बिहार केरऽ सब्भे जिला म॑ खुलतै कैंसर जांच केंद्र : केंद्रीय स्वास्थ्य मंत्री अश्विनी चौबे | News in Angika

पटना । बिहार केरऽ सभी जिला म॑ कैंसर जांच केन्द्र खुलतै । बुधवार क॑ पटना म॑ केंद्रीय स्वास्थ्य राज्यमंत्री अश्वनी चौबे आरू बिहार केरऽ स्वास्थ्य मंत्री मंगल पांडेय न॑ भाभा आरू टाटा ट्रस्ट के साथ एगो महत्वपूर्ण बैठक करलकै जेकरा म॑ ई फैसला लेलऽ गेलै ।



अश्विनी चौबे न॑ बतैलकै कि टाटा ट्रस्ट एल-1,एल-2 आरू एल-3 स्तर के तीन केंद्र केरऽ निर्माण करतै । जेकरा म॑ एल-1 म॑ कैंसर अस्पताल, एल-2 म॑ ट्रीटमेंट के साथ रेडिएशन आरू एल-3 म॑ बिहार केरऽ नौ सेंटर म॑ प्राइमरी डिटेक्शन सेंटर बनैलऽ जैतै । ई केंद्रऽ प॑ ब्रेस्ट,माउथ आरू गॉल ब्लाडर के साथ अन्य कैंसर के जांच आरू इलाज के सुविधा होतै ।

आजकऽ बैठक के बाद टाटा ट्रस्ट आरू भाभा के साथ अगला बैठक म॑ एमओयू प॑ हस्ताक्षर होतै, जेकरा म॑ दूनो संस्था केन्द्र आरू राज्य सरकार के सहयोग सें पीपीपी मोड प॑ कैंसर अस्पताल खोली क॑ यहां के मरीजऽ क॑ अपनऽ सेवा प्रदान करतै ।

(Source - https://hindi.news18.com/news/bihar/patna-cancer-test-centers-will-be-opened-in-all-districts-of-bihar-1270431.html)