अबकी बार सरंग सें वार, आतंकी कैंपौ प भारत केरौ बमौ के प्रहार ,जैश केरौ ३०० सँ जादाआंतकी ढेर | News in Angika

नई दिल्ली: भारत नँ पुलवामा में होलौ आतंकी हमला के बदला लेनै छै आरू  एलओसी पार करी क आतंकी कैंपौ क पूरा तरह सें तबाह करी देलै छै । भारतीय वायुसेना (air strike by india) नँ सोमवार क देर रात करीब 3.30 बजे मिराज केरौ 12 फाइटर जेट सें हमला करलकै आरू मुजफ्फराबाद, बालाकोट आरू चकोट में स्थित आतंकी कैंप प बमबारी करी क ओकरौ कैंप क पूरा तरह सें तबाह करी देलकै । भारतीय वायुसेना (indian air force) केरौ ई बड़ौ कार्रवाई पर विदेश सचिव विजय गोखले नँ कहलकै कि 14 फरवरी क जैश ए मोहम्मद नँ सीआरपीएफ प फिदायीन हमला करनै रहै । ई संगठन पाकिस्तान में दू दशक सें सक्रिय छै । पाकिस्तान क उनकौ कैंप के बारे मँ लगातार जानकारी देलौ जैतें रहलौ गेलौ छै लेकिन हुनिये कोय एक्शन नै लेलकै ।

हमरा सूचना मिललै कि वू देश में आरू फिदायीन हमला करै सकै छै । एकरौ बाद भारत नँ बालाकोट में जैश के कैंप पर कार्रवाई करलकै ।  जेकरा मँ जैश के आतंकी आरू ट्रेनर ढेर होलौ छै । जैश कमांडर युसूफ अजहर भी मारलौ गेलै, ओहीं ई कैंप चलाय रहलौ छेलै । हुनी कहलकै कि भारत सरकार आतंकवाद सें लड़ै वास्तें  दृढ़संकल्प छै ।

सूत्र के मानलौ जाय त भारतीय वायुसेना केरौ इ बड़ौ ऑपरेशन में 19 मिनट के समय लगलै । भारतीय वायुसेना नँ सोमवार देर रात करीब 3.30 मिनट बजे 12 मिराज फाइटर जेट के साथ हमला करलकै आरू तीन आतंकी कैंपौ क निशाना बनैलकै । भारतीय वायुसेना नँ बालाकोट, चकोट आरू मुजफ्फराबाद मिलाय क कुल तीन हमला करलकै ।  बतैलौ ई भी जाय रहलौ छै है कि जैश, लश्कर आरू हिज्बुल के आतंकी कैंप भी एकरा म शामिल रहै, जेकरा भारतीय वायुसेना नँ नस्तोनाबूद करी देलकै ।

सूत्रौ सें मिललौ जानकारी के मुताबिक, भारतीय वायुसेना के ई हमला में आतंकी कैंप पूरा तरह सें तबाह भ गेलौ छै जेकरा चलतें ३०० सौ सें भी जादे  आतंकी ढेर होय गेलै ।

दरअसल, 14 फरवरी क सीआरपीएफ क काफिला जम्मू सें श्रीनगर जाय रहलौ छेलै । ई काफिला में करीब 78 गाड़ी छेलै आरू 2500 जवान शामिल छेलै । अचानके बायाँ दन्नें सँ ओवरटेक करी क विस्फोटक सँ लदलौ एगो कार ऐलै आरू ओंय सीआरपीएफ के बस में टक्कर मारी देलकै । आतंकवादी नँ जोन कार सँ टक्कर मारनै रहै, ओकरा में करीब 60 किलो विस्फोटक छेलै । जेकरौ वजह सें विस्फोट इतना घातक भेलै कि  40 जवान शहीद होय गेलौ रहै ।