Post Tagged with: "बिहार"

New Delhi: BJP President Amit Shah flanked by JD(U) Chief and Bihar Chief Minister Nitish Kumar (2nd R), Union minister and LJP President Ram Vilas Paswan (2nd L) with his son and party MP Chirag Paswan (L) and BJP leader Bhupendra Yadav pose for photos after a meeting at Shah's residence, in New Delhi, Sunday, Dec. 23, 2018. (PTI Photo/Arun Sharma) (PTI12_23_2018_000018B)

बिहार मँ राजग (NDA) के उम्मीदवारौ के घोषणा 24 मार्च तलक – जदयू प्रदेश अध्यक्ष

पटना ।२१ मार्च, २०१९ । जदयू (JDU) के बिहार इकाई के अध्यक्ष वशिष्ठ नारायण सिंह नँ गुरूवार क कहलकै कि राजग (NDA) के उम्मीदवारौ के घोषणा 24 मार्च के पहलें करी देलौ जैतै । पत्रकारौ सें बातचीत के दौरान हुनी कहलकै कि अबै नामांकन के प्रक्रिया शुरू होय गेलौ छै आरू  आगामी 24 मार्च सें पहलें निश्चित रूप सें हम्में सिनी उम्मीदवारौ के घोषणा करी देबै । बिहार मँ राजग के तीनों घटक, भाजपा, जदयू आरू लोजपा नँ राज्य के सब्भे 40 लोकसभा सीटौ मँ सें कोन घटक दल कहां सँ अपनौ उम्मीदवार उतारतै, के गत 17 मार्च क घोषणा करी चुकलौ छै ।  बिहार भाजपा प्रमुख नित्यानंद राय, जदयू के प्रदेश अध्यक्ष बशिष्ठ नारायण सिंह आरू लोजपा के प्रदेश अध्यक्ष पशुपति कुमार पारस नँ जदयू कार्यालय मँ आयोजित एगो संयुक्त संवाददाता सम्मेलन मँ ई घोषणा करनै रहै । राजग के तीन दलौ के बीच पहनै ही एगो समझौता होय चुकलौ छै, जेकरौ अनुसार भाजपा आरू जदयू… Read More

शहीद रतन कुमार ठाकुर

देश लेली हम्में अपनो आरू अपनौ छोटका बेटा के जान भी कुर्बान करै लेली तैयार छियै, शर्त एतने टा छै कि पाकिस्तान केरौ वजूद मिटना चाहिय्यौ – शहीद रतन के बाबू

भागलपुर । कश्मीर केरौ आतंकी हमला में शहीद होलौ सीआरपीएफ के जवान आरू अंग देश के सपूत रतन कुमार ठाकुर के बाबू निरंजन कुमार ठाकुर के कहना छै कि देश लेली हुनी अपनौ खुद के आरू छोटका बेटा के जान भी कुर्बान करै लेली तैयार छै । शर्त एतने टा छै कि पाकिस्तान केरौ वजूद पूरा तरह सें खतम होय जाय । शहीद के बाबू निरंजन कुमार ठाकुर के कहना छै कि शहीद रतनें अपनौ बीमार माय क बचाबै ल पानी ऐसनौ पैसा बहैने रहै । हलाँकि माय नै बचे सकलौ रहै । बेटा के शहीद होला के खबर के बाद निरंजन के भीतर अपनौ पत्नी के गुजरी जाय के गम भी जिंदा होय उठलौ छै । अपनौ माय के निधन के बाद रतनें पूरा परिवार के जिम्मेदारी अपनौ कांधा प ल लेनै छेलै । हुन्नें शहीद केरौ गर्भवती पत्नी राजनंदिनी देवी क ई बात के मलाल छै कि वू दिना वू हुनका सें भर जी  बातो नै करै सकले… Read More

श्रेयसी सिंह

अंग देश केरऽ बेटी श्रेयसी सिंह न॑ राष्ट्रमंडल खेल म॑ जितलकै गोल्‍ड मेडल, सौसे देश सहित अंग क्षेत्र आरू बिहार म॑ खुशी के लहर

मुंबई । ऑस्‍ट्रेलिया केरऽ गोल्‍डकोस्‍ट म॑ चली रहलऽ २१वाँ राष्‍ट्रमंडल खेल म॑ अंग देश केरऽ बेटी श्रेयसी सिंह न॑ गोल्‍ड मेडल जितल॑ छै । हुनी ई मेडल डबल ट्रैप शूटिंग म॑ प्राप्‍त करलकै । श्रेयसी सिंह अंगदेश केरऽ जमुई क्षेत्र केरऽ छेकै । श्रेयसी सिंह न॑ ई गोल्ड जीती क॑ एगो नया इतिहास रचल॑ छै । हुनी पहलऽ ऐसनऽ महिला शूटर छेकै जे डबल ट्रैप इवेंट म॑ भारत लेली गोल्ड मेडल जितल॑ छै । हुनका द्वारा हासिल ई स्वर्ण पदक स॑ एक दन्न॑ जहाँ भारत केरऽ कुल स्वर्ण पदक केरऽ संख्या बढ़ी क॑ १२ होय गेलऽ छै, वहीं १२ गोल्ड, ४ सिल्वर आरू ७ ब्रॉन्ज मेडल मिलाय क॑ कुल प्राप्त पदक केरऽ संख्या बढ़ी क॑ २३ भ॑ गेलऽ छै । पदक तालिका म॑ भारत तीसरा नंबर पर डटलऽ छै । श्रेयसी न॑ शूट-ऑफ म॑ ऑस्ट्रेलिया केरऽ एम्मा कॉक्स क॑ एक अंक स॑ हरैतैं हुअ॑ स्वर्ण पदक पर कब्जा जमैलकै । श्रेयसी सिंह केरऽ ई उपलब्‍धि स॑ सौसे… Read More

पर्यटन केरऽ स्प्रिच्युल सर्किट म॑ शामिल करी क॑ मंदार पर्वत आरू आसपास केरऽ क्षेत्र के विकास करलऽ जैतै

पर्यटन केरऽ स्प्रिच्युल सर्किट म॑ शामिल करी क॑ मंदार पर्वत आरू आसपास केरऽ क्षेत्र के विकास करलऽ जैतै

बौंसी / बाँका । बिहार सरकार राज्य म॑ स्प्रिच्युल सर्किट क॑ बढ़ावा दै लेली पहलऽ चरण म॑ पौराणिक व ऐतिहासिक मंदार पर्वत आरू आसपास केरऽ क्षेत्र के विकास करै के निर्णय लेन॑ छै । एकरऽ विकास प॑ ५३.४९ करोड़ रूपया खर्च करलऽ जैतै । केंद्र सरकार न॑ स्वदेश दर्शन स्कीम केरऽ तहत ई राशि क॑ मंजूर भी करी देन॑ छै । मंदार परबत केरऽ नाम समुद्र मंथन सें जुड़लऽ छै । मंदार परबत के साथ-साथ पापहरणी तालाब, आकाश गंगा, अवंतिकानाथ मंदिर, कामधेनू मंदिर, मधुसूदन मंदिर, चंद्रिका स्थान, भीम बाँद केरऽ भी विकास करलऽ जैतै । एकरऽ अलावा मैदान, सड़क, बैट्री चलित गाड़ी आदि के साथ-साथ नागरिक सुविधा पर भी खर्च करलऽ जैतै । अंग क्षेत्र केरऽ पर्यटन स्थल केरऽ विकास दन्न॑ सरकार क॑ जादा सें जादा ध्यान देना चाहियऽ । अंग क्षेत्र में पर्यटन केरऽ अपार संभावना छै । ई आश्चर्य पैदा करै छै कि बिहार आरू झारखंड केरऽ पर्यटन विभाग न॑ अंग क्षेत्र क॑… Read More

फणीश्वरनाथ रेणु केरऽ कहानी ‘पंचलाइट’ प॑ आधारित फिल्म ‘पंचलैट’ १७ नवंबर क॑ रिलीज होतै

फणीश्वरनाथ रेणु केरऽ कहानी ‘पंचलाइट’ प॑ आधारित फिल्म ‘पंचलैट’ १७ नवंबर क॑ रिलीज होतै

मुंबई । अपनऽ साहित्य म॑ अंगिका भाषा व अंग क्षेत्र केरऽ आंचलिकता के सौंदर्यता व छुअन क॑ बरकरार रखै वाला हिंदी साहित्य केरऽ सुप्रसिद्ध कथाकार फणीश्वरनाथ रेणु केरऽ कालजयी कहानी ‘पंचलाइट’ पर आधारित फिल्म ‘पंचलैट’रिलीज लेली तैयार छै । खबर के अनुसार ई फिल्म आगामी १७ नवंबर,२०१७ क॑ रिलीज होतै । बरसों पहल॑ दूरदर्शन ई ‘पंचलाइट’ कहानी प॑ यह॑ शीर्षक स॑ टेलीफ़िल्म बनाय चुकलऽ छै । रेणु जी केरऽ ‘तीसरी कसम’ के बाद ई हुनकऽ दोसरऽ कहानी छेकै, जेकरा प॑ कोय फिल्म बनी रहलऽ छै । ई फिल्‍म क॑ ल॑ क॑ दर्शक म॑ काफी उत्‍सुकता छै । फिल्म इंडस्ट्री केरऽ चर्चित चेहरा सब एकरा म॑ किरदार निभाय रहलऽ छै । फिल्म दबंग म॑ छोटऽ रकम के किरदार के भूमिका म॑ रहलऽ अमितोष नागपाल नायक व अनुराधा मुखर्जी नायिका के भूमिका म॑ छै । फिल्म केरऽ अधिकांश शूटिंग अंग क्षेत्र केरऽ देवघर व दुमका म॑ होलऽ छै । कईएक धारावाहिक व वृत्तचित्र बनाय चुकलऽ फिल्म केरऽ… Read More

बिहार आरू झारखंड म॑ भारी बारिश के आशंका, बंगाल म॑ तूफान के चेतावनी

बिहार आरू झारखंड म॑ भारी बारिश के आशंका, बंगाल म॑ तूफान के चेतावनी

नई दिल्ली : मौसम विभाग न॑ चेतावनी देल॑ छै कि अगला ४८ घंटा म॑ झारखंड आरू बिहार म॑ भारी बारिश के संभावना छै । जबकि अगला २४ घंटा के दौरान उड़ीसा आरू पश्चिम बंगाल म॑ भीषण तूफान आबै के आशंका छै । पश्चिम बंगाल केरऽ गंगा क्षेत्र केरऽ ऊपर बनलऽ गहरऽ दबाव केरऽ क्षेत्र उत्तर पश्चिम दन्न॑ बढ़ी क॑ आरू सघन होय गेलऽ छै । क्षेत्र म॑ तेज रफ्तार स॑ हवा चलै के संभावना छै । मौसम विभाग केरऽ तरफ स॑ जारी चेतावनी म॑ कहलऽ गेलऽ छै कि पश्चिम बंगाल केरऽ गंगा क्षेत्र के ऊपर कुछ छिटपुट स्थानऽ प॑ भारी बारिश हुअ॑ सक॑ छै । उत्तर उड़ीसा आरू झारखंड म॑ भी कुछ स्थानऽ प॑ भारी वर्षा के आशंका छै । वहीं मंगलवार स॑ गुरुवार के बीच बिहार म॑ भी जोरदार बारिश के आशंका छै । मौसम विभाग के मुताबिक अगला २४ घंटा के दौरान उत्तर उड़ीसा व पश्चिम बंगाल म॑ ६५ किमी प्रति घंटा के… Read More

कार्यक्रम केरऽ उद्घाटन करत॑ मुख्य अतिथि व अन्य

अंगिका भाषा क॑ संविधान के आठमऽ अनुसूची म॑ शामिल कराबै लेली गहन हस्ताक्षर अभियान चलाय क॑ दिल्ली दन्न॑ कूच करलऽ जैतै

भागलपुर । अंगिका भाषा क॑ संविधान केरऽ आठमऽ अनुसूची म॑ शामिल कराबै लेली रणनीति तय करै वास्तें इतवार क॑ आयोजित विचार-गोष्ठी म॑ सर्वसम्मति स॑ निर्णय लेलऽ गेलै कि आगामी १५ अक्टूबर स॑ सौसे अंग महाजनपद म॑ गहन हस्ताक्षर अभियान चलैलऽ जैतै आरू फेरू जन-जन केरऽ आवाज क॑ सम्मान दिलाबै ल॑ दिल्ली दन्न॑ कूच करलऽ जैतै । हस्ताक्षर अभियान भागलपुर स॑ आरंभ होय क॑ एक महीना तलक सौसे अंग महाजनपद म॑ चलतै । ओकरऽ बाद अंग महाजनपद म॑ प्रखंड स्तर पर धरना दै केरऽ अभियान चलतै । तेकरऽ बाद राष्ट्रीय राजधानी क्षेत्र दिल्ली म॑ आमरण अनसन सह सत्याग्रह आंदोलन केरऽ आयोजन करलऽ जैतै । अंग उत्थानान्दोलन समिति,बिहार-झारखंड केरऽ बैनर तले भागलपुर स्थित भगवान पुस्तकालय म॑ आयोजित ई संगोष्ठी म॑ ई भी निर्णय लेलऽ गेलै कि बच्चा सब के बीच अंगिका भाषा म॑ क्वीज प्रतियोगिता चलाय क॑ ओकरा बीच अंगिका भाषा के महत्ता लेली जागरूकता पैदा करलऽ जैतै । भारतीय संविधान केरऽ आठमऽ अनुसूची म॑ विश्व केरऽ प्राचीनतम… Read More

‘भारतीय संविधान की आठवीं अनुसूची और विश्व की प्राचीन भाषा अंगिका’ विषय प॑ ८ अक्तूबर क॑ विचार संगोष्ठी

‘भारतीय संविधान की आठवीं अनुसूची और विश्व की प्राचीन भाषा अंगिका’ विषय प॑ ८ अक्तूबर क॑ विचार संगोष्ठी

भागलपुर । अंगिका भाषा क॑ आठमऽ अनुसूची म॑ शामिल कराबै लेली गहन विमर्श करै वास्तें आरू आगू के रणनीति तय करै वास्तें आगामी इतवार क॑ एगो विचार संगोष्ठी केरऽ आयोजन करलऽ जैतै । अंग उत्थानांदोलन समिति, बिहार-झारखंड केरऽ बैनर तले  ई संगोष्ठी  भागलपुर स्थित भगवान पुस्तकालय (नया बाजार) म॑  आगामी इतवार ८ सितंबर,१७ क॑ ११:३० बजे स॑ आयोजित होतै । ‘भारतीय संविधान की आठवीं अनुसूची और विश्व की प्राचीन भाषा अंगिका’ विषय प॑ आयोजित विचार संगोष्ठी म॑ अंग प्रदेश केरऽ विचारक, विद्वान, आरू राजनीतिज्ञ सिनी शामिल होतै । ई कार्यक्रम क॑ सफल बनाबै लेली गत मंगलवार क॑ बरारी स्थित अशोक कुमार गुप्ता केरऽ आवास प॑ कार्यकर्ता सिनी के बैठक होलै । बैठक केरऽ अध्यक्षता कुल गीतकार आमोद कुमार मिश्र न॑ करलकै । जबकि मुख्य अतिथि के रूप म॑ गीतकार राजकुमार, आरू विशिष्ठ अतिथि के रूप म॑ कवि रामावतार राही मौजूद रहै । मंच केरऽ संचालन समिति केरऽ राष्ट्रीय संरक्षक डॉ. जयंत जलद न॑ करलकै । डॉ. जयंत जलद… Read More

सब्भे घऽर तलक बिजली पहुंचाबै लेली प्रधानमंत्री करलकै ‘सौभाग्य’ योजना के शुरुआत

सब्भे घऽर तलक बिजली पहुंचाबै लेली प्रधानमंत्री करलकै ‘सौभाग्य’ योजना के शुरुआत

दिल्ली । ग्रामीण व शहरी क्षेत्रऽ के सब्भे घऽर तलक बिजली पहुंचाबै लेली प्रधानमंत्री न॑ आय ‘सौभाग्य’ योजना के शुरुआत करलकै । पीएम न॑ प्रसिद्ध विचारक दीनदयाल उपाध्याय केरऽ जयंती प॑ देश क॑ ई महत्वपूर्ण योजना के सौगात देलकै । सौभाग्य योजना केरऽ मतलब ‘प्रधानमंत्री सहज बिजली हर घर योजना’ छेकै । ई योजना के तहत हर गांव, हर शहर केरऽ हर घर तलक बिजली पहुंचाबै के लक्ष्य रखलऽ गेलऽ छै । ३१ मार्च २०१९ तलक ई योजना के पूरा करै के लक्ष्य रखलऽ गेलऽ छै । जेकरऽ नाम गरीब जनगणना म॑ नै  वू  ५०० रुपया के भुगतान करी क॑ बिजली के कनेक्शन हासिल कर॑ सकतै ई योजना के तहत २०११ ई. केरऽ सामाजिक आर्थिक आरू जाति जनगणना म॑ दर्ज गरीब सिनी क॑ बिजली केरऽ कनेक्शन फ्री देलऽ जैतै । जेकरऽ नाम ई जनगणना म॑ नै छै वू भी ५०० रुपया के भुगतान करी क॑ बिजली केरऽ कनेक्शन हासिल कर॑ सकतै । ई राशि क॑… Read More

बिहार अंगिका अकादमी क॑ मिललै कार्यालय भवन, जल्दिये होतै उदघाटन !

पटना : बिहार अंगिका अकादमी लेली कार्यालय भवन के पहचान करी क॑ एकरऽ आवंटन लेली कागजी प्रकिया प्रगति पर छै । जल्दिये बेली रोड स्थित इ कार्यालय भवन क॑  बिहार अंगिका अकादमी के नाम करी क॑ एकरऽ उदघाटन करलऽ जैतै । अंगिका.कॉम सें इ बात करतें बिहार अंगिका अकादमी के अध्यक्ष डॉ. लखनलाल आरोही न॑ बतैलकै कि उच्च शिक्षा विभाग के निदेशक प्रो. एम. खालिद मिर्जा फीता काटी क॑ एकरऽ उदघाटन करतै । डॉ. आरोही न॑ बतैलकै कि उच्च शिक्षा विभाग केरऽ निदेशक क॑ बिहार अंगिका अकादमी केरऽ विस्तृत जिम्मेवारी आरो कामकाज क॑ रेखांकित करी क॑  जानकारी द॑ देलऽ गेलऽ छै । सथें हुनका चालू आरू आगामी वित्तीय बर्ष लेली योजना सौंपी क॑ पर्याप्त धनराशि आवंटित करै के अनुरोध करलऽ गेलऽ छै । निदेशक न॑ इ संबंध में सकारात्मक डेग उठाबै के बात कहन॑ छै ।   संबंधित अंगिका समाचार पढ़ऽ / Read similar Angika News :आरोही जी केरौ छुट्टी, सत्येन्द्र कुमार बनलै बिहार…सर्वसम्मति स॑ आठ महत्वपूर्ण प्रस्ताव… Read More

error: Content is protected !!