Angika.com | अंगिका.कॉम

पोर्ट एलिजाबेथ । टीम इंडिया न॑ पोर्ट एलिजाबेथ म॑ खेललऽ गेलऽ पांचमा वनडे मैच म॑ मंगलवार क॑ दक्षिण अफ्रीका क॑ ७३ रन सें हराय क॑ वनडे सीरीज प॑ कब्‍जा करी लेलकै । मैच में पहलें बैटिंग करतें हुअ॑ भारतीय टीम न॑ निर्धारित ५० ओवर म॑ सात विकेट प॑ २७४ रन बनैलकै । जवाब म॑ दक्षिण अफ्रीकी टीम महज २०१ रन प॑ ही ढेर होय गेलै । ई जीत के बाद विराट कोहली ब्रिगेड न॑ छौ वनडे के सीरीज म॑ ४-१ केरऽ अजेय बढ़त बनाय लेन॑ छै । अब॑ शुक्रवार क॑ खेललऽ जाय वाला अंतिम वनडे मैच महज औपचारिकता ही बनी गेलऽ छै । वैसें, जीत के बाद टीम इंडिया केरऽ कप्‍तान विराट कोहली न॑ कहलकै कि हुनकऽ निगाह अब॑ ५-१ केरऽ जीत पर छै । भारतीय टीम न॑ पहलऽ बार दक्षिण अफ्रीका म॑ ओकरऽ खिलाफ सीरीज जीत हासिल करन॑ छै । संबंधित अंगिका समाचार पढ़ऽ / Read similar Angika News :चहल केरऽ चंगुल म॑ फंसलै… Read More

केपटाउन : दक्षिण अफ्रीका केरऽ खिलाफ तीसरा वनडे म॑ टीम इंडिया न॑ कप्तान विराट कोहली केरऽ शानदार १६० रन के पारी आरू बाद म॑ शानदार स्पिन गेंदबाजी केरऽ दम प॑ अफ्रीका क॑ 124 रनऽ सें हराय क॑ ६ मैचऽ के सीरीज म॑ ३-० के बढ़त हासिल करी लेन॑ छै । चौथा वनडे मैच १० फरवरी क॑ होतै । कुलदीप यादव आरू युजवेंद्र चहल न॑ ४-४ विकेट लेलकै । अफ्रीका म॑ द्विपक्षीय सीरीज म॑ एकरऽ पहलें भारतीय टीम कभी दू सें जादा वनडे नै जीत॑ पारल॑ छै । पहलऽ दू वनडे म॑ दक्षिण अफ्रीकी बल्लेबाज चाइनामैन कुलदीप यादव आरू लेग स्पिनर युजवेंद्र चहल केरऽ स्पिन जोड़ी सें परेशान रहलऽ छै । तेसरऽ मैच म॑ भी ई दूनू न॑ अफ्रीका क॑ सबसें ज्यादा परेशान करलकै । संबंधित अंगिका समाचार पढ़ऽ / Read similar Angika News :अंगिका भाषी सांसद अश्विनी कुमार चौबे केंद्रीय राज्य…सरकारी उपेक्षा केरऽ शिकार बिहार अंगिका अकादमी केरऽ…पांचमा वनडे मैच म॑ दक्षिण अफ्रीका क॑ ७३… Read More