लोकसभा चुनाव: बिहार केरौ 39 सीटौ पर NDA प्रत्याशी केरौ घोषणा, खगड़िया सीट प घोषणा शेष | News in Angika

लोकसभा चुनाव: बिहार केरौ 39 सीटौ पर NDA प्रत्याशी केरौ घोषणा, खगड़िया सीट प घोषणा शेष ।

पटना । 23 मार्च, 2019 । बिहार में एनडीए नँ आय लोकसभा चुनावौ लेली 40 मँ सें अपनौ 39 उम्मीदवारौ के नाँव घोषित करी देलकै । जेकरौ तहत बीजेपी, जेडीयू के 17-17 आरू एलजेपी केरौ 5 उम्मीदवारौ के नामौ के ऐलान करलौ गेलौ छै । एनडीए तरफौ सँ जारी उम्मीदवारौ के लिस्ट मँ शामिल प्रमुख नामौं में बीजेपी के टिकट पर बेगूसराय सँ गिरिराज सिंह, पटना साहिब सँ रविशंकर प्रसाद, दरभंगा सँ गोपाल ठाकुर, पाटलिपुत्र सँ रामकृपाल यादव के नाम शामिल छै ।

दोसरौ तरफ जेडीयू उम्मीदवारौ मँ भागलपुर सँ अजय मंडल, मुंगेर सँ ललन सिंह, बाँका सँ गिरधारी यादव, किशनगंज सँ महमूद अशरफ आरू कटिहार सँ दुलालचंद गोस्वामी के नाम प्रमुख छै ।

लोक जनशक्ति पार्टी सँ हाजीपुर सीट पर पशुपति कुमार पारस आरू नवादा सँ चंदन कुमार के नाम शामिल छै ।

एनडीए उम्मीदवारौ के ई लिस्ट में सबके नजर गिरिराज सिंह, शाहनवाज हुसैन आरू शत्रुघ्न सिन्हा के सीट पर लगलौ छेलै । गिरिराज सिंह क पार्टी न नवादा के जगह पर बेगूसराय सँ उम्मीदवार बनैलै छै । वहीं पटना साहिब सँ शत्रुघ्न सिन्हा के टिकट काटतें हुऐ रविशंकर प्रसाद क टिकट देलौ गेलौ छै । हुन्नें शहनवाज हुसैन के भागलपुर सीट जेडीयू के खाता में चल्लौ गेलौ छै, जहाँ सें अजय कुमार मंडल क टिकट देलौ गेलौ छै।

पटना केरौ बिहार बीजेपी प्रदेश कार्यालय मँ आयोजित प्रेस कॉन्फ्रेंस मँ बिहार बीजेपी प्रभारी भूपेंद्र यादव न तीनो दलौ के उम्मीदवारौ के नाम के घोषणा करलकै । ई मौका पर बीजेपी प्रदेश अध्यक्ष नित्यानंद राय, जेडीयू प्रदेश अध्यक्ष वशिष्ठ नारायण सिंह आरू एलजेपी प्रदेश अध्यक्ष पशुपति पारस मौजूद रहै । पीसी मँ राज्यसभा सांसद आरसीपी सिंह भी मौजूद रहै ।

आय राजग द्वारा जारी समुच्चे सूची निम्नांकित छै,

नीचें देलौ गेलौ लिस्ट मँ देखौ केकरा कहाँ सँ मिललौ छै टिकट

जनता दल यूनाइटेड (जेडीयू) के उम्मीदवार
वाल्मीकिनगर-वैद्यनाथ प्रसाद महतो
सीतामढ़ी-डॉ. वरुण कुमार
झंझारपुर- रामप्रीत मंडल
सुपौल- दिलेश्वर कामत
किशनगंज-महमूद अशरफ
कटिहार-दुलाल चंद्र गोस्वामी
पूर्णिया-संतोष कुमार कुशवाहा
मधेपुरा-दिनेशचंद्र यादव
गोपालगंज-डॉ. आलोक कुमार सुमन
सिवान-कविता सिंह
भागलपुर-अजय कुमार मंडल
बांका-गिरिधारी यादव
मुंगेर-राजीव रंजन उर्फ ललन सिंह
नालंदा-कौशलेंद्र कुमार
कराकट- महाबली सिंह
जहानाबाद-चंद्रेश्वर प्रसाद चंद्रवंशी
गया-विजय कुमार मांझी

भारतीय जनता पार्टी (भाजपा) के उम्मीदवार
पश्चिमी चंपारण- डॉ. संजय जायसवाल
पूर्वी चंपारण- राधा मोहन सिंह
शिवहर- रमा देवी
मधुबनी -अशोक कुमार यादव
अररिया-प्रदीप सिंह
दरभंगा-गोपाल ठाकुर
मुजफ्फरपुर-अजय निषाद
महाराजगंज-जनार्दन सिंह सिग्रीवाल
सारण-राजीव प्रताप रूडी
उजियारपुर-नित्यानंद राय
बेगूसराय-गिरिराज सिंह
पटना साहिब-रविशंकर प्रसाद
पाटलिपुत्र-राम कृपाल यादव
आरा-राज कुमार सिंह
बक्सर -अश्विनी कुमार चौबे
सासाराम- छेदी पासवान
औरंगाबाद-सुशील कुमार सिंह

लोक जनशक्ति पार्टी ( एलजेपी) के उम्मीदवार
वैशाली-वीणा देवी
हाजीपुर-पशुपति पारस
समस्तीपुर-रामचंद्र पासवान
नवादा- चंदनकुमार
जमुई -चिराग कुमार पासवान
खगड़िया-घोषणा शेष