेलै

मलेरिया खतम करै वाला पहलौ टीका मलेरिया दिवस प अफ्रीका केरौ मलावी देश मँ टेस्ट लेली लाँच करलौ गेलै ।

मलावी । विश्व स्वास्थ्य संगठन केरौ निर्देश प मलेरिया खतम करै वाला पहलौ टीका अफ्रीका केरौ मलावी देश केरौ बुतरू सिनी क लगाना शुरू करी देलौ गेलौ छै ।

मलेरिया दिवस २५ अप्रैल के पूर्व संध्या प  मेडिकल विज्ञान केरौ बहुत बड़ौ उपलब्धि 'मलेरिया टीका' क आम लोगौ के बीच टेस्ट करै लेली तोहफा के रूप मँ पेश करलौ गेलै । २५ - ३० साल सँ वैक्सीन सँ मिलै वाला परिणाम के जाँच के बाद मलेरिया खतम करै के पहलौ टीका टेस्ट लेली तैयार करी क पहलौ बार अफ्रीका केरौ मलावी देश मँ बुतरू सिनी क लगाना शुरू करी देलौ गेलै।

वैक्सीन केरौ नाँव, मॉस्क्यूरिक्स छेकै । ई वैक्सीन क ब्रिटिश फार्मास्युटिकल कंपनी जीएसके नँ १९८७ ई. मँ बनैलै छेलै । गत २५ - ३० साल सँ वैक्सीन सँ मिलै वाला परिणाम के जाँच चली रहलौ छेलै । ई जाँच के बाद ही वैक्सीन क टेस्ट लेली लाँच करलौ जाबै सकै छेलै ।





अफ्रीका केरौ ३ देश मलावी, घाना, आरू केन्या केरौ  लगभग साढ़े तीन लाख बुतरू सिनी प एकरौ टेस्ट करलौ जैतै ।

मलेरिया सँ सबसें जादा मौत, २५००० बच्चा हर साल के दर सँ अफ्रीका मँ होय छै । ई लेली टीका केरौ टेस्ट लेली अफ्रीका क चुनलौ गेलै ।

११ साल मँ भारत सँ भी मलेरिया के पूरा सफाया के लक्ष्य छै !