7 days ago
उधाडीह गाँव मँ मनैलौ गेलै शौर्य चक्रधारी अंग गौरव शहीद निलेश कुमार नयन केरौ शहादत दिवस | New in Angika
1 week ago
गिनीज बुक ऑफ वर्ल्ड रिकॉर्ड मँ जग्घौ बनाबै लेली आय 122 भाषा के गाना कार्यक्रम मँ अंगिका मँ भी गैतै पुणे केरौ मंजुश्री ओक | News in Angika
3 weeks ago
अंगिका भाषा क आठमौ अनुसूची मँ दर्ज कराबै लेली दिसम्बर मँ दिल्ली मँ होय वाला आन्‍दोलन क सफल बनाबै के करलौ गेलै आह्वान | News in Angika
3 weeks ago
अंगिका आरू हिन्दी केरौ वरिष्ठ कवि व गीतकार, कविरत्न महेन्द्र प्र.”निशाकर” “दिनकर सम्मान” सँ सम्मानित  | News in Angika Angika
1 month ago
चाँद पर विक्रम लैंडर के ठेकानौ के लगलै पता, पर अखनी नै हुअय सकलौ छै संपर्क | ISRO found Vikram on surface of moon, yet to communicate | Chandrayaan 2 | News in Angika


चुनाव केरौ पहलौ चरण मँ 80 प्रतिशत केरौ ज़बरदस्त वोटिंग

लोकसभा चुनाव मँ पहलौ चरण के मतदान आय साँझैं पूरा भ गेलै । मतदान भोरे सात बजे ही शुरू होय गेलौ रहै ।

अधिकतर जगहौ प 60 प्रतिशत सँ जादा मतदान होलै । कुछ जग्घौ प त ई 78 प्रतिशत तलक पहुँची गेलै । चुनाव आयोग नँ मतदान ख़तम होला के बाद आयोजित होलौ प्रेस कॉन्फ्रेंस मँ कहलकै कि अंडमान व निकोबार मँ 70.67 प्रतिशत, आंध्र प्रदेश मँ 66 प्रतिशत आरू तेलंगाना मँ 60 प्रतिशत लोगौ नँ अपनौ मताधिकार के प्रयोग करलकै । दोसरौ दन्नैं, उत्तराखंड मँ 57.85 फ़ीसदी, छत्तीसगढ़ मँ 56 फ़ीसदी त जम्मू-कश्मीर मँ 54.49 प्रतिशत लोगौ न वोट देलकै ।

कश्मीर मँ अलगाववादी सिनी केरौ बंद के अपील आरू माओवाद प्रभावित इलाक़ा सभ मँ चुनाव के बहिष्कार के बावजूद बड़ी तादाद मँ लोगौ नँ वोट डाललकै ।

सबसँ ज़्यादा 81.8 प्रतिशत वोट त्रिपुरा मँ पड़लै त पश्चिम बंगाल मँ 81 फ़ीसदी लोगौ नँ वोट डाललकै । एकरौ साथ ही पूर्वोत्तर के नागालैंड आरू मणिपुर मँ 78 प्रतिशत त असम मँ 68 प्रतिशत लोगौ नँ अपनौ मताधिकार के प्रयोग करलकै ।

अंगदेश केरौ जमुई मँ लोकसभा-२०१९ के पहलौ चरण के वोटिंग

बहुजन समाज पार्टी नँ आरोप लगैलै छै कि प्रशासन के लोगौ नँ दलित समुदाय के लोगौ क वोट नै डालै देलकै । हुनी चुनाव आयोग सँ एकरौ शिकायत भी करलै छै ।

बिहार मँ 40 लोकसभा सीट प 7 चरणौ मँ होतै  मतदान
11 अप्रैल: जमुई औरंगाबाद, गया, नवादा,
18 अप्रैल: बांका, किशनगंज, कटिहार, पूर्णिया, भागलपुर
23 अप्रैल: खगड़िया, झंझारपुर, सुपौल, अररिया, मधेपुरा,
29 अप्रैल: दरभंगा, उजियारपुर, समस्तीपुर, बेगूसराय, मुंगेर
6 मई: मधुबनी, मुजफ्फरपुर, सारन, हाजीपुर, सीतामढ़ी,
12 मई: पूर्वी चंपारण, पश्चिमी चंपारण, , शिवहर, वैशाली, गोपालगंज, सिवान, महाराजगंज, वाल्मीकिनगर
19 मई: नालंदा, पटना साहिब, पाटलिपुत्र, आरा, बक्सर, सासाराम, काराकट, जहानाबाद

Comments are closed.

error: Content is protected !!