2 hours ago
अंगिका गजल | रेत रो राग | डॉ. अमरेन्द्र | स्वर – डॉ. सत्यानंद । Angika Gazal | Ret Ro Raag | Dr Amrendra | Recitation : Dr. Satyanand
1 day ago
सुमिरौं प्रथम पूजनीय माय क | अंगिका कविता | परमानंद प्रेमी | Sumiron Pratham Pujniya Mai ke | Angika Poetry | Permanand Premi
2 days ago
मुख्यमंत्री नँ अररिया, किशनगंज, सहरसा, सुपौल,  पूर्णिया आरू कटिहार जिला केरौ बूहो प्रभावित इलाका के करलकै हवाई सर्वेक्षण | News in Angika | CM nitish Kumar conducted aerial survey of flood affected areas of Araria, Kishanganj and Katihar of Ang Pradesh
3 days ago
फाइनल मैच आरू सुपर ओवर टाय होला के बाद न्यूजीलैंड क हराय क इंगलैंड क्रिकेट विश्व चैंपियन | World Cup Final: NZ vs ENG | News in Angika Language | England is new Cricket World Cup Champion
1 week ago
जों समय सीमा 11 बजी क 5 मिनट क पार करी जैतै त काल न्यूजीलैंड के टीम आजको स्कोर सँ आगे खेलना शुरू करतै | विश्व कप क्रिकेट- २०१९ | IND vs NZ 1st Semifinal| World Cup Cricket – 2019

Post Tagged with: "अंग प्रदेश"

शिक्षक के कमी के चलतें तिलकामाँझी भागलपुर वि.वि. केरऽ पी.जी.अंगिका विभाग बंद होय के कगार प॑ !

शिक्षक के कमी के चलतें तिलकामाँझी भागलपुर वि.वि. केरऽ पी.जी.अंगिका विभाग बंद होय के कगार प॑ !

भागलपुर । शिक्षक के कमी के चलतें तिलकामाँझी भागलपुर विश्वविद्यालय केरऽ पी.जी. अंगिका विभाग बंद होय के कगार प॑ छै ! तिलकामाँझी भागलपुर विश्वविद्यालय मं॑ बिना शिक्षक वाला व्यवसायिक कोर्स आरू सामान्य कोर्स प॑ बंद होय केरऽ खतरा मंडराय रहलऽ छै । बगैर शिक्षक वाला बहुत सारा कोर्स केरऽ पढ़ाय बंद हुअ॑ सकै छै । जेकरा में अंगिका केरऽ पी.जी. विभाग भी शामिल छै । दैनिक प्रभात खबर में छपलऽ खबर के मोताबिक बिहार सरकार न॑ तिलकामाँझी भागलपुर विश्वविद्यालय क॑ चिट्ठी लिखी क॑ महीना भर के अंदर व्यवसायिक आरू सामान्य कोर्स में नियुक्त करलऽ गेलऽ शिक्षक के संख्या माँगल॑ छै । विश्वविद्यालय म॑ बहुत्ते कोर्स कर्मचारी सब के भरोसे प॑ चली रहलऽ छै । आगामी सत्र सें ई कोर्स में नामांकन बंद हुअ॑ सकै छै । ज्ञातव्य छै कि स्थापना केरऽ लगभग १५ बरस बाद भी अंगिका विभाग में आज तलक कोनो शिक्षक केरऽ बहाली नै करलऽ गेलै ।  हिंदी विभाग केरऽ शिक्षकऽ में सें कुछ क॑… Read More

अखिल भारतीय अंगिका साहित्य कला मंच केरऽ राज्यस्तरीय भ्रष्टाचार-बुहारन-कवि सम्मेलन आय राती खगड़िया में

अखिल भारतीय अंगिका साहित्य कला मंच केरऽ राज्यस्तरीय भ्रष्टाचार-बुहारन-कवि सम्मेलन आय राती खगड़िया में

खगड़िया । अखिल भारतीय अंगिका साहित्य कला मंच तरफऽ सें राज्यस्तरीय भ्रष्टाचार – बुहारन – कवि सम्मेलन केरऽ आयोजन करलऽ गेलऽ छै । “कविता चली गाँव की ओर” केरऽ कड़ी में आयोजित होय रहलऽ ई कवि सम्मेलन, श्रीगौशाला मेला,खगड़िया में आय ४ नवंबर के रात क॑ ८ बजे सें होतै । अखिल भारतीय अंगिका साहित्य कला मंच,खगड़िया द्वारा आयोजित ई कवि सम्मेलन म॑ जोन कवि सब के भाग लै के संभावना छै, ओकरा में शामिल छै- कटिहार सें सर्वश्री भगवान प्रलय, भागलपुर सें रामावतार राही, सुधीर कुमार प्रोग्रामर, मुंगेर सें विजेता मुदगलपुरी, बांका सें विकास सिंह गुल्टी, बेगूसराय सें राहुल शिवाय, पटना सें लता सिन्हा ज्योतिर्मय,उमेश्वर प्रसाद सिंह,समस्तीपुर सें अवधेश्वर प्रसाद सिंह, खगड़िया सें प्रोफेसर चन्द्रिका प्रसाद सिंह विभाकर, नन्देश निर्मल, कैलाश झा किंकर,डा0 कविता परवाना,शिवकुमार सुमन,अशोक कुमार चौधरी । संबंधित अंगिका समाचार पढ़ऽ / Read similar Angika News :आरोही जी केरौ छुट्टी, सत्येन्द्र कुमार बनलै बिहार…अंगिका को अष्टम अनुसूची में शामिल करने की आनाकानी…अंगिका… Read More

पर्यटन केरऽ स्प्रिच्युल सर्किट म॑ शामिल करी क॑ मंदार पर्वत आरू आसपास केरऽ क्षेत्र के विकास करलऽ जैतै

पर्यटन केरऽ स्प्रिच्युल सर्किट म॑ शामिल करी क॑ मंदार पर्वत आरू आसपास केरऽ क्षेत्र के विकास करलऽ जैतै

बौंसी / बाँका । बिहार सरकार राज्य म॑ स्प्रिच्युल सर्किट क॑ बढ़ावा दै लेली पहलऽ चरण म॑ पौराणिक व ऐतिहासिक मंदार पर्वत आरू आसपास केरऽ क्षेत्र के विकास करै के निर्णय लेन॑ छै । एकरऽ विकास प॑ ५३.४९ करोड़ रूपया खर्च करलऽ जैतै । केंद्र सरकार न॑ स्वदेश दर्शन स्कीम केरऽ तहत ई राशि क॑ मंजूर भी करी देन॑ छै । मंदार परबत केरऽ नाम समुद्र मंथन सें जुड़लऽ छै । मंदार परबत के साथ-साथ पापहरणी तालाब, आकाश गंगा, अवंतिकानाथ मंदिर, कामधेनू मंदिर, मधुसूदन मंदिर, चंद्रिका स्थान, भीम बाँद केरऽ भी विकास करलऽ जैतै । एकरऽ अलावा मैदान, सड़क, बैट्री चलित गाड़ी आदि के साथ-साथ नागरिक सुविधा पर भी खर्च करलऽ जैतै । अंग क्षेत्र केरऽ पर्यटन स्थल केरऽ विकास दन्न॑ सरकार क॑ जादा सें जादा ध्यान देना चाहियऽ । अंग क्षेत्र में पर्यटन केरऽ अपार संभावना छै । ई आश्चर्य पैदा करै छै कि बिहार आरू झारखंड केरऽ पर्यटन विभाग न॑ अंग क्षेत्र क॑… Read More

पालोजोरी में सिखैलऽ गेलै उन्नत खेती आरू जैविक खेती के गुर

पालोजोरी में सिखैलऽ गेलै उन्नत खेती आरू जैविक खेती के गुर

पालोजोरी,गोड्डा : अन्तरराष्ट्रीय स्वयंसेवी संस्था वीएसओ केरऽ वॉलेंटियर आरू नीड्स केरऽ प्रतिनिधि सिनी न॑ पालोजोरी प्रखंड सह अंचल कार्यालय के पास एगो कार्यक्रम के माध्यम सें क्षेत्र केरऽ लोगऽ क॑ जैविक खेती लेली प्रेरित करलकै । ई दौरान वीएसओ यूके आरू इंडिया केरऽ प्रतिनिधि सब न॑ नाटक के माध्यम सें रासायनिक खेती सें होय वाला नुकसान के साथ-साथ जैविक खेती सें होय वाला फायदा सब क॑ बतैलकै । नाटक के माध्यम सें ई भी बतैलऽ गेलै कि जैविक खेती केना आबै वाला दिन में लोगऽ लेली जरूरी होतै । ई भी बतैलऽ गेलै कि आबै वाला दिनऽ में लोगऽ क॑ जैविक खेती दन्न॑ लौटै ल॑ परतै । बतैलऽ गेलै कि जैविक खेती के माध्यम सें किसान कम मेहतन व लागत में ही बेहतर मुनाफा कमाब॑ सकै छै । ई भी कहलऽ गेलै कि जैविक खेती में प्राकृतिक संसाधनऽ के उपयोग करी क॑ खेती करलऽ जाय छै । वहीं कार्यक्रम केरऽ उद्घाटन करतें अंचलाधिकारी पंकज कुमार… Read More

प्रांतीय काव्योत्सव म॑ अंगिका कवि सब न॑ अर्पित करलकै शहीद निलेश नयन के प्रति काव्यात्मक श्रद्धांजलि

प्रांतीय काव्योत्सव म॑ अंगिका कवि सब न॑ अर्पित करलकै शहीद निलेश नयन के प्रति काव्यात्मक श्रद्धांजलि

करहरिया । भागलपुर जिला केरऽ सुलतानगंज लगाँकरऽ बाथ थानांतर्गत करहरिया गाँव म॑ शनिचर क॑ सर्वकल्याणी छठ पूजा समिति द्वारा प्रांतीय काव्योत्सव केरऽ आयोजन करलऽ गेलै । जेकरा म॑ उपस्थित कवियऽ सब न॑ शहीद निलेश नयन के प्रति काव्यात्मक श्रद्धांजलि के रूप म॑ अंगिका कविता सब के पाठ करलकै । हीरा प्रसाद हरेंद्र विरचित अंगिका महाकाव्य “महर्षि मेंहीं ” के लोकार्पण भी होलै । करहरिया गाँव स्थित उच्च विद्यालय के मैदान म॑ आयोजित कवि सम्मेलन में भगवान प्रलय, हीरा प्रसाद हरेंद्र, रामावतार राही,विजेता मुदगलपुरी, कैलाश झा किंकर, साथी सुरेश सूर्य, राहुल शिवाय, प्रसून ठाकुर, राजकिशोर केशरी, विकास सिंह गुल्टी,शत्रुघ्न आर्या,विकास, भावानन्द सिंह प्रशांत, मनीष कुमार गूंज,एस.के.प्रोग्रामर, अरविंद कुमार मुन्ना, रामधारी सिंह काव्यतीर्थ, ब्रह्मदेव सिंह लोकेश, सत्रु आर्य आदि न॑ अंगिका कविता पाठ करलकै । कार्यक्रम केरऽ संचालन सुधीर प्रोग्रामर आरू संजीव कुमार सिंह न॑ करलकै । प्रांतीय काव्योत्सव केरऽ उद्घाटन सुलतानगंज केरऽ विधायक सुबोध राय न॑ दीप प्रज्वलित करी क॑ करलकै । विशिष्ट अतिथि केरऽ रूप म॑ डॉ… Read More

दंगा केरऽ विभीषिका के प्रति जागरूकता पैदा करै लेली भागलपुर दंगा केरऽ २९ वाँ बरसी प॑ मनैलऽ गेलै पश्चाताप दिवस

दंगा केरऽ विभीषिका के प्रति जागरूकता पैदा करै लेली भागलपुर दंगा केरऽ २९ वाँ बरसी प॑ मनैलऽ गेलै पश्चाताप दिवस

भागलपुर । भागलपुर दंगा केरऽ २९ बर्ष पूरा होला प॑ भागलपुर केरऽ एगो संस्था, सफाली युवा क्लब द्वारा पश्चाताप दिवस मनैलऽ गेलै । दंगा केरऽ विभीषिका के प्रति युवा पीढ़ी म॑ जागरूकता पैदा करै लेली भागलपुर दंगा केरऽ २९ वाँ बरसी प॑ सफाली युवा क्लब द्वारा मनैलऽ गेलऽ पश्चाताप दिवस म॑ प्रबुद्ध जनऽ सब न॑ सांकेतिक उपवास भी रखलकै । डॉ. फारूक अली न॑ कहलकै कि इतिहास भुलला स॑ एकरऽ दोहराबै के प्रवृत्ति रहै छै । युवा पीढ़ी दंगा केरऽ विभीषिका सें अनभिज्ञ छै । हुनी कहलकै कि मानव धर्म सबसें बड़ऽ धर्म छेकै । ई मौका प॑ डॉ. इकबाल अहमद, शमा परवीन, नंद किशोर राय, अजय यादव, महबूब आलम आदि उपस्थित रहै । संबंधित अंगिका समाचार पढ़ऽ / Read similar Angika News :उमाकांत झा ‘अंशुमाली’ रचित पुस्तक “श्री दुर्गा चरित”…मुख्यमंत्री नीतीश कुमार कल करतै बटेश्वर गंगा पंप नहर…राजगीर महोत्सव केरऽ हास्य कवि सम्मेलन म॑ अंगिका…अंगिका भाषी सांसद अश्विनी कुमार चौबे केंद्रीय राज्य…अंगिका भाषा क॑ संविधान… Read More

गंगा  नहाय क॑ घर लौटी रहलऽ ४ महिला केरऽ ट्रेन के चपेट में ऐला सें मौत

गंगा नहाय क॑ घर लौटी रहलऽ ४ महिला केरऽ ट्रेन के चपेट में ऐला सें मौत

धरहरा: गंगा नहाय क॑ घर लौटी रहलऽ ४ महिला केरऽ ट्रेन के चपेट में ऐला सें मौत होय गेलऽ छै । मुंगेर जिला केरऽ धरहरा थाना क्षेत्र केरऽ अदलपुर हाल्ट के पास आय भोरे भागलपुर—दानापुर इंटरसिटी एक्सप्रेस ट्रेन के चपेट में आबी क॑ चार महिला के मौत होय गेलै । एक अन्य महिला घायल बतैलऽ जाय रहलऽ छै । पुलिस अधीक्षक केरऽ अनुसार मरै वाला महिला सब के तत्काल पहचान नै हुअ॑ सकलऽ छै । घायल महिला क॑ इलाज लेली मुंगेर सदर अस्पाताल भेजलऽ गेलऽ छै । बतलैलऽ गेलऽ छै कि ई हादसा सें आक्रोशित स्थानीय लोगऽ न॑ उक्त ट्रेन कट रोकी रखन॑ छै । पुलिस घटनास्थल पर पहुंची गेलऽ छै । ग्रामीणऽ सिनी क॑ समझाय-बुझाय क॑ शवऽ क॑ पटरी स॑ हटाय क॑ ट्रेन क॑ गंतव्य लेली रवाना करै के प्रयास जारी छै । ई हादसा वू समय होलै जब॑ ई महिला सब गंगा स्नान करी क॑ अपनऽ घऽर लौटी रहलऽ छेलै । आशंका छै… Read More

फणीश्वरनाथ रेणु केरऽ कहानी ‘पंचलाइट’ प॑ आधारित फिल्म ‘पंचलैट’ १७ नवंबर क॑ रिलीज होतै

फणीश्वरनाथ रेणु केरऽ कहानी ‘पंचलाइट’ प॑ आधारित फिल्म ‘पंचलैट’ १७ नवंबर क॑ रिलीज होतै

मुंबई । अपनऽ साहित्य म॑ अंगिका भाषा व अंग क्षेत्र केरऽ आंचलिकता के सौंदर्यता व छुअन क॑ बरकरार रखै वाला हिंदी साहित्य केरऽ सुप्रसिद्ध कथाकार फणीश्वरनाथ रेणु केरऽ कालजयी कहानी ‘पंचलाइट’ पर आधारित फिल्म ‘पंचलैट’रिलीज लेली तैयार छै । खबर के अनुसार ई फिल्म आगामी १७ नवंबर,२०१७ क॑ रिलीज होतै । बरसों पहल॑ दूरदर्शन ई ‘पंचलाइट’ कहानी प॑ यह॑ शीर्षक स॑ टेलीफ़िल्म बनाय चुकलऽ छै । रेणु जी केरऽ ‘तीसरी कसम’ के बाद ई हुनकऽ दोसरऽ कहानी छेकै, जेकरा प॑ कोय फिल्म बनी रहलऽ छै । ई फिल्‍म क॑ ल॑ क॑ दर्शक म॑ काफी उत्‍सुकता छै । फिल्म इंडस्ट्री केरऽ चर्चित चेहरा सब एकरा म॑ किरदार निभाय रहलऽ छै । फिल्म दबंग म॑ छोटऽ रकम के किरदार के भूमिका म॑ रहलऽ अमितोष नागपाल नायक व अनुराधा मुखर्जी नायिका के भूमिका म॑ छै । फिल्म केरऽ अधिकांश शूटिंग अंग क्षेत्र केरऽ देवघर व दुमका म॑ होलऽ छै । कईएक धारावाहिक व वृत्तचित्र बनाय चुकलऽ फिल्म केरऽ… Read More

सुलतानगंज के लगीच करहरिया आरू गनगनियां म॑ आयोजित होतै भव्य अंगिका कवि सम्मेलन

सुलतानगंज के लगीच करहरिया आरू गनगनियां म॑ आयोजित होतै भव्य अंगिका कवि सम्मेलन

सुलतानगंज । आबै वाला अगला कुछ दिना के अंतराल प॑ ‘कविता चली गाँव की ओर’ कार्यक्रम के तहत सुलतानगंज के लगीच स्थित करहरिया आरू गनगनियां म॑ अंगिका कवि गोष्ठी आयोजित करलऽ जैतै । अंगिका केरऽ कवि सुधीर कुमार प्रोग्रामर के अनुसार “कविता चली गाँव की ओर” कार्यक्रम के तहत दिनांक २८ अक्टूबर २०१७, शनिवार क॑ उच्च विद्यालय, करहरिया, केरऽ मैदान म॑ रात्रि ८ बजे स॑ भव्य कवि सम्मलेन के आयोजन म॑ पटना, भागलपुर, बाँका, खगड़िया, बेगूसराय, मुंगेर, कटिहार आरनी के वरीय कवि के आगमन होय रहलऽ छै। सर्वकल्याणी छठ पूजा समिति, करहरिया, सुलतानगंज, भागलपुर द्वारा आयोजित ई प्रांतीय काव्योत्सव म॑ अंगिका केरऽ १८ कवि  भाग लेतै । कार्यक्रम केरऽ आयोजन-अध्यक्ष संजीव कुमार सिंह छेकै । फेरु ३ दिसंबर २०१७ क॑ मध्य विद्यालय गनगनियां, सुल्तानगंज, भागलपुर के प्रांगन म॑ अखिल भारतीय अंगिका साहित्य कला मंच सहित आरू कई मंच के साहित्यकार आरो कला जत्था के साथ विशाल कवि सम्मलेन के आयोजन तय छै । जेकरा म॑… Read More

देवघर म॑ दूरदर्शन आरू गोड्डा म॑ आकाशवाणी केरऽ स्टूडियो खुलला स॑ अंगिका व संताली भाषा के कलाकारऽ सिनी क॑ लाभ मिलतै

देवघर म॑ दूरदर्शन आरू गोड्डा म॑ आकाशवाणी केरऽ स्टूडियो खुलला स॑ अंगिका व संताली भाषा के कलाकारऽ सिनी क॑ लाभ मिलतै

देवघर/ गोड्डा: देवघर म॑ दूरदर्शन आरू गोड्डा म॑ आकाशवाणी केरऽ स्टूडियो खुलला स॑ अंगिका व संताली भाषा के कलाकारऽ सिनी क॑ लाभ मिलतै । गोड्डा म॑ १०० किलोवाट के क्षमता वाला आकाशवाणी केंद्र मार्च २०१८ ई. स॑ संचालित हुअ॑ लगतै । एकरऽ स्वीकृति सूचना व प्रसारण मंत्रालय न॑ देल॑ छै । बाद म॑ ई केंद्र के क्षमता बढ़ाय देलऽ जैतै । यहां स॑ विविध भारती केरऽ गीत-संगीत कार्यक्रमऽ के प्रसारण होतै । मंत्रालय न॑ देवघर म॑ एफएम केरऽ प्रसारण केंद्र व दूरदर्शन केरऽ स्टूडियो भी स्थापित करै के फैसला लेन॑ छै । ई संबंध म॑ सूचना व प्रसारण राज्यमंत्री कर्नल राज्यवर्धन राठौर न॑ सांसद निशिकांत दुबे क॑ पत्र के माध्यम स॑ जानकारी देन॑ छै । सांसद न॑ बतैल॑ छै कि देवघर म॑ दूरदर्शन के स्टूडियो खुलला स॑ अंगिका व संताली भाषा के कलाकारऽ सब क॑ लाभ मिलतै । एकरा लेली हुनी मंत्रालय म॑ कत्त॑ बार पत्राचार ककरल॑ रहै । देवघर म॑ दूरदर्शन स्टूडियो के माँग… Read More

error: Content is protected !!