अठमाहा गाँव म॑ आयोजित भेलै अखिल भारतीय अंगिका साहित्य कला मंच केरऽ कवि सम्मेलन | News in Angika
बाँका।१६-११-२०१८। अठमाहा गांव म॑ अखिल भारतीय अंगिका साहित्य कला मंच केरऽ तत्वावधान म॑ कवि सम्मेलन आयोजित करलऽ गेलै । जेकरऽ उद्घाटन मंच केरऽ राष्ट्रीय अध्यक्ष सह तिलकामांझी भागलपुर विश्वविद्यालय अंगिका विभागाध्यक्ष डॉ. मधुसूदन झा, महामंत्री हीरा प्रसाद हरेन्द्र, समाजसेवी इन्द्रजीत सिंह न॑ संयुक्त रूप स॑ दीप जलाय करी क॑ करलकै । मौका पर अंगिका के कवि विकास सिंह गुलटी केरऽ किताब 'हमरऽ अंग देश' के लोकार्पण करलऽ गेलै। मौका प॑ कवि विजेता मुगदलपुरी, परमानन्द प्रेमी आदि कवि न॑ विकास सिंह गुलटी के पुस्तक के प्रशंसा करतें कहलकै कि अंग प्रदेश क॑ जानै व समझै लेली हिनकऽ गीत ही काफी छै ।
सम्मेलन केरऽ दूसरे सत्र में रामावतार राही न॑ अपनऽ चुटीला अंदाज में अपनऽ रचना क॑ उपस्थित लोगऽ के बीच परोसलकै । जेकरा स॑ उपस्थित लोगऽ क॑ उनकऽ हास्य व्यंग्य सुनी क॑ हंसी केरऽ फव्बारा फुटी परलै ।
नरेश जनप्रिय, प्रकाश सेन प्रीतम, चंद्रिका ठाकुर, अंजनी सुमन, अभय कुमार सिंह, अश्विनी सोलंकी, राघवेंद्र सिंह आदि कवि न॑ अपनऽ रचना सब के प्रस्तुति पर खूब वाहवाही बटोरलकै ।
सब्भे वक्ता सिनी न॑ अंग-प्रदेश के मातृभाषा के विकास लेली लोगों स॑ अंगिका बोलै लेली प्रोत्साहित करलकै । इस मौके पर रूपेश सिंह, सागर सिंह, विकास सिंह, दिवाकर सिंह, मनोरंजन सिंह, शशिकांत सिंह, गोलू सिंह, राजकुमार सिंह, राजा, अभिषेक, बबलू सिंह, किशोर कुमार राय आदि प्रमुख रूप स॑ मौजूद छेलै ।
No comments:
Post a Comment