भारत न॑ अफ्रीका क॑ १२४ रनऽ सें हरैलकै, ३-० के बढ़त ल॑ क॑ रचलकै इतिहास | News in Angika

केपटाउन : दक्षिण अफ्रीका केरऽ खिलाफ तीसरा वनडे म॑ टीम इंडिया न॑ कप्तान विराट कोहली केरऽ शानदार १६० रन के पारी आरू बाद म॑ शानदार स्पिन गेंदबाजी केरऽ दम प॑ अफ्रीका क॑ 124 रनऽ सें हराय क॑ ६ मैचऽ के सीरीज म॑ ३-० के बढ़त हासिल करी लेन॑ छै । चौथा वनडे मैच १० फरवरी क॑ होतै । कुलदीप यादव आरू युजवेंद्र चहल न॑ ४-४ विकेट लेलकै । अफ्रीका म॑ द्विपक्षीय सीरीज म॑ एकरऽ पहलें भारतीय टीम कभी दू सें जादा वनडे नै जीत॑ पारल॑ छै ।

पहलऽ दू वनडे म॑ दक्षिण अफ्रीकी बल्लेबाज चाइनामैन कुलदीप यादव आरू लेग स्पिनर युजवेंद्र चहल केरऽ स्पिन जोड़ी सें परेशान रहलऽ छै । तेसरऽ मैच म॑ भी ई दूनू न॑ अफ्रीका क॑ सबसें ज्यादा परेशान करलकै ।