अंगिका साहित्य आरू संस्कृति केरऽ विकास म॑ योगदान लेली ४० वरिष्ठ अंगिका साहित्यकारऽक॑ करलऽ जैतै सम्मानित | News in Angika

भागलपुर । आय अंगिका महोत्सव स्थल पर आयोजन संबंधी विशेष बैठक आयोजित होलै । जेकरा म॑ निर्णय होलै कि अंगिका साहित्य आरू संस्कृति केरऽ विकास म॑ योगदान लेली ४० वरिष्ठ अंगिका साहित्यकारऽ क॑  सम्मानित करलऽ जैतै । बैठक केरऽ अध्यक्षता कुल गीतकार श्री आमोद कुमार मिश्र न॑ करलकै ।

२ आरू ३ फ़रवरी २०१९ क॑  दिल्ली, मुम्बई, पटना, राँची, कलकत्ता, के अंगिका साहित्यकार- पत्रकार सिनी भागलपुर म॑ आयोजित होय वाला अंगिका महोत्सव म॑ जौरऽ होतै । जेकरा म॑ अंगिका भाषा केरऽ विभिन्न पहलू पहलू आरू विकास पर परिचर्चा होतै । साथ ही अंगिका नाटक, फिल्म, कविगोष्ठी केरऽ आयोजन होतै ।

महोत्सव म॑ अंगिका साहित्य आरू संस्कृति केरऽ विकास म॑ योगदान लेली ४० वरिष्ठ अंगिका साहित्यकारऽ क॑  सम्मानित करलऽ जैतै ।