Post Tagged with: "ang desh"

अंगिका, भोजपुरी व मगही शीघ्र बनतै दोसरऽ राजभाषा – रघुवर दास,माननीय मुख्यमंत्री, झारखंड

अंगिका, भोजपुरी व मगही शीघ्र बनतै दोसरऽ राजभाषा – रघुवर दास,माननीय मुख्यमंत्री, झारखंड

राँची । झारखंड राज्य म॑ अंगिका, भोजपुरी आरू मगही क॑ द्वितीय राजभाषा के दर्जा शीघ्र मिलतै । मुख्यमंत्री रघुवर दास न॑ ई संबंध म॑ अधिकारी सिनी क॑ जरूरी निर्देश जारी करन॑ छै । कार्मिक विभाग द्वारा एकरऽ प्रस्ताव तैयार करलऽ जैतै । इस प्रस्ताव क॑ कैबिनेट केरऽ अगला बैठक म॑ पेश करलऽ जाय के उम्मीद छै । अगर ई भाषा क॑ दोसरऽ राजभाषा के दर्ज मिलै छै त॑ बिहार स॑ सटलऽ झारखंड केरऽ कई जिला में रहै वाला लोगऽ क॑ नौकरी सब म॑ फायदा मिलतै ।   जोन भाषा क॑ पहनै सें झारखंड द्वितीय राजभाषा के दर्जा शामिल छै ओकरा म॑ बांग्ला, उर्दू आरू उड़िया शामिल छै । एकरऽ अलावे  नौ जनजातीय भाषा संथाली, मुंडारी, हो, खड़िया, कुरमाली, खोरठा, नागपुरी, पंचपरगनिया और कुड़ुख (उरांव) क॑ भी एकरा म॑ शामिल करलऽ गेलऽ छै । अंगिका भाषा, संथाल परगना क्षेत्र केरऽ देवघर, दुमका, गोड्डा, साहेबगंज आदि इलाका में बोललऽ जाय छै । भोजपुरी मुख्य रूप सें दक्षिणी छोटानागपुर… Read More

अंगिका भाषा क॑ झारखंड केरऽ द्वितीय राजभाषा के दर्जा दिलाबै ल॑ व्यक्तिगत रूप स॑ प्रयास करबै – सी पी सिंह,नगर विकास मंत्री

अंगिका भाषा क॑ झारखंड केरऽ द्वितीय राजभाषा के दर्जा दिलाबै ल॑ व्यक्तिगत रूप स॑ प्रयास करबै – सी पी सिंह,नगर विकास मंत्री

रांची । नगर विकास मंत्री सीपी सिंह न॑ कहल॑ छै कि अंगिका भाषा क॑ द्वितीय राजभाषा के दर्जा मिल॑, ई लेली हुनी व्यक्तिगत रूप सें प्रयास करतै । मंत्री एतबार क॑ पुलिस मेंस एसोसिएशन सभागार म॑ आयोजित अंगिका समाज केरऽ चौथऽ स्थापना दिवस समारोह म॑ बोली रहलऽ छेलै । नगर विकास मंत्री सीपी सिंह न॑ कहलकै कि अंगिका भाषा क॑ झारखंड केरऽ द्वितीय राजभाषा केरऽ दर्जा दिलाबै ल॑ व्यक्तिगत रूप स॑ प्रयास करबै । ई मौका प॑ अंगिका समाज केरऽ कैलेंडर के विमोचन भी करलऽ गेलै । इंटर कॉमर्स के टॉपर अपूर्वा सिंह क॑ सम्मानित भी करलऽ गेलै । एकरऽ पहलें प्रसिद्ध गायिका मृणालिनी अखौरी न॑ भजन व गजल के प्रस्तुति देलकै । मौका प॑ विशिष्ट अतिथि आलोक कुमार दबे, डॉ. श्रीमोहन सिंह, डॉ. निवास चंद्र ठाकुर, बीके झा समेत अन्य लोग मौजूद रहै । (Source – https://www.bhaskar.com/jharkhand/ranchi/news/JHA-RAN-HMU-MAT-latest-ranchi-news-032505-1048184-NOR.html) संबंधित अंगिका समाचार पढ़ऽ / Read similar Angika News :बिहार केरऽ प्राइमरी इसकूली मं॑ माध्यम भासा के… Read More

अंगिका भाषा क॑ तुरंत संविधान केरऽ आठमऽ अनुसूची में शामिल करलऽ जाना चाहियऽ – पुरातत्व वेत्ता पंडित अनूप कुमार वाजपेयी

अंगिका भाषा क॑ तुरंत संविधान केरऽ आठमऽ अनुसूची में शामिल करलऽ जाना चाहियऽ – पुरातत्व वेत्ता पंडित अनूप कुमार वाजपेयी

दुमका । बितलऽ मंगलवार क॑ डा. मीरा झा केरऽ किताब ‘अंगिका/खोरठा पंडित अनूप कुमार वाजपेयी से साक्षात्कार संवाद’ पुस्तक केरऽ लोकार्पण करलऽ गेलै । मौका प॑ परिचर्चा क॑ संबोधित करतें डा. मीरा झा न॑ कहलकै कि हुनी अपनऽ शोध में ई पैल॑ छै कि मौलिक रूप सें अंगिका आरू खोरठा में कोय फर्क नै छै ।   पुरातत्व वेत्ता पंडित अनूप कुमार वाजपेयी न॑ कहलकै कि अंगिका आरू खोरठा केरऽ भेद क॑ दूर करतें हुअ॑ अब॑ अंगिका भाषा क॑ संविधान केरऽ आठमऽ अनुसूची में शामिल करलऽ जाना चाहियऽ आरू झारखण्ड केरऽ विश्वविद्यालय सब म॑ एकरऽ पढ़ाय शुरू करलऽ जाना चाहियऽ। कार्यक्रम केरऽ अध्यक्षता करी रहलऽ प्रयास फाउण्डेशन केरऽ सचिव मधुर सिंह न॑ कहलकै कि ई प्रकार के शोधपरक किताबऽ के प्रकाशन म॑ हमरऽ संस्था सहयोग करतै । जिला आपूर्ति पदाधिकारी सह जिला पंचायती राज पदाधिकारी शिवनारायण यादव, केकेएम कालेज पाकुड़ केरऽ पूर्व हिन्दी विभागाध्यक्ष डा. मनमोहन मिश्रा, सेवानिवृत्त एडीएम डा. सी एन मिश्रा, सेवा निवृत्त… Read More

महामहिम राष्ट्रपति श्री रामनाथ कोविंद क॑ लिखलऽ चिट्ठी

अंगिका भाषा क॑ संविधान के आठमऽ अनुसूची म॑ शामिल कराबै लेली राष्ट्रपति क॑ सौंपलऽ गेलै पत्र

नई दिल्ली / सुलतानगंज । अंगिका भाषा क॑ संविधान केरऽ आठमऽ अनुसूची म॑ शामिल कराबै लेली भारत केरऽ राष्ट्रपति क॑ पत्र सौंपलऽ गेलऽ छै । अखिल भारतीय अंगिका साहित्य कला मंच केरऽ प्रदेश महसचिव सुधीर कुमार प्रोग्रामर द्वारा २२ जनवरी क॑ महामहिम राष्ट्रपति श्री रामनाथ कोविंद क॑ सौंपलऽ गेलऽ पत्र म॑ आग्रह करलऽ गेलऽ छै कि करोड़ों लोगऽ के भाषा अंगिका क॑ यथाशीघ्र संविधान केरऽ आठमऽ अनुसूची म॑ शामिल करलऽ जाय ।  राज्यसभा केरऽ माननीय सांसद श्री संजय सिंह क॑ भी पत्र लिखी क॑ अंगिका भाषा क॑ यथाशीघ्र संविधान केरऽ आठमऽ अनुसूची म॑ शामिल करै के आग्रह करलऽ गेलऽ छै । साथ ही दिल्ली केरऽ माननीय मुख्यमंत्री श्री अरविंद केजरीवाल क॑ पत्र लिखी क॑ मंच द्वारा आग्रह करलऽ गेलऽ छै कि दिल्ली सरकार केरऽ मैथिली-भोजपुरी अकादमी म॑ अंगिका केरऽ नाम जोड़ी क॑ एकरऽ नया नामकरण  अंगिका-मैथिली-भोजपुरी अकादमी करलऽ जाय । ई बीच अखिल भारतीय अंगिका साहित्य कला मंच केरऽ प्रदेश महसचिव सुधीर कुमार प्रोग्रामर न॑ गत २१ जनवरी क॑… Read More

बिहार अंगिका अकादमी अध्यक्ष न॑  पी.जी. अंगिका कोर्स क॑ यू.जी.सी. सें मान्यता दिलाबै के करलकै अनुरोध

बिहार अंगिका अकादमी अध्यक्ष न॑  पी.जी. अंगिका कोर्स क॑ यू.जी.सी. सें मान्यता दिलाबै के करलकै अनुरोध

भागलपुर । बिहार अंगिका अकादमी केरऽ अध्यक्ष, डॉ. (प्रो.) लखनलाल सिंह आरोही न॑ तिलकामाँझी भागलपुर विश्वविद्यालय केरऽ पी.जी. अंगिका केरऽ कोर्स क॑ यू.जी.सी. सें मान्यता दिलाबै के अनुरोध करल॑ छै । जेकरा सें कि यहाँ स॑ पी.जी.अंगिका सें पास करी क॑ निकलै वाला विद्य़ार्थी सब केरऽ कैरियर बर्बाद होला सें बचैलऽ जाब॑ सक॑ । तिलकामाँझी भागलपुर विश्वविद्यालय केरऽ कुलपति क॑ लिखलऽ गेलऽ आजकऽ पत्र में अंगिका अकादमी केरऽ अध्यक्ष, डॉ. (प्रो.) लखनलाल सिंह आरोही न॑  पी.जी. अंगिका केरऽ कोर्स क॑ यू.जी.सी. सें मान्यता दिलाबै के अनुरोध करत॑ हुअ॑ कहल॑ छै कि यहाँ सें अंगिका में गोल्ड-मेडलिस्ट करलऽ विद्यार्थी भी नेट करऽ परीक्षा में नै बैठ॑ सकै छै  । जेकरा सें कि यहाँ स॑ पी.जी.अंगिका सें पास करी क॑ निकलै वाला विद्य़ार्थी सब केरऽ कैरियर प्रभावित होय रहलऽ छै । तनी देर पहलें हुनी अंगिका.कॉम सें बातचीत केरऽ क्रम में इ बात बतैलकै । हुनी कहलकै कि हुनी पहल॑ भी यू.जी.सी. सें ई संबंध में पत्राचार करल॑… Read More

बिहार केरऽ झील में जहर मिलाय क॑ ५० साइबेरियन पक्षी क॑ मारै के आशंका

बिहार केरऽ झील में जहर मिलाय क॑ ५० साइबेरियन पक्षी क॑ मारै के आशंका

मोतिहारी । बिहार म॑ बड़ी संख्या में साइबेरियन पक्षी सिनी केरऽ मौत के मामला सामने ऐलऽ छै । पूर्वी चंपारण जिला केरऽ डुमरियाघाट थाना क्षेत्र केरऽ सरोतर झील में एक साथ करीब ५० साइबेरियन पक्षि सब के मौत सें सवाल उठ॑ लगलऽ छै । उधर, पुलिस न॑ मामला केरऽ गंभीरता क॑ देखतें हुअ॑ मामला दर्ज करी क॑ पड़ताल शुरू करी देल॑ छै । पुलिस केरऽ अनुसार केसरिया प्रखंड केरऽ सरोतर गांव में सैंकड़ों एकड़ में फैललऽ सरोतर झील में संदेहास्पद स्थिति में करीब ५० प्रवासी पक्षी सब को मौत होय गेलै । आशंका छै कि झील में कोय जहरीला पदार्थ डाली देलकै, जेकरऽ कारण एतना संख्या में साइबेरियन पक्षी सिनी के मौत एक्के दिन में होय गेलै । एगो लिखित बयान पर ई मामला केरऽ एगो प्राथमिकी डुमरियाघाट थाना में दर्ज करी लेलऽ गेलऽ छै । एकरा में तीन लोगों क॑ नामजद आरोपी बनैलऽ गेलऽ छै । प्राथमिकी में आरोप लगैलऽ गेलऽ छै कि ई… Read More

सरकार केरऽ अनुमति के बगैर ही चली रहलऽ छै तिलकामाँझी भागलपुर विश्वविद्यालय केरऽ अंगिका विभाग !

सरकार केरऽ अनुमति के बगैर ही चली रहलऽ छै तिलकामाँझी भागलपुर विश्वविद्यालय केरऽ अंगिका विभाग !

Read this News in English /  इस समाचार को हिंदी में पढ़ें  / ई समाचार क॑ अंगिका म॑ पढ़ऽ भागलपुर । बिहार सरकार केरऽ अनुमति के बगैर ही तिलकामाँझी भागलपुर केरऽ अंगिका विभाग चली रहलऽ छै ! ई कहना छेकै बिहार अंगिका अकादमी केरऽ अध्यक्ष, डॉ. (प्रो.) लखनलाल सिंह आरोही केरऽ । डॉ. आरोही न॑ अपनऽ फेसबुक https://www.facebook.com/drlakhanlall.arohi पर लिखल॑ छै कि पी. जी. अंगिका विभाग, भागलपुर केरऽ बंद होय के संभावना के खबर सें अंगिकाभाषी चिंतित होय उठलऽ छै । हुनी अंगिका विभाग केरऽ विभागाध्यक्ष व समन्वयक प्रो. मधुसूदन झा क॑ अंगिका विभाग केरऽ ई नियति केरऽ वजह बतलैल॑ छै । बिहार अंगिका अकादमी केरऽ अध्यक्ष के अनुसार सरकार सें अंगिका विभाग क॑ चलाबै के अनुमति, विभाग लेली प्रोफेसर व कर्मचारी लेली सृजित पदऽ के स्वीकृति आरू कोर्स के स्वीकृति प्राप्त नै होलऽ छै । उनकऽ अनुसार कुलाधिपति सें खाली कोर्स केरऽ स्वीकृति प्राप्त छै । बिहार अंगिका अकादमी के अध्यक्ष  न॑ आरोप लगैतें हुअ॑… Read More

उमाकांत झा ‘अंशुमाली’ रचित  पुस्तक “श्री दुर्गा चरित” केरऽ लोकार्पण सम्पन्न

उमाकांत झा ‘अंशुमाली’ रचित पुस्तक “श्री दुर्गा चरित” केरऽ लोकार्पण सम्पन्न

भागलपुर । अखिल भारतीय साहित्यकार परिषद द्वारा भागलपुर केरऽ भगवान पुस्तकालय में आयोजित एगो कार्यक्रम में बितलऽ रविवार क॑ अंग क्षेत्र केरऽ साहित्यकार उमाकांत झा ‘अंशुमाली’ केरऽ प्रथम हिंदी पुस्तक “श्री दुर्गा चरित” केरऽ लोकार्पण सम्पन्न होलै । ई अवसर पर अंगिका केरऽ साहित्यकार गण मौजूद छेलै । भागलपुर विश्वविद्यालय केरऽ कुलगीतकार श्री आमोद कुमार मिश्र केरऽ अध्यक्षता में आयोजित ई कार्यक्रम में पुस्तक केरऽ लोकार्पण पाकुड़ महाविद्यालय केरऽ सेवानिवृत हिंदी प्राध्यापक डॉ. मनमोहन मिश्र न॑ करलकै । कार्यक्रम केरऽ उदघाटन डा. मधुसूदन झा न॑ करलकै । मुख्य अतिथि छेलै डा. प्रेम चंद पाण्डेय तथा विशिष्ट अतिथि द्वय छेलात साथी सुरेश सूर्य आरू महेन्द्र निशाकर । अतिथि सिनी केरऽ स्वागत डॉ. आनन्द कु. झा “बल्लू” न॑ करलकै । अंगिका केरऽ वरिष्ठ साहित्यकार नवीन निकुंज न॑ मंच संचालन करलकै । डॉ. मनमोहन मिश्र न॑ माय दुर्गा तत्व केरऽ गूढ रहस्यऽ प॑ प्रकाश डालतें हुअ॑ “श्री दुर्गा चरित” क॑ समाज लेली बहुत उपयोगी ग्रन्थ बतैतें हुअ॑ सब… Read More

मुख्यमंत्री क॑ लिखलऽ गेलऽ पत्र

बिहार अंगिका अकादमी केरऽ उद्देश्य क॑ धरातल प॑ उतारै के नीतिश कुमार सें करलऽ गेलै आग्रह

सुलतानगंज । बिहार केरऽ मुख्यमंत्री नीतिश कुमार सें आग्रह करलऽ गेलऽ छै कि बिहार अंगिका अकादमी केरऽ उद्देश्य क॑ धरातल प॑ उतारलऽ जाय । अखिल भारतीय अंगिका साहित्य कला मंच केरऽ महासचिव सह सुलतानगंज प्रखंड जद-यू मीडिया प्रभारी सुधीर कुमार प्रोग्रामर न॑ पत्र लिखी क॑ आक्रोश व्यक्त करल॑ छै कि अंगिका अकादमी केरऽ गठन के २८ महीना बाद भी नै त॑ अकादमी क॑ कार्यालय उपलब्ध करैलऽ गेलऽ छै, नै ही कोनो कर्मचारी के नियुक्ति होलऽ छै आरू नै कोनो कार्यकारिणी केरऽ ही गठन हुअ॑ सकलऽ छै । अखिल भारतीय अंगिका साहित्य कला मंच केरऽ पत्रांक संख्या-05-CM-07 दिनांक -६ नवंबर-२०१७  के माध्यम सें मुख्यमंत्री सें आग्रह करलऽ गेलऽ छै कि अंगिका अकादमी केरऽ अध्यक्ष के कठिनाई केरऽ समाधान करी क॑ उचित दिशा निर्देश जारी करलऽ जाय, जेकरा सें कि अंगिका अकादमी केरऽ गठन केरऽ उद्देश्य पूरा हुअ॑ सक॑ आरू एकरऽ उचित लाभ अंग महाजनपद केरऽ साहित्य व संस्कृति क॑ मिल॑ सक॑ आरू यहाँकरऽ जनता आरू साहित्यकार… Read More

खगड़िया म॑ भ्रष्टाचार-बुहारन अंगिका कवि सम्मेलन सफलता पूर्वक संपन्न

खगड़िया म॑ भ्रष्टाचार-बुहारन अंगिका कवि सम्मेलन सफलता पूर्वक संपन्न

खगड़िया । अखिल भारतीय अंगिका साहित्य कला मंच, खगड़िया केरऽ बैनर तले १२९ वाँ गोपाष्टमी मेला खगड़िया केरऽ समापन प॑ हर वर्ष ऐसनऽ ई वर्ष भी “भ्रष्टाचार बुहारन कविसम्मेलन ” केरऽ आयोजन नन्देश निर्मल केरऽ अध्यक्षता में ४ नवंबर-२०१७ क॑ सम्पन्न होलै । फीता काटकर अपर समाहर्ता खगड़िया, विजय कुमार सिंह न॑ कवि सम्मेलन केरऽ उद्घाटन करलकै ।  श्री प्रदीप दहलान , मंत्री, श्रीगौशाला, खगड़िया न॑ आगत कवियऽ, पत्रकारऽ आरू श्रोता के भव्य स्वागत करलकै । कवि सम्मेलन केरऽ शुरुआत अंगिका कविता कोश सें जुडलऽ कवि बेगूसराय केरऽ राहुल शिवाय के सरस्वती वन्दना सें होलै  । कटिहार सें पधारलऽ लोक कवि भगवान प्रलय केरऽ गीत “पिन्हबै पायल झमकोआ ” प॑ श्रोता सब क॑ झूमतें देखलऽ गेलै । मुंगेर सें पधारलऽ हास्य-व्यंग्य केरऽ कवि विजेता मुदगलपुरी केरऽ कविता “छड़पन कक्का “ प॑ श्रोता सब न॑ परीक्षा में व्याप्त भ्रष्टाचार केरऽ जीवंत तस्वीर देखलकै । भागलपुर सें पधारलऽ हास्य सम्राट रामावतार राही न॑ अपनऽ चुटीलऽ कविता के द्वारा भ्रष्टाचार प॑ तीखा… Read More

error: Content is protected !!