प्रधानमंत्री क ई सोचना छोड़ी देना चाहियौ कि जनता बकलोल छै - प्रियंका गांधी | News in Angika

वाराणसी, 21-03-2019 । प्रधानमंत्री नरेंद्र मोदी प हमला करतें हुअ कांग्रेस महासचिव प्रियंका गांधी नँ बुधवार क कहलकै कि ''हुनकौ मानना छै कि प्रधानमंत्री क ई सोचना छोड़ी देना चाहियौ कि जनता बकलोल छै, हुनका पता होना चाहियौ कि लोगें सब समझी रहलौ छै ।''

प्रधानमंत्री नरेंद्र मोदी नँ बुधवार क एगो ब्लॉग के जरिए कांग्रेस आरू विपक्षी दलौ के वंशवाद पर वार करलकै त प्रियंका गांधी नँ भी पलटवार करतें हुऐ कहलकै कि बीतलौ पाँच सालौ मँ भाजपा नँ तमाम संस्थान सब क बर्बाद करै के काम करनै छै ।


संवाददाता सिनी सँ बात करतें प्रियंका गांधी नँ कहलकै ''हम्में बिल्कुल नै डरै छियै । चाहे कुछ भी करौ, हमरा जेतना भी प्रताडि़त करौ, हम्में डरै नै छियै । हम्में हुनकौ खिलाफ लडतें रहबै । हुनी हमरा जेतना प्रताड़ित करतै उतना जोर सँ हम्में लड़बै ।

प्रियंका गांधी आय़ वाराणसी में छेलै । गंगा जमुनी तहजीब यात्रा के जरिए हुनी इलाहाबाद सँ होते हुए वाराणसी पहुंचली । वाराणसी में प्रियंका गांधी केरौ जोरदार स्वागत होलै । हुनी कहलकै कि ई प्रकार के स्वागत आरू सम्मान लेली हुनी वाराणसी के जनता के आभारी छै ।