'खगड़िया वाली भौजी' के प्रीमियर शो आज

खगड़िया, 27 अप्रैल,2007. पहलॊ अंगिका फिल्म 'खगड़िया वाली भौजी' के प्रीमियर शो 27 अप्रैल कॆ स्थानीय लक्ष्मी सिनेमा हाल मॆं आयोजित करलॊ गेलॊ छै. इ अवसर पर फिल्म के निर्माता-निर्देशक सह मुख्य अभिनेता कुणाल बैकुंठ सिंह आरू मुख्य अभिनेत्री नीतू सिंह उपस्थित रहतै.

सूत्रॊ के अनुसार लाइफ लाइन इंटरटेनमेंट के बैनर तले निर्मित 'खगड़िया वाली भौजी' केरॊ प्रीमियर शो मॆं भाग लॆ लेली खगड़िया जिला के सब्भे साहित्यकार, पत्रकार, समाजसेवी, बुद्धिजीवी आरू प्रशासनिक अधिकारियॊ कॆ आमंत्रित करलॊ गेलॊ छै.

प्रीमियर शो के सफलता लेली जिला के पूर्व जिला पार्षद अरुण कुमार यादव, युवा भारत के विजय कुमार सिंह दिन रात एक करी देनॆ छै. हुनी कहलकै कि जिला में पहलॊ अंगिका फिल्म के प्रदर्शन भारतीय सिनेमा लेली एक ऐतिहासिक कदम छेकै. एकरॊ जरिया सॆं अंग प्रदेश के गौरवशाली संस्कृति आरु अंग प्रदेश के प्रतिभा सभ कॆ पर्याप्त अवसर मिलतै.

 

An Exclusive Report on angika.com by Kundan Amitabh