Post Tagged with: "बांका"

श्रेयसी सिंह

अंग देश केरऽ बेटी श्रेयसी सिंह न॑ राष्ट्रमंडल खेल म॑ जितलकै गोल्‍ड मेडल, सौसे देश सहित अंग क्षेत्र आरू बिहार म॑ खुशी के लहर

मुंबई । ऑस्‍ट्रेलिया केरऽ गोल्‍डकोस्‍ट म॑ चली रहलऽ २१वाँ राष्‍ट्रमंडल खेल म॑ अंग देश केरऽ बेटी श्रेयसी सिंह न॑ गोल्‍ड मेडल जितल॑ छै । हुनी ई मेडल डबल ट्रैप शूटिंग म॑ प्राप्‍त करलकै । श्रेयसी सिंह अंगदेश केरऽ जमुई क्षेत्र केरऽ छेकै । श्रेयसी सिंह न॑ ई गोल्ड जीती क॑ एगो नया इतिहास रचल॑ छै । हुनी पहलऽ ऐसनऽ महिला शूटर छेकै जे डबल ट्रैप इवेंट म॑ भारत लेली गोल्ड मेडल जितल॑ छै । हुनका द्वारा हासिल ई स्वर्ण पदक स॑ एक दन्न॑ जहाँ भारत केरऽ कुल स्वर्ण पदक केरऽ संख्या बढ़ी क॑ १२ होय गेलऽ छै, वहीं १२ गोल्ड, ४ सिल्वर आरू ७ ब्रॉन्ज मेडल मिलाय क॑ कुल प्राप्त पदक केरऽ संख्या बढ़ी क॑ २३ भ॑ गेलऽ छै । पदक तालिका म॑ भारत तीसरा नंबर पर डटलऽ छै । श्रेयसी न॑ शूट-ऑफ म॑ ऑस्ट्रेलिया केरऽ एम्मा कॉक्स क॑ एक अंक स॑ हरैतैं हुअ॑ स्वर्ण पदक पर कब्जा जमैलकै । श्रेयसी सिंह केरऽ ई उपलब्‍धि स॑ सौसे… Read More

खगड़िया म॑ भ्रष्टाचार-बुहारन अंगिका कवि सम्मेलन सफलता पूर्वक संपन्न

खगड़िया म॑ भ्रष्टाचार-बुहारन अंगिका कवि सम्मेलन सफलता पूर्वक संपन्न

खगड़िया । अखिल भारतीय अंगिका साहित्य कला मंच, खगड़िया केरऽ बैनर तले १२९ वाँ गोपाष्टमी मेला खगड़िया केरऽ समापन प॑ हर वर्ष ऐसनऽ ई वर्ष भी “भ्रष्टाचार बुहारन कविसम्मेलन ” केरऽ आयोजन नन्देश निर्मल केरऽ अध्यक्षता में ४ नवंबर-२०१७ क॑ सम्पन्न होलै । फीता काटकर अपर समाहर्ता खगड़िया, विजय कुमार सिंह न॑ कवि सम्मेलन केरऽ उद्घाटन करलकै ।  श्री प्रदीप दहलान , मंत्री, श्रीगौशाला, खगड़िया न॑ आगत कवियऽ, पत्रकारऽ आरू श्रोता के भव्य स्वागत करलकै । कवि सम्मेलन केरऽ शुरुआत अंगिका कविता कोश सें जुडलऽ कवि बेगूसराय केरऽ राहुल शिवाय के सरस्वती वन्दना सें होलै  । कटिहार सें पधारलऽ लोक कवि भगवान प्रलय केरऽ गीत “पिन्हबै पायल झमकोआ ” प॑ श्रोता सब क॑ झूमतें देखलऽ गेलै । मुंगेर सें पधारलऽ हास्य-व्यंग्य केरऽ कवि विजेता मुदगलपुरी केरऽ कविता “छड़पन कक्का “ प॑ श्रोता सब न॑ परीक्षा में व्याप्त भ्रष्टाचार केरऽ जीवंत तस्वीर देखलकै । भागलपुर सें पधारलऽ हास्य सम्राट रामावतार राही न॑ अपनऽ चुटीलऽ कविता के द्वारा भ्रष्टाचार प॑ तीखा… Read More

अखिल भारतीय अंगिका साहित्य कला मंच केरऽ राज्यस्तरीय भ्रष्टाचार-बुहारन-कवि सम्मेलन आय राती खगड़िया में

अखिल भारतीय अंगिका साहित्य कला मंच केरऽ राज्यस्तरीय भ्रष्टाचार-बुहारन-कवि सम्मेलन आय राती खगड़िया में

खगड़िया । अखिल भारतीय अंगिका साहित्य कला मंच तरफऽ सें राज्यस्तरीय भ्रष्टाचार – बुहारन – कवि सम्मेलन केरऽ आयोजन करलऽ गेलऽ छै । “कविता चली गाँव की ओर” केरऽ कड़ी में आयोजित होय रहलऽ ई कवि सम्मेलन, श्रीगौशाला मेला,खगड़िया में आय ४ नवंबर के रात क॑ ८ बजे सें होतै । अखिल भारतीय अंगिका साहित्य कला मंच,खगड़िया द्वारा आयोजित ई कवि सम्मेलन म॑ जोन कवि सब के भाग लै के संभावना छै, ओकरा में शामिल छै- कटिहार सें सर्वश्री भगवान प्रलय, भागलपुर सें रामावतार राही, सुधीर कुमार प्रोग्रामर, मुंगेर सें विजेता मुदगलपुरी, बांका सें विकास सिंह गुल्टी, बेगूसराय सें राहुल शिवाय, पटना सें लता सिन्हा ज्योतिर्मय,उमेश्वर प्रसाद सिंह,समस्तीपुर सें अवधेश्वर प्रसाद सिंह, खगड़िया सें प्रोफेसर चन्द्रिका प्रसाद सिंह विभाकर, नन्देश निर्मल, कैलाश झा किंकर,डा0 कविता परवाना,शिवकुमार सुमन,अशोक कुमार चौधरी । संबंधित अंगिका समाचार पढ़ऽ / Read similar Angika News :सरकार केरऽ अनुमति के बगैर ही चली रहलऽ छै तिलकामाँझी…अंगिका को अष्टम अनुसूची में शामिल करने… Read More

पर्यटन केरऽ स्प्रिच्युल सर्किट म॑ शामिल करी क॑ मंदार पर्वत आरू आसपास केरऽ क्षेत्र के विकास करलऽ जैतै

पर्यटन केरऽ स्प्रिच्युल सर्किट म॑ शामिल करी क॑ मंदार पर्वत आरू आसपास केरऽ क्षेत्र के विकास करलऽ जैतै

बौंसी / बाँका । बिहार सरकार राज्य म॑ स्प्रिच्युल सर्किट क॑ बढ़ावा दै लेली पहलऽ चरण म॑ पौराणिक व ऐतिहासिक मंदार पर्वत आरू आसपास केरऽ क्षेत्र के विकास करै के निर्णय लेन॑ छै । एकरऽ विकास प॑ ५३.४९ करोड़ रूपया खर्च करलऽ जैतै । केंद्र सरकार न॑ स्वदेश दर्शन स्कीम केरऽ तहत ई राशि क॑ मंजूर भी करी देन॑ छै । मंदार परबत केरऽ नाम समुद्र मंथन सें जुड़लऽ छै । मंदार परबत के साथ-साथ पापहरणी तालाब, आकाश गंगा, अवंतिकानाथ मंदिर, कामधेनू मंदिर, मधुसूदन मंदिर, चंद्रिका स्थान, भीम बाँद केरऽ भी विकास करलऽ जैतै । एकरऽ अलावा मैदान, सड़क, बैट्री चलित गाड़ी आदि के साथ-साथ नागरिक सुविधा पर भी खर्च करलऽ जैतै । अंग क्षेत्र केरऽ पर्यटन स्थल केरऽ विकास दन्न॑ सरकार क॑ जादा सें जादा ध्यान देना चाहियऽ । अंग क्षेत्र में पर्यटन केरऽ अपार संभावना छै । ई आश्चर्य पैदा करै छै कि बिहार आरू झारखंड केरऽ पर्यटन विभाग न॑ अंग क्षेत्र क॑… Read More

कटिहार पहुँचलै राज्यस्तरीय अंतर जिला अंडर-१७ फुटबॉल प्रतियोगिता केरऽ सेमीफाइनल म॑

कटिहार पहुँचलै राज्यस्तरीय अंतर जिला अंडर-१७ फुटबॉल प्रतियोगिता केरऽ सेमीफाइनल म॑

पूर्णिया । राज्यस्तरीय अंतर जिला अंडर-१७ फुटबॉल प्रतियोगिता केरऽ चौथा दिन कटिहार, बाँका, एकलव्य, सहरसा, लखीसराय,मोतिहारी के बीच मुकाबला होलै । जेकरा म॑ कटिहार आरू बाँका के बीच खेललऽ गेलऽ मुकाबला म॑ कटिहार न॑ बाँका के उपर १-० स॑ जीत दर्ज करी क॑ सेमीफाइनल म॑ प्रवेश करलकै ।   अन्य मुकाबला म॑ एकलव्य टीम न॑ सहरसा क॑ ६-० स॑ आरू मोतिहारी न॑ लखीसराय क॑ २-१ स॑ पराजित करी क॑ सेमीफाइनल म॑ प्रवेश करलकै । संबंधित अंगिका समाचार पढ़ऽ / Read similar Angika News :झारखंड म॑ संताली, मुंडारी, हो, अंगिका, कुरमाली भाषा…स्थापना केरऽ साल भर बाद भी कागज प॑ ही चली रहलऽ छै…फीफा अंडर-१७ कप फाइनल म॑ शनिचर क॑ होतै इंग्लैंड आरू…बिहार केरऽ प्राइमरी इसकूली मं॑ माध्यम भासा के रूप…अंगिका भाषा आंदोलन केरऽ पुरोधा आरू अंगिका साहित्य…फऽल एक फैदा अनेक : इमलीजाह्न्वी अंगिका संस्कृति संस्थान न॑ बिहार अंगिका…अंगिका भाषी सांसद अश्विनी कुमार चौबे केंद्रीय राज्य…सरकारी उपेक्षा केरऽ शिकार बिहार अंगिका अकादमी केरऽ…अंगिका क॑ साजिशमुक्त कराय क॑ एकरऽ… Read More

कार्यक्रम केरऽ उद्घाटन करत॑ मुख्य अतिथि व अन्य

अंगिका भाषा क॑ संविधान के आठमऽ अनुसूची म॑ शामिल कराबै लेली गहन हस्ताक्षर अभियान चलाय क॑ दिल्ली दन्न॑ कूच करलऽ जैतै

भागलपुर । अंगिका भाषा क॑ संविधान केरऽ आठमऽ अनुसूची म॑ शामिल कराबै लेली रणनीति तय करै वास्तें इतवार क॑ आयोजित विचार-गोष्ठी म॑ सर्वसम्मति स॑ निर्णय लेलऽ गेलै कि आगामी १५ अक्टूबर स॑ सौसे अंग महाजनपद म॑ गहन हस्ताक्षर अभियान चलैलऽ जैतै आरू फेरू जन-जन केरऽ आवाज क॑ सम्मान दिलाबै ल॑ दिल्ली दन्न॑ कूच करलऽ जैतै । हस्ताक्षर अभियान भागलपुर स॑ आरंभ होय क॑ एक महीना तलक सौसे अंग महाजनपद म॑ चलतै । ओकरऽ बाद अंग महाजनपद म॑ प्रखंड स्तर पर धरना दै केरऽ अभियान चलतै । तेकरऽ बाद राष्ट्रीय राजधानी क्षेत्र दिल्ली म॑ आमरण अनसन सह सत्याग्रह आंदोलन केरऽ आयोजन करलऽ जैतै । अंग उत्थानान्दोलन समिति,बिहार-झारखंड केरऽ बैनर तले भागलपुर स्थित भगवान पुस्तकालय म॑ आयोजित ई संगोष्ठी म॑ ई भी निर्णय लेलऽ गेलै कि बच्चा सब के बीच अंगिका भाषा म॑ क्वीज प्रतियोगिता चलाय क॑ ओकरा बीच अंगिका भाषा के महत्ता लेली जागरूकता पैदा करलऽ जैतै । भारतीय संविधान केरऽ आठमऽ अनुसूची म॑ विश्व केरऽ प्राचीनतम… Read More

error: Content is protected !!