Post Tagged with: "अंगिका लोक भाषा"

फणीश्वरनाथ रेणु केरऽ कहानी ‘पंचलाइट’ प॑ आधारित फिल्म ‘पंचलैट’ १७ नवंबर क॑ रिलीज होतै

फणीश्वरनाथ रेणु केरऽ कहानी ‘पंचलाइट’ प॑ आधारित फिल्म ‘पंचलैट’ १७ नवंबर क॑ रिलीज होतै

मुंबई । अपनऽ साहित्य म॑ अंगिका भाषा व अंग क्षेत्र केरऽ आंचलिकता के सौंदर्यता व छुअन क॑ बरकरार रखै वाला हिंदी साहित्य केरऽ सुप्रसिद्ध कथाकार फणीश्वरनाथ रेणु केरऽ कालजयी कहानी ‘पंचलाइट’ पर आधारित फिल्म ‘पंचलैट’रिलीज लेली तैयार छै । खबर के अनुसार ई फिल्म आगामी १७ नवंबर,२०१७ क॑ रिलीज होतै । बरसों पहल॑ दूरदर्शन ई ‘पंचलाइट’ कहानी प॑ यह॑ शीर्षक स॑ टेलीफ़िल्म बनाय चुकलऽ छै । रेणु जी केरऽ ‘तीसरी कसम’ के बाद ई हुनकऽ दोसरऽ कहानी छेकै, जेकरा प॑ कोय फिल्म बनी रहलऽ छै । ई फिल्‍म क॑ ल॑ क॑ दर्शक म॑ काफी उत्‍सुकता छै । फिल्म इंडस्ट्री केरऽ चर्चित चेहरा सब एकरा म॑ किरदार निभाय रहलऽ छै । फिल्म दबंग म॑ छोटऽ रकम के किरदार के भूमिका म॑ रहलऽ अमितोष नागपाल नायक व अनुराधा मुखर्जी नायिका के भूमिका म॑ छै । फिल्म केरऽ अधिकांश शूटिंग अंग क्षेत्र केरऽ देवघर व दुमका म॑ होलऽ छै । कईएक धारावाहिक व वृत्तचित्र बनाय चुकलऽ फिल्म केरऽ… Read More

महान भारतीय क्रिकेटर सचिन तेंदुलकर

सचिन तेंदुलकर केरऽ श्रेष्ठ पारियऽ प॑ कॉमिक्स केरऽ प्रकाशन होतै

नई दिल्ली । क्रिकेट केरऽ भगवान के रूप म॑ जानलऽ जाय वाला दिग्गज भारतीय क्रिकेटर सचिन तेंदुलकर केरऽ जीवन पर आरू हुनकऽ खेललऽ गेलऽ श्रेष्ठ पारियऽ प॑ कॉमिक्स केरऽ प्रकाशन होतै । सचिन तेंदुलकर क्रिकेट स॑ संन्यास ल॑ चुकलऽ छै लेकिन हुनकऽ प्रशंसकों के संख्या म॑ कोय कमी नहीं होलऽ छै । हुनका उपर एगो फिल्म ‘सचिन ए बिलियन ड्रीम्स’ भी बनलऽ छै । अब सचिन एगो नया भूमिका म॑ लोगऽ के बीच पेश होतै । मीडिया के अनुसार सचिन केरऽ बेस्ट पारियऽ प॑ अब॑ कॉमिक्स प्रकाशित करलऽ जैते । यानी क्रिकेट केरऽ भगवान अब॑ मैदान स॑ बाहर कॉमिक्स प॑ छक्का-चौका मारतें नजर ऐतै । ई कॉमिक्स २५ पन्ना के होतै आरू एकरा म॑ सचिन केरऽ करियर स॑ जुड़लऽ दू यादगार पारियऽ के बारे म॑ विस्तार सें जानकारी देलऽ जैतै । एनडीटीवी केर एगो रिपोर्ट के अनुसार एगो कॉमिक पब्लिकेशन न॑ सचिन प॑ ई तरह के जानकारी दै के फैसला करन॑ छै । सचिन तेंदुलकर… Read More

छठ पूजा म॑ दिल्ली केरऽ ३०० घाटऽ प॑ अन्य भाषा के साथ अंगिका भाषा म॑ भी गीत आरो सूचना प्रसारित होतै

छठ पूजा म॑ दिल्ली केरऽ ३०० घाटऽ प॑ अन्य भाषा के साथ अंगिका भाषा म॑ भी गीत आरो सूचना प्रसारित होतै

नई दिल्ली।  छठ पूजा म॑ दिल्ली केरऽ ३०० घाटऽ प॑ अन्य भाषा के साथ अंगिका भाषा म॑ भी गीत आरो सूचना प्रसारित करलऽ जैतै ।  ई जानकारी आप पार्टी केरऽ महासचिव मिथिलेश सिंह न॑ अंगिका साहित्यकार सुधीरकुमार प्रोग्रामर क॑ देलकै। दिल्ली सरकार केरऽ ई फैसला स॑ अंगिका भाषा-भाषी के बीच उत्साह के माहौल छै ज्ञातव्य छै कि पिछला साल भी छठ पूजा म॑ दिल्ली केरऽ ३०० घाटऽ प॑ अन्य भाषा के साथ अंगिका भाषा म॑ भी गीत आरो सूचना प्रसारित करलऽ गेलऽ छेलै । संबंधित अंगिका समाचार पढ़ऽ / Read similar Angika News :अंगिका क॑ साजिशमुक्त कराय क॑ एकरऽ विकास के पथ…बिहार अंगिका अकादमी केरऽ उद्देश्य क॑ धरातल प॑ उतारै…अंगिका भाषा क॑ संविधान के आठमऽ अनुसूची म॑ शामिल…अंगिका भाषा आंदोलन केरऽ पुरोधा आरू अंगिका साहित्य…अंगिका भाषा क॑ संविधान के आठमऽ अनुसूची म॑ शामिल…अंगिका भाषा का साहित्यिक परिदृश्यजाह्न्वी अंगिका संस्कृति संस्थान न॑ बिहार अंगिका…सरकारी उपेक्षा केरऽ शिकार बिहार अंगिका अकादमी केरऽ…बिहार केरऽ प्राइमरी इसकूली मं॑ माध्यम… Read More

सुलतानगंज के लगीच करहरिया आरू गनगनियां म॑ आयोजित होतै भव्य अंगिका कवि सम्मेलन

सुलतानगंज के लगीच करहरिया आरू गनगनियां म॑ आयोजित होतै भव्य अंगिका कवि सम्मेलन

सुलतानगंज । आबै वाला अगला कुछ दिना के अंतराल प॑ ‘कविता चली गाँव की ओर’ कार्यक्रम के तहत सुलतानगंज के लगीच स्थित करहरिया आरू गनगनियां म॑ अंगिका कवि गोष्ठी आयोजित करलऽ जैतै । अंगिका केरऽ कवि सुधीर कुमार प्रोग्रामर के अनुसार “कविता चली गाँव की ओर” कार्यक्रम के तहत दिनांक २८ अक्टूबर २०१७, शनिवार क॑ उच्च विद्यालय, करहरिया, केरऽ मैदान म॑ रात्रि ८ बजे स॑ भव्य कवि सम्मलेन के आयोजन म॑ पटना, भागलपुर, बाँका, खगड़िया, बेगूसराय, मुंगेर, कटिहार आरनी के वरीय कवि के आगमन होय रहलऽ छै। सर्वकल्याणी छठ पूजा समिति, करहरिया, सुलतानगंज, भागलपुर द्वारा आयोजित ई प्रांतीय काव्योत्सव म॑ अंगिका केरऽ १८ कवि  भाग लेतै । कार्यक्रम केरऽ आयोजन-अध्यक्ष संजीव कुमार सिंह छेकै । फेरु ३ दिसंबर २०१७ क॑ मध्य विद्यालय गनगनियां, सुल्तानगंज, भागलपुर के प्रांगन म॑ अखिल भारतीय अंगिका साहित्य कला मंच सहित आरू कई मंच के साहित्यकार आरो कला जत्था के साथ विशाल कवि सम्मलेन के आयोजन तय छै । जेकरा म॑… Read More

देवघर म॑ दूरदर्शन आरू गोड्डा म॑ आकाशवाणी केरऽ स्टूडियो खुलला स॑ अंगिका व संताली भाषा के कलाकारऽ सिनी क॑ लाभ मिलतै

देवघर म॑ दूरदर्शन आरू गोड्डा म॑ आकाशवाणी केरऽ स्टूडियो खुलला स॑ अंगिका व संताली भाषा के कलाकारऽ सिनी क॑ लाभ मिलतै

देवघर/ गोड्डा: देवघर म॑ दूरदर्शन आरू गोड्डा म॑ आकाशवाणी केरऽ स्टूडियो खुलला स॑ अंगिका व संताली भाषा के कलाकारऽ सिनी क॑ लाभ मिलतै । गोड्डा म॑ १०० किलोवाट के क्षमता वाला आकाशवाणी केंद्र मार्च २०१८ ई. स॑ संचालित हुअ॑ लगतै । एकरऽ स्वीकृति सूचना व प्रसारण मंत्रालय न॑ देल॑ छै । बाद म॑ ई केंद्र के क्षमता बढ़ाय देलऽ जैतै । यहां स॑ विविध भारती केरऽ गीत-संगीत कार्यक्रमऽ के प्रसारण होतै । मंत्रालय न॑ देवघर म॑ एफएम केरऽ प्रसारण केंद्र व दूरदर्शन केरऽ स्टूडियो भी स्थापित करै के फैसला लेन॑ छै । ई संबंध म॑ सूचना व प्रसारण राज्यमंत्री कर्नल राज्यवर्धन राठौर न॑ सांसद निशिकांत दुबे क॑ पत्र के माध्यम स॑ जानकारी देन॑ छै । सांसद न॑ बतैल॑ छै कि देवघर म॑ दूरदर्शन के स्टूडियो खुलला स॑ अंगिका व संताली भाषा के कलाकारऽ सब क॑ लाभ मिलतै । एकरा लेली हुनी मंत्रालय म॑ कत्त॑ बार पत्राचार ककरल॑ रहै । देवघर म॑ दूरदर्शन स्टूडियो के माँग… Read More

अंगिका भाषा क॑ संविधान के आठमऽ अनुसूची म॑ शामिल कराबै वास्तें प्रारंभ भेलै हस्ताक्षर अभियान

अंगिका भाषा क॑ संविधान के आठमऽ अनुसूची म॑ शामिल कराबै वास्तें प्रारंभ भेलै हस्ताक्षर अभियान

भागलपुर । दुनिया केरऽ प्राचीनतम भाषा म॑ एक अंगिका क॑ भारतीय संविधान केरऽ आठमऽ अनुसूची म॑ शामिल करै के माँग क॑ ल॑ करी क॑ अंग उत्थानान्दोलन समिति,बिहार-झारखंड के बैनर तले आय अंग महाजनपद के हृदय स्थल भागलपुर केरऽ अलीगंज चौक स॑ हस्ताक्षर अभियान के आरंभ करी देलऽ गेलऽ छै । ई हस्ताक्षर अभियान लगातार ३१ दिसम्बर तलक चलतै । ई बाबत समिति अध्यक्ष गौतम सुमन न॑ बतैलकै कि बिहार-झारखंड केरऽ २१ अंग जनपद सहित दुनिया केरऽ हर प्रांत व जिला म॑ रही रहलऽ अंगिका भाषियऽ के संख्यां लगभग ९ करोड़ छै । बिहार आरू झारखंड सरकार न॑ अंगिका भाषा क॑ मान्यता देल॑ छै । बिहार सरकार न॑ जहाँ अंगिका अकादमी केरऽ गठन करी  क॑ अंगिका भाषा क॑ समुचित सम्मान व अधिकार दै लेली बचनबद्ध छै । वहीं झारखंड सरकार न॑ लोक सेवा आयोग आरू कर्मचारी चयन आयोग केरऽ परीक्षा म॑ अंगिका भाषा क॑ शामिल करी क॑ अंगिका भाषा क॑ मान्यता दै केरऽ काम करन॑ छै… Read More

अंगिका कविता कोश न॑ आयोजित करलकै पर्यावरण जागरूकता अभियान आरू करलकै अंगिका बाल पुस्तक के वितरण

अंगिका कविता कोश न॑ आयोजित करलकै पर्यावरण जागरूकता अभियान आरू करलकै अंगिका बाल पुस्तक के वितरण

गोदरगाँवा(बेगूसराय) । शनिवार, १४ अक्तूबर, २०१७ क॑ विप्लवी पुस्तकालय गोदरगाँवा म॑ कविता कोश केरऽ तत्वावधान म॑ पर्यावरण संरक्षण आरू स्वच्छता विषय प॑ गोष्ठी सह काव्य पाठ भेलै । कार्यक्रम केरऽ अध्यक्षता शिक्षक रामबहादुर यादव आरो संचालन मनोरंजन विप्लवी न॑ करलकै । मुख्य वक्ता राहुल शिवाय आरो मुख्य अतिथि अमित रंजन भारती रहै । आमीर आलम, राकेश कुमार, अनिमेष कुमार सहित गोदरगांवा हाई स्कूल  के बूतरू  सब न॑ अपनऽ-अपनऽ प्रस्तुति भी देलकै। वक्ता राहुल शिवाय न॑ पर्यावरण स॑ जुड़लऽ समस्या क॑ सामने रखत॑ हुअ॑ कहलकै  कि मनुष्य जब तलक प्रकृति दन्न॑ नै लौटतै तब तलक भूकंप, बूहऽ जेहनऽ समस्या सब ऐथैं रहतै । ओकरऽ बाद अपनऽ कविता के माध्यम स॑ राहुल शिवाय न॑  कहलकै – पैतै हो केना कहऽ अगला पीढ़ी फूल । मनुख विकासऽ लेली रोपै रोज बबूल ।। मनोरंजन विप्लवी न॑ कहलकै कि दिवाली ख़ुशी केरऽ पर्व छिकै एकरा प्रदूषण केरऽ कारण नै बनाबऽ । अमित रंजन जी न॑ कहलकै जब॑ तलक नया पीढ़ी… Read More

आधार कार्ड क॑ मोबाईल फोन प॑ रखै के सुविधा दै लेली एम-आधार एप करलऽ गेलै अपडेट

आधार कार्ड क॑ मोबाईल फोन प॑ रखै के सुविधा दै लेली एम-आधार एप करलऽ गेलै अपडेट

नई दिल्ली । आधार कार्ड क॑ हमेशा अपनऽ जिमा म॑ रखै के दिक्कत अब॑ नै उठाबै ल॑ परतै । सरकार न॑ एम आधार एप क॑ अपडेट करी देन॑ छै । रजिस्टर्ड मोबाइल पर एप म॑ समय आधारित ओटीपी (वन टाइम पासवर्ड) जोड़ी देलऽ गेलऽ छै । एकरऽ जरिया स॑ आधार क॑ अपनऽ फोन पर रखलऽ जाब॑ सकै छै । सरकार लगभग हर जगह आधार क॑ अनिवार्य बनैतें जाय रहलऽ छै । आधार कार्ड अपनऽ जिमा म॑ हमेशा रखना जरूरी होय गेलऽ छै । लेकिन मोबाइल प॑ उपलब्ध होला के बाद आधार कार्ड क॑ हमेशा जिमा म॑ रखै के जरूरत नै रहतै । एप केरऽ बीटा वर्जन म॑ जनसांख्यिकीय डाटा उपलब्ध रहै छै । जेकरा म॑ आधार कार्ड म॑ जे जानकारी होय छै, वू मोबाइल पर दिखी जाय छै । समय आधारित ओटीपी म॑ अब॑ ओटीपी केरऽ डाउनलोड होय के इंतजार नै करै ल॑ होतै । ई मोबाइल प॑ हमेशा उपलब्ध रहतै । यूआइडीएआइ केरऽ सीईओ… Read More

फुटबॉल - फीफा - U-17 कप

भारत केरऽ सामना आय फ़ीफ़ा फुटबॉल अंडर -१७ वर्ल्ड कप म॑ दू बार केरऽ वर्ल्ड चैंपियन घाना स॑

नई दिल्‍ली: फ़ीफ़ा अंडर-१७ वर्ल्ड कप म॑ अमेरिका आरू कोलंबिया स॑ पराजित होला के बाद आय  भारतीय टीम केरऽ सामना दू बार केरऽ वर्ल्ड चैंपियन घाना स॑ होतै । अमेरिका क॑ जबरदस्त टक्कर देला के बाद आरू कोलंबिया प॑ १ गोल तक दागै वाला भारतीय टीम केरऽ मनोबल उँचा छै । भारत के सामना म॑ आय बहुत बड़ऽ चुनौती छै । लेकिन आगू के राउंड म॑ जाय लेली भारतीय टीम क॑ आय हर हालत म॑ जीत के ज़रूरत छै । ऐसनऽ म॑ दिल्ली म॑ होय वाला मैच म॑ रोमांचक मुक़ाबला होय के उम्मीद छै । फ़ीफ़ा अंडर-१७ वर्ल्ड कप म॑ अमेरिका के हाथ भारत क॑ अपनऽ पहलऽ मैच म॑ ०-३ स॑ हार के सामना करै ल॑ पड़लऽ छेलै । वहीं कोलंबिया स॑ भी भारत न॑ १-२ स॑ हारी गेलै । भारतीय अंडर 17 टीम केरऽ मुख्य कोच लुई नॉर्टन डी माटोस अमेरिका आरू कोलंबिया स॑ हार के बावजूद मुक़ाबला लेली अपनऽ फ़ौज क॑ तैयार करै म॑ लगलऽ… Read More

नीतीश कुमार

कैंसर केरऽ इलाज लेली मुंबई गेला प॑ निवेश आयुक्त करतै व्यवस्था , किडनी आरू लीवर के इलाज लेली नै जाय ल॑ होतै बाहर

पटना : बिहार केरऽ मुख्यमंत्री नीतीश कुमार न॑ कहल॑ छै कि राज्य म॑ स्वास्थ्य केरऽ क्षेत्र म॑ अब॑ दोसरऽ चरण के सुधार शुरू करलऽ जाय रहलऽ छै ।जेकरऽ  तहत सबस॑ बड़ऽ चुनौती मरीजऽ क॑ इलाज लेली मजबूरी म॑ बाहर जाय स॑ रोकै के होतै । जबकि  बिहार केरऽ उपमुख्यमंत्री सुशील कुमार मोदी बोलल॑ छै कि कैंसर केरऽ इलाज लेली मुंबई गेलै प॑ निवेश आयुक्त  व्यवस्था करतै । बिहार केरऽ सब्भे सरकारी अस्पतालऽ म॑ दवा, उपकरण, डॉक्टर स॑ ल करी क॑ तमाम आधारभूत संरचना व सुविधा केरऽ विकास पर खासतौर स॑ ध्यान देलऽ जाय रहलऽ छै । कैंसर केरऽ इलाज लेली पटना व मुजफ्फरपुर के  अलावा किडनी के इलाज लेली आइजीआइएमसी आरू पीएमसीएच म॑ व्यवस्था करलऽ गेलऽ छै । आबै वाला दिनऽ म॑ लीवर समेत अन्य गंभीर बीमारियऽ के इलाज लेली भी व्यवस्था करलऽ जैतै । मुख्यमंत्री मंगलवार क॑ मुख्यमंत्री सचिवालय स्थित संवाद कक्ष म॑ स्वास्थ्य विभाग केरऽ ८६६ करोड़ रुपये के ११३ योजना के उद्घाटन… Read More

error: Content is protected !!