Post Tagged with: "अंगिका"

प्रधानमंत्रियें  पटना मेट्रो रेल परियोजना समेत, सुलतानगंज, भागलपुर, कटिहार, बेगूसराय,पुर्णिया सब लेली 33,000 करोड़ रुपया के परियोजना के आधारशिला रखलकै आरू उद्घाटन करलकै

प्रधानमंत्रियें पटना मेट्रो रेल परियोजना समेत, सुलतानगंज, भागलपुर, कटिहार, बेगूसराय,पुर्णिया सब लेली 33,000 करोड़ रुपया के परियोजना के आधारशिला रखलकै आरू उद्घाटन करलकै

बेगूसराय/पटना : प्रधानमंत्री नरेंद्र मोदी नँ आय बिहार में पटना मेट्रो रेल परियोजना समेत 33,000 करोड़ रुपया के परियोजना के आधारशिला रखलकै आरू उद्घाटन करलकै । पीएम मोदी नें पटना शहर गैस वितरण परियोजना के उद्घाटन करलकै । प्रधानमंत्री नें बरौनी रिफाइनरी में बरौनी रिफाइनरी विस्तार परियोजना आरू एटीएफ हाइड्रोट्रीटिंग यूनिट (आईएनडीजेईटी) के आधारशिला भी रखलकै । प्रधानमंत्री नरेंद्र मोदी नें अंग देश केरौ बेगूसराय जिला स्थित बरौनी में आयोजित एगो कार्यक्रम में रिमोट के जरिया सें पटना मेट्रो रेल परियोजना के भी नींव रखलकै । नरेंद्र मोदी नें पटना में रीवर फ्रंट डेवलेपमेंट केरौ पहलौ चरण के उद्घाटन करलकै । प्रधानमंत्री नें नमामि गंगे योजना के अन्तर्गत कुल 96.54 किलोमीटर तक के सुलतानगंज, नवगछिया, करमालीचक आरू बाढ़ सीवरेज नेटवर्क आरू सीवरेज ट्रीटमेंट प्लांट के आधारशिला रखलकै । प्रधानमंत्री नें कई एक सेक्टर प रेलवे लाइन के विद्युतीकरण के उद्घाटन भी करलकै आरू रांची-पटना एसी वीकली एक्सप्रेस क हरा झंडा भी देखैलकै । हुनी छपरा… Read More

शहीद रतन कुमार ठाकुर

देश लेली हम्में अपनो आरू अपनौ छोटका बेटा के जान भी कुर्बान करै लेली तैयार छियै, शर्त एतने टा छै कि पाकिस्तान केरौ वजूद मिटना चाहिय्यौ – शहीद रतन के बाबू

भागलपुर । कश्मीर केरौ आतंकी हमला में शहीद होलौ सीआरपीएफ के जवान आरू अंग देश के सपूत रतन कुमार ठाकुर के बाबू निरंजन कुमार ठाकुर के कहना छै कि देश लेली हुनी अपनौ खुद के आरू छोटका बेटा के जान भी कुर्बान करै लेली तैयार छै । शर्त एतने टा छै कि पाकिस्तान केरौ वजूद पूरा तरह सें खतम होय जाय । शहीद के बाबू निरंजन कुमार ठाकुर के कहना छै कि शहीद रतनें अपनौ बीमार माय क बचाबै ल पानी ऐसनौ पैसा बहैने रहै । हलाँकि माय नै बचे सकलौ रहै । बेटा के शहीद होला के खबर के बाद निरंजन के भीतर अपनौ पत्नी के गुजरी जाय के गम भी जिंदा होय उठलौ छै । अपनौ माय के निधन के बाद रतनें पूरा परिवार के जिम्मेदारी अपनौ कांधा प ल लेनै छेलै । हुन्नें शहीद केरौ गर्भवती पत्नी राजनंदिनी देवी क ई बात के मलाल छै कि वू दिना वू हुनका सें भर जी  बातो नै करै सकले… Read More

सर्वसम्मति स॑ आठ महत्वपूर्ण प्रस्ताव पारित करी क॑ अंगिका के विकास लेली  तय करलऽ गेलै आगू के रणनीति

सर्वसम्मति स॑ आठ महत्वपूर्ण प्रस्ताव पारित करी क॑ अंगिका के विकास लेली तय करलऽ गेलै आगू के रणनीति

भागलपुर। अंगिका महोत्सव २०१९ केरऽ अंतिम दिन सर्वसम्मति स॑ आठ महत्वपूर्ण प्रस्ताव पारित करी क॑ अंगिका विकास लेली आगू के रणनीति तय करलऽ गेलै । भागलपुर विवि केरऽ डीएसडब्ल्यू डॉ. योगेंद्र न॑ प्रस्ताव पढ़लकै आरू प्रशाल म॑ उपस्थित अंगिका साहित्यकार, कलाकार, अंगिका प्रेमी सिनी न॑ सर्वसम्मति स॑ पास करलकै । 1.अंगिका भाषा क॑ संविधान केरऽ आठमऽ अनुसूची म॑ सम्मिलित कराबै लेली हर स्तर प॑ हर संभव प्रयास करलऽ जाय आरू एकरा लेली जुझारू व सक्षम व्यक्ति सिनी के एगो ऐसनऽ सशक्त कमेटी बनैलऽ जाय जे ई विषय म॑ मैथिली के अधिकारी आरू दुष्चक्र क॑ तोड़तें हुअ॑ अंगिका क॑ ओकरऽ वाजिब अधिकार दिलाबै आरू आठमऽ अनुसूची म॑ शामिल होय के मार्ग प्रशस्त कर॑ सक॑ । 2. ई महोत्सव सर्वसम्मति स॑ बिहार सरकार स॑ ई माँग करै छै कि प्राथमिक स्तर स॑ इंटरमीडिएट आरू उच्च शिक्षा तलक अंगिका भाषा म॑ पठन-पाठन के व्यवस्था सुनिश्चित कर॑ । 3. ई महोत्सव सर्वसम्मति स॑ अंगिका क्षेत्र केरऽ २६ जिला केरऽ… Read More

अंगिका भाषा आरू अंग संस्कृति केरऽ संरक्षण व संवर्द्धन के संकल्प सथें संपन्न भेलै अंगिका महोत्सव – २०१९

अंगिका भाषा आरू अंग संस्कृति केरऽ संरक्षण व संवर्द्धन के संकल्प सथें संपन्न भेलै अंगिका महोत्सव – २०१९

भागलपुर ।अंगिका भाषा आरू अंग संस्कृति केरऽ संरक्षण व संवर्द्धन के संकल्प लेत॑ हुअ॑ दू दिवसीय अंगिका महोत्सव – २०१९ संपन्न भ॑ गेलै ।  जेकरा म॑ अंगिका क॑ अष्टम अनुसूची म॑ शामिल कराबै लेली कोर कमिटी केरऽ गठन केरऽ महत्वपूर्ण प्रस्ताव पास करलऽ गेलै । साथ ही ई प्रस्ताव भी पास करलऽ गेलै कि हर अंगिका भाषी जिला केरऽ डी.एम. क॑ प्रतिवेदन द॑ क॑ माँग करलऽ जैतै कि जिला केरऽ राजकीय गजट म॑ जिला केरऽ भाषा के नाम के रूप म॑ अंगिका के नाम दर्ज करलऽ जाय़ । [wzslider autoplay=”true” interval=”2000″] बितलऽ २  फरवरी  आरू  ३ फरवरी क॑ आयोजित होलऽ अंगिका महोत्सव, चार अलग-अलग सत्र म॑ संपन्न होलै ।जेकरा म॑ अंगिका केरऽ विकास संबंधी अलग-अलग विषयऽ प॑ परिचर्चा के अलावा, अंगिका लोक नृत्य – झिझिया, मल्हा, अंगिका लघु फिल्म – छुटकारा, रूपक – बिहुला बिषहरी, कवि सम्मेलन, लोकनाट्य – डोमकच्छ केरऽ प्रदर्शन करलऽ गेलै । जोन प्रमुख विषयऽ प॑ परिचर्चा होलै ओकरा म॑ शामिल छै- अंगिका… Read More

अंगिका महोत्सव -२०१९ के सफल आयोजन के आशा जतैतें राज्यपाल न॑ देलकै शुभकामना

अंगिका महोत्सव -२०१९ के सफल आयोजन के आशा जतैतें राज्यपाल न॑ देलकै शुभकामना

भागलपुर । काल स॑ आयोजित होय वाला अंगिका महोत्सव-२०१९ केरऽ सफलता लेली बिहार केरऽ राज्यपाल श्री लालजी टंडन न॑ शुभकामना व्य़क्त करल॑ छै । आपनऽ शुभकामना संदेश म॑ हुनी आशा जतैन॑ छै कि ई आयोजन केरऽ माध्यम स॑ अंगदेश केरऽ जनता क॑ अपनऽ ऐतिहासिक, सांस्कृतिक, कलात्मक, व साहित्यिक विरासत प॑ गौरवान्वित हुऐ के अवसर प्राप्त होतै । जेकरा स॑ कि ई क्षेत्र केरऽ लोग अपनऽ क्षेत्र केरऽ सांस्कृतिक अभ्युदय हेतु दृढ़ संकल्पित हुअ॑ सकतै । संबंधित अंगिका समाचार पढ़ऽ / Read similar Angika News :सरकारी उपेक्षा केरऽ शिकार बिहार अंगिका अकादमी केरऽ…जाह्न्वी अंगिका संस्कृति संस्थान न॑ बिहार अंगिका…बिहार केरऽ प्राइमरी इसकूली मं॑ माध्यम भासा के रूप…क्या आज प्रधानमंत्री अंगिका को अष्टम अनुसूची में…Angika Languageअंगिका भाषा का साहित्यिक परिदृश्यसंस्कृत, पाली, प्राकृत, हिंदी आरू अंगिका केरऽ…अंगिका को अष्टम अनुसूची में शामिल करने की आनाकानी…स्थापना केरऽ साल भर बाद भी कागज प॑ ही चली रहलऽ छै…अंगिका काव्य और कवि

चार अलग-अलग सत्र म॑ आयोजित होतै अंगिका महोत्सव – २०१९, परिचर्चा के अलावा देखै ल॑ मिलतै अंगिका लोक नृत्य, अंगिका लघु फिल्म, अंगिका रूपक, कवि सम्मेलन आरू लोकनाट्य

चार अलग-अलग सत्र म॑ आयोजित होतै अंगिका महोत्सव – २०१९, परिचर्चा के अलावा देखै ल॑ मिलतै अंगिका लोक नृत्य, अंगिका लघु फिल्म, अंगिका रूपक, कवि सम्मेलन आरू लोकनाट्य

भागलपुर । काल २ फरवरी  आरू परसू  ३ फरवरी क॑ आयोजित होय वाला अंगिका महोत्सव चार अलग-अलग सत्र म॑ संपन्न होतै ।जेकरा म॑ अंगिका केरऽ विकास संबंधी अलग-अलग विषयऽ प॑ परिचर्चा के अलावा, अंगिका लोक नृत्य – झिझिया, मल्हा, अंगिका लघु फिल्म – छुटकारा, रूपक – बिहुला बिषहरी, कवि सम्मेलन, लोकनाट्य – डोमकच्छ केरऽ प्रदर्शन करलऽ जैतै । जोन प्रमुख विषयऽ प॑ परिचर्चा होतै ओकरा म॑ शामिल छै- अंगिका आरू मीडिया, अंगिका केरऽ अतीत व वर्तमान, अंगिका क॑ संविधान केरऽ अष्टम अनुसूची म॑ शामिल कराना, अंगिका भाषा केरऽ बाधा व ओकरऽ समृद्धि केरऽ योजना । अंगिका महोत्सव २०१९ आयोजन केरऽ परिचर्चा सत्र विवरण निम्नांकित छै; दिनांक : 2.2.2019 प्रथम सत्र– १० बजे उदघाटन- कुलपति ति.मा.भा.वि.वि. परिचर्चा–विषय—अंगिका आरू मीडिया प्रमुख वक्ता- डॉ. योगेंद्र श्री राजेन्द्र सिंह,सम्पादक, नईबात , भागलपुर श्री कुंदन अमिताभ , संस्थापक,अंगिका डॉट कॉम, मुम्बई श्री बाबा विजयेंद्र, सम्पादक, स्वराज खबर, दिल्ली श्री शम्भु प्र. सिंह , पूर्व कार्यक्रम अधिशासी, दूरदर्शन, पटना श्री राहुल शिवाय, उप निदेशक, कविताकोश द्वितीय सत्र–… Read More

अंग-अंगिका के विकास म॑ लगलऽ संस्था सिनी मिली-जुली क॑ करतै अंगिका महोत्सव के नियमित आयोजन

अंग-अंगिका के विकास म॑ लगलऽ संस्था सिनी मिली-जुली क॑ करतै अंगिका महोत्सव के नियमित आयोजन

सुलतानगंज । अंग-अंगिका के विकास म॑ लगलऽ संस्था सिनी मिली-जुली क॑ अंगिका महोत्सव के नियमित रूप स॑ आयोजन करै प॑ विचार करी रहलऽ छै । एगो प्रेस-विज्ञप्ति जारी करी क॑ जानकारी देलऽ गेलऽ छै कि सब संस्था द्वारा मिली-जुली क॑ अंगिका महोत्सव क॑ नियमित रूप स॑ आयोजन करै प॑ विचार करै लेली आगामी २३ दिसंबर क॑ भागलपुर म॑ एगो बैठक केरऽ आयोजन करलऽ गेलऽ छै । बर्षो पहल॑ सरकारी स्तर पर अंग-महोत्सव केरऽ आयोजन होय छेलै । जेकरा स॑ अंगिका साहित्यकार, पत्रकार, कवि सिनी म॑ नयऽ ऊर्जा के संचार होय छेलै । लोग सब अंगिका के विकास लेली अधिक से अधिक सोच॑ पारै छेलै । साहित्यकारऽ सिनी के सहयोग सें ही साल २००७ ई. म॑ सैंडिस कंपाउंड म॑ शायद आखरी बार अंग-महोत्सव आयोजित होलऽ छेलै । एकरऽ बाद बहुत्ते दफा खाली प्रबुद्ध जनऽ सिनी न॑ अंगिका-महोत्सव आयोजित करै या कराबै के बात कही क॑ ताली बटोरलकै, लेकिन अखनी तलक ई संभव नै हुअ॑ पारलऽ छै… Read More

सुलतानगंज के उत्तरवाहिनी गंगा तट प॑ सांत्वना साह केरऽ पार्थिव शरीर पंच-तत्व म॑ विलीन

सुलतानगंज के उत्तरवाहिनी गंगा तट प॑ सांत्वना साह केरऽ पार्थिव शरीर पंच-तत्व म॑ विलीन

सुलतानगंज । ९ नवंबर, २०१८ । सुलतानगंज केरऽ उत्तरवाहिनी गंगा तट प॑ सांत्वना साह केरऽ पार्थिव शरीर पंच-तत्व म॑ विलीन भ॑ गेलै । सुलतानगंज केरऽ श्मसान घाट प॑ आकाशवाणी भागलपुर केरऽ नूर, अंगिका केरऽ मशहूर कोकिल कंठी “चंपा बहन” केरऽ दाहसंस्कार पूरा श्रद्धा आरू साहित्यिक सम्मान के साथ करी देलऽ गेलै । मुखाग्नि श्रीमती साह केरऽ बड़का बेटां सलिल कुमार न॑ देलकै । ई अवसर पर अखिल भारतीय साहित्य कला मंच आरू अजगैवीनाथ साहित्य मंच के वरीय पदाधिकारीयऽ म॑ हीरा प्रसाद हरेन्द्र, डॉ. ब्रह्मदेव नारायण सत्यम, सुधीर कुमार प्रोग्रामर, अंजनी कुमार शर्मा, साथी सुरेश सूर्य, मनीष कुमार गूंज, हरिनंदन चौरसिया, प्राण मोहन प्रीतम, साथी इंद्रदेव, डॉ. श्यामसुन्दर आर्य के अलावे दर्जनऽ साहित्यप्रेमी उपस्थित होय करी क॑ फूलमाला द॑ करी क॑ “अंग कोकिला सांत्वना साह अमर रह॑” के नारा स॑ अपनऽ श्रद्धांजलि अर्पित करलकै। [wzslider autoplay=”true”] ज्ञातव्य छै कि वरिष्ठ अंगिका साहित्यकार आरू आकाशवाणी कलाकार सांत्वना साह केरऽ निधन ८ नवंबर,२०१८ क॑ सबरगरे बंगलोर के अपोलो अस्पताल… Read More

सांत्वना साह

वरिष्ठ अंगिका साहित्यकार सांत्वना साह केरऽ निधन, अंग देश म॑ शोक के लहर

भागलपुर । वरिष्ठ अंगिका साहित्यकार आरू आकाशवाणी कलाकार सांत्वना साह नै रहलै । हुनकऽ फेसबुक पर हुनकऽ बेटा श्री सलील कुमार द्वारा प्रकाशित सूचना के आधार प॑ आय ८ नवंबर,२०१८ क॑ सबरगरे बंगलोर केरऽ एगो नामी अस्पताल म॑ हुनी अंतिम साँस लेलकै । हुनी जीबीएम-4 नामक बीमारी सें जूझी रहलऽ छेलै । बैंगलोर केरऽ एगो प्रीमियम अस्पताल में जीबीएम-4 केरऽ इलाज चली रहलऽ छेलै ।  हुनी अपना पीछू दू बेटा, एक बहू आरू दू पोता छोड़ी क॑ गेलै । कल भोरे 08:00 बजे पश्चात रेडियो कॉलोनी, आदमपुर, भागलपुर में हुनकऽ अन्तिम दर्शन करलऽ जाब॑ सकै छै आरू श्रद्धांजलि अर्पित करलऽ जाब॑ सकै छै । सांत्वना साह एगो मृदुभाषी व्यक्तित्व वाला साहित्यकार आरू कलाकार छेलै । हुनी आकाशवाणी के माध्यम स॑ अंगिका केरऽ महत्वपूर्ण सेवा करलकै जेकरा भुलाना बहुत मुश्किल छै । अंगिका.कॉम हुनका प्रति हार्दिक श्रद्धांजलि अर्पित करै छै । भगवान हुनकऽ आत्मा क॑ चिर शांति प्रदान कर॑ । हुनकऽ  निधन स॑ अंग देश म॑ शोक के लहर व्याप्त… Read More

अपनऽ जिला के  भाषा म॑ पास करला प॑ ही होतै तृतीय आरू चतुर्थ श्रेणी पदऽ प॑ नौकरी – झारखंड नियोजन नीति

अपनऽ जिला के भाषा म॑ पास करला प॑ ही होतै तृतीय आरू चतुर्थ श्रेणी पदऽ प॑ नौकरी – झारखंड नियोजन नीति

रांची । झारखंड नियोजन नीति के अनुसार झारखंड म॑ हर जिला के अपनऽ भाषा होतै जेकरा म॑ पास करला प॑ ही तृतीय आरू चतुर्थ श्रेणी पदऽ प॑ नौकरी हुअ॑ सकतै । झारखंड राज्य म॑ नियोजन नीति क॑ अंतिम रूप द॑ देलऽ गेलऽ छै । जों ई नीति राज्य म॑ लागू होय छै त॑ हर जिला लेली एगो अलग भाषा अथवा एक स॑ अधिक भाषा अधिसूचित होतै जे जिला केरऽ अपनऽ भाषा होतै । झारखंड सरकार तरफऽ स॑ बनैलऽ गेलऽ नियोजन नीति सें स्थानीय लोगऽ क॑ लाभ पहुंचाबै के कोशिश करलऽ गेलऽ छै । हालांकि अभी एकरा १७ अप्रैल क॑ सरकार लगां अनुशंसा लेली भेजलऽ जैतै । ओकरऽ बाद ही एकरा अंतिम रूप देलऽ जाब॑ सकै छै । जों ई नीति राज्य म॑ लागू होय छै त॑ हर जिला लेली एगो अलग भाषा अथवा एक स॑ अधिक भाषा अधिसूचित होतै जे जिला केरऽ अपनऽ भाषा होतै । युवा सिनी क॑ तृतीय आरू चतुर्थ श्रेणी म॑ नियोजन… Read More

error: Content is protected !!