बलिया घाटौ प पक्की पूल निर्माण के माँग क लै क धरलौ गेलै धरना, अंगिका क प्राइमरी सँइंटरमीडियट तलक शिक्षा के माध्यम भाषा बनाबै के माँग भी करलौ गेलै | News in Angika

बलिया घाट (रुपौली) । पूर्णिया जिलान्तर्गत रुपौली प्रखण्डौ के बलिया घाटौ प पक्की पूलो के  निर्माण लेली काल धरना देलौ गेलै । जेकरा मँ सरकार सँ माँग करलौ गेलै कि जल्दी सँ जल्दी पक्की पुलौ के निर्माण करलौ जाय।

धरना मँ स्थानीय लोगौ के अलावा अंनन्द मार्ग आरू अखिल भारतीय अंगिका साहित्य विकास समिति के ढेरे लोग शामिल रहै ।

धरना मँ शामिल अखिल भारतीय अंगिका साहित्य विकास समिति के नवगछिया जिलाध्यक्ष फूल कुमार अकेला के कहना छै कि पक्की पुल नै बनला के चलतें लोगौ के रोजमर्रा के जीवन कष्टप्रद रहै छै । समुचित आवागमन भी अवरूद्ध रहै छै, जेकरा चलतें ई इलाका के विकास नञ होय पाबी रहलौ छै ।

धरना मँ शामिल लोगें सिनी नँ आशा जतैलै छै कि सरकार ई माँग प ध्यान द क जल्दिये पक्की पुलौ के निर्माण के काम करैतै ।