सुलतानगंज - असरगंज रोड प॑ सड़क हादसा म॑ ड्राइवर के मौत आरू ७० लोग घायल

सुलतानगंज : सुलतानगंज-देवघर मुख्य मार्ग प॑ कमराय चौक लगां २ फरवरी शुक्रवार क॑ भोरे करीब ७:२० बजे बस व ट्रक में भीषण टक्कर होय गेलै । ई हादसा में बस चालक केरऽ मौत होय गेलै आरू बस पर सवार सब्भे ७० यात्री गंभीर रूप से जख्मी होय गेलै । बस केरऽ सब्भे सीट उखड़ी क॑ क्षतिग्रस्त होय गेलै । यात्री सिनी में चीख-पुकार मची गेलै । ट्रक चालक मौका सें फरार होय गेलै ।

हादसा के खबर मिलथैं पास केरऽ कमराय आरू अन्य गांमऽ के लोग आरू सुलतानगंज व असरगंज थाना के पुलिस पहुंचलै । सब्भे न॑ मिली क॑ बस में फंसलऽ घायलऽ सब क॑ बाहर निकाललकै । एकरऽ बाद सब्भे क॑ सुलतानगंज रेफरल अस्पताल के अलावा असरगंज, तारापुर व संग्रामपुर इलाज लेली पहुँचैलकै । बस चालक जिलेबिया मोड़ केरऽ लेटवा गांव निवासी मनोज यादव केरऽ इलाज के दौरान मौत होय गेलै ।

बस स॑ घायलऽ सब क॑ निकालै के दौरान देवघर-सुलतानगंज मुख्य मार्ग करीब तीन घंटा तलक जाम रहलै । वाहनऽ के आवागमन ठप होय गेलै । हादसा के कारण कुहासा आरू ओवरटेकिंग बतैलऽ जाय रहलऽ छै । बतैलऽ जाय रहलऽ छै कि बस चालक ओवरटेक करै के प्रयास करी रहलऽ छेलै ।

घायल यात्री म॑ स॑ कुछ के नाम -
1. बबलू झा,बस कंडक्टर,40 वर्ष, धौरी, राजपुर,बांका 2. गायत्री कुमारी, हवेली खड़गपुर,मुंगेर.3. मौजी लाल साह, मोतिहारी, पटना
4. मुन्नी देवी, पंखा टोली, भागलपुर 5. विमल यादव, तिलकपुर, सुलतानगंज 6. अरूण तांती, पानी टंकी, मिर्जापुर, सुलतानगंज.
7. सोनी देवी 8. टिंकू कुमारी 9. राघत कुमार, 5 वर्ष 10. स्नेहा कुमारी, 6 वर्ष 11. नवल किशोर शर्मा 12.चकतरनी, शंभूगंज, बांका.
13. भागवत साह, 60 वर्ष 14. गीता देवी, 55 वर्ष, असरगंज 15. अजय राय, 38 वर्ष, टेटियाबंपर, मुंगेर.

(Source - https://www.prabhatkhabar.com/news/bhagalpur/bihar-nalanda-and-bhagalpur-road-accident-two-killed-and-90-wounded/1118978.html)