1 week ago
चाँद पर विक्रम लैंडर के ठेकानौ के लगलै पता, पर अखनी नै हुअय सकलौ छै संपर्क | ISRO found Vikram on surface of moon, yet to communicate | Chandrayaan 2 | News in Angika
1 week ago
अंगिका महोत्सव -२०२० के आयोजक समिति के भेलै गठन । Angika Mahotsav-2020 Organizing Committee Constituted| News in Angika
1 week ago
सुलतानगंज केरौ श्रावणी मेला मँ जमा होलौ सिक्का के गिनती सँ परेशानी के माहौल
2 weeks ago
फरवरी केरौ पहलौ सप्ताह मँ ही आयोजित होतै अंगिका महोत्सव -२०२० । Angika Mahotsav to be organised in first week of February-2020 | News in Angika
3 weeks ago
अंगिका क भारतीय संविधान केरौ आठमौ अनुसूची मँ शामिल करवावै लेली 5 दिसम्बर क जन्‍तर-मन्‍तर प धरना आरू 6 दिसम्बर क राज घाट पर आमरण-अनसन सह सत्‍याग्रह । Dharna at  Jantar Mantar on 5 December and fasting on 6 March at Raj Ghat planned to include Angika in the Eighth Schedule of the Indian Constitution  | News in Angika

Post Tagged with: "अंगिका लोक भाषा"

पालोजोरी में सिखैलऽ गेलै उन्नत खेती आरू जैविक खेती के गुर

पालोजोरी में सिखैलऽ गेलै उन्नत खेती आरू जैविक खेती के गुर

पालोजोरी,गोड्डा : अन्तरराष्ट्रीय स्वयंसेवी संस्था वीएसओ केरऽ वॉलेंटियर आरू नीड्स केरऽ प्रतिनिधि सिनी न॑ पालोजोरी प्रखंड सह अंचल कार्यालय के पास एगो कार्यक्रम के माध्यम सें क्षेत्र केरऽ लोगऽ क॑ जैविक खेती लेली प्रेरित करलकै । ई दौरान वीएसओ यूके आरू इंडिया केरऽ प्रतिनिधि सब न॑ नाटक के माध्यम सें रासायनिक खेती सें होय वाला नुकसान के साथ-साथ जैविक खेती सें होय वाला फायदा सब क॑ बतैलकै । नाटक के माध्यम सें ई भी बतैलऽ गेलै कि जैविक खेती केना आबै वाला दिन में लोगऽ लेली जरूरी होतै । ई भी बतैलऽ गेलै कि आबै वाला दिनऽ में लोगऽ क॑ जैविक खेती दन्न॑ लौटै ल॑ परतै । बतैलऽ गेलै कि जैविक खेती के माध्यम सें किसान कम मेहतन व लागत में ही बेहतर मुनाफा कमाब॑ सकै छै । ई भी कहलऽ गेलै कि जैविक खेती में प्राकृतिक संसाधनऽ के उपयोग करी क॑ खेती करलऽ जाय छै । वहीं कार्यक्रम केरऽ उद्घाटन करतें अंचलाधिकारी पंकज कुमार… Read More

प्रांतीय काव्योत्सव म॑ अंगिका कवि सब न॑ अर्पित करलकै शहीद निलेश नयन के प्रति काव्यात्मक श्रद्धांजलि

प्रांतीय काव्योत्सव म॑ अंगिका कवि सब न॑ अर्पित करलकै शहीद निलेश नयन के प्रति काव्यात्मक श्रद्धांजलि

करहरिया । भागलपुर जिला केरऽ सुलतानगंज लगाँकरऽ बाथ थानांतर्गत करहरिया गाँव म॑ शनिचर क॑ सर्वकल्याणी छठ पूजा समिति द्वारा प्रांतीय काव्योत्सव केरऽ आयोजन करलऽ गेलै । जेकरा म॑ उपस्थित कवियऽ सब न॑ शहीद निलेश नयन के प्रति काव्यात्मक श्रद्धांजलि के रूप म॑ अंगिका कविता सब के पाठ करलकै । हीरा प्रसाद हरेंद्र विरचित अंगिका महाकाव्य “महर्षि मेंहीं ” के लोकार्पण भी होलै । करहरिया गाँव स्थित उच्च विद्यालय के मैदान म॑ आयोजित कवि सम्मेलन में भगवान प्रलय, हीरा प्रसाद हरेंद्र, रामावतार राही,विजेता मुदगलपुरी, कैलाश झा किंकर, साथी सुरेश सूर्य, राहुल शिवाय, प्रसून ठाकुर, राजकिशोर केशरी, विकास सिंह गुल्टी,शत्रुघ्न आर्या,विकास, भावानन्द सिंह प्रशांत, मनीष कुमार गूंज,एस.के.प्रोग्रामर, अरविंद कुमार मुन्ना, रामधारी सिंह काव्यतीर्थ, ब्रह्मदेव सिंह लोकेश, सत्रु आर्य आदि न॑ अंगिका कविता पाठ करलकै । कार्यक्रम केरऽ संचालन सुधीर प्रोग्रामर आरू संजीव कुमार सिंह न॑ करलकै । प्रांतीय काव्योत्सव केरऽ उद्घाटन सुलतानगंज केरऽ विधायक सुबोध राय न॑ दीप प्रज्वलित करी क॑ करलकै । विशिष्ट अतिथि केरऽ रूप म॑ डॉ… Read More

फीफा अंडर-१७ वर्ल्डकप – इंग्लैंड बनलै चैंपियन – स्पेन क॑ ५-२ सें हरैलकै

फीफा अंडर-१७ वर्ल्डकप – इंग्लैंड बनलै चैंपियन – स्पेन क॑ ५-२ सें हरैलकै

कोलकता । फीफा अंडर-१७ वर्ल्डकप म॑ स्पेन क॑ ५-२ सें हराय क॑ इंग्लैंड वर्ल्ड-चैंपियन बनी गेलऽ छै । कोलकाता केरऽ साल्टलेक स्टेडुियम में लगभग ६० हजार मौजूद दर्शकऽ के बीच पहलऽ दू गोल स्पेन न॑ करलकै । एकरऽ बाद इंगलैंड न॑ लगातार ५ गोल करलकै । खेल केरऽ पहलऽ हाफ म॑ स्पेन २-१ सें आगू चली रहलऽ छेलै । इंग्लैंड चौथऽ बार ई टूर्नामेंट में खेली रहलऽ छेलै, लेकिन वू पहलऽ बार फाइनल में पहुंचलऽ छेलै । जबकि स्पेन एकरऽ पहल॑ १९९१,२००३ आरू २००७ म॑ उप विजेता रही चुकलऽ छै । इंग्लैंड लेली सेमीफाइनल केरऽ हीरो ब्रेवस्टर संकटमोचक साबित होलै । हुनी ४४वाँ मिनट में सेसेगांव केरऽ क्रास पर गोल दागलकै । ५८वाँ मिनट में इंग्लेंड लेली गिब्स व्हाइट न॑ दोसरऽ गोल दागलकै । गिब्स व्हाइट क॑ गोल केरऽ ठीक सामने सेसेगांव सें पास मिललै जेकरा प॑ हुनी गोल दागै में कोय गलती नै करलकै । फिल फोडेन न॑ ६९वाँ मिनट में इंग्लैंड क॑ ३-२… Read More

प्रो-कबड्डी-२०१७ – गुजरात फॉर्च्यून जायंट्स क॑ ५५-३८ स॑ हराय क॑ पटना पाइरेट्स न॑ तेसरऽ बार करलकै खिताब प॑ कब्जा

प्रो-कबड्डी-२०१७ – गुजरात फॉर्च्यून जायंट्स क॑ ५५-३८ स॑ हराय क॑ पटना पाइरेट्स न॑ तेसरऽ बार करलकै खिताब प॑ कब्जा

मुंबई ।  प्रो-कबड्डी-२०१७ केरऽ खेललऽ गेलऽ  फाइनल म॑ आय गुजरात फॉर्च्यून जायंट्स क॑ ५५-३८ स॑ हराय क॑ पटना पाइरेट्स न॑ तेसरऽ बार  खिताब प॑ कब्जा करी लेलकै । पटना न॑ सीजन-३ आरू सीजन-४ में लगातार दू बार लीग केरऽ खिताब अपनऽ नाम करल॑ छेलै । वू तेसरऽ बार लीग केरऽ फाइनल में पहुंचलऽ रहै । स्टार रेडर प्रदीप नरवाल केरऽ टीम न॑ क्वालीफायर-२ में गुरुवार क॑ खेललऽ गेलऽ मैच में बंगाल वॉरियर्स क॑ मात द॑ क॑ खिताबी मुकाबला में कदम रखल॑ चेलै । जबकि, गुजरात न॑ क्वालीफायर-१ में बंगाल क॑ ही हराय क॑ फाइनल में प्रवेश करल॑ छेलै । गुजरात न॑ टॉस जीती क॑ कोर्ट चुनल॑ छेलै । पटना पाइरेट्स केरऽ डिफेंस काफी मजबूत नजर आबी रहलऽ छेलै । गुजरात फॉर्च्यून जायंट्स केरऽ टीम म॑ शामिल छेलै : रेडर- अमित राठी, महेंद्र गणेश राजपूत, पवन कुमार शेरावक, राकेश नरवाल, सचिन, सुकेश हेगड़े, सुल्तान डांगे । डिफेंडर – अबोजर मोहाजेर मिघानी, सी कालिया अरासान, मनोज कुमार, प्रवेश भाईंसवाल,… Read More

कैटेलोनिया न॑ ख़ुद क॑ आज़ाद देश घोषित करलकै

कैटेलोनिया न॑ ख़ुद क॑ आज़ाद देश घोषित करलकै

बार्सिलोना । कैटेलोनिया न॑ ख़ुद क॑ स्पेन स॑ अलग होय क॑ अपना क॑ एगो आज़ाद घोषित करी लेल॑ छै । बी.बी.सी. आरू अन्य टी.वी. समाचार के अनुसार कैटोलोनिया में संवैधानिक संकट आरू गहराय गेलऽ छै । प्रांतीय संसद न॑ बहुमत सें आज़ादी के पक्ष में वोट करलकै जबकि स्पेन केरऽ सीनेट न॑ कैटेलोनिया केरऽ स्वायत्तता समाप्त करै के पक्ष में फैसला लेलकै । स्पेन केरऽ सीनेट केरऽ ई फैसला सें कैटेलोनिया के स्वायत्ता के संवैधानिक दर्ज़ा समाप्त होय गेलै आरू अब॑ ओकरा प॑ स्पेन केरऽ सीधा शासन होतै । एकरऽ पहल॑ शुक्रवार क॑ ही कैटेलोनिया केरऽ १३५ सीट वाला प्रांतीय सीनेट में आज़ादी के पक्ष म॑ ७० मत पड़लै जबकि एकरऽ विपक्ष में १० मत पड़लै । दू सीनेटर अनुपस्थित रहलै, जबकि विपक्षी सीनेटर सिनी न॑ ई वोटिंग केरऽ बहिष्कार करलकै । एकरऽ मतलब ई होलै कि कैटेलोनिया न॑ स्पेन केरऽ संविधान क॑ ख़ारिज करी देन॑ छै । बार्सिलोना में प्रांतीय सीनेट केरऽ इमारत के बाहर… Read More

दंगा केरऽ विभीषिका के प्रति जागरूकता पैदा करै लेली भागलपुर दंगा केरऽ २९ वाँ बरसी प॑ मनैलऽ गेलै पश्चाताप दिवस

दंगा केरऽ विभीषिका के प्रति जागरूकता पैदा करै लेली भागलपुर दंगा केरऽ २९ वाँ बरसी प॑ मनैलऽ गेलै पश्चाताप दिवस

भागलपुर । भागलपुर दंगा केरऽ २९ बर्ष पूरा होला प॑ भागलपुर केरऽ एगो संस्था, सफाली युवा क्लब द्वारा पश्चाताप दिवस मनैलऽ गेलै । दंगा केरऽ विभीषिका के प्रति युवा पीढ़ी म॑ जागरूकता पैदा करै लेली भागलपुर दंगा केरऽ २९ वाँ बरसी प॑ सफाली युवा क्लब द्वारा मनैलऽ गेलऽ पश्चाताप दिवस म॑ प्रबुद्ध जनऽ सब न॑ सांकेतिक उपवास भी रखलकै । डॉ. फारूक अली न॑ कहलकै कि इतिहास भुलला स॑ एकरऽ दोहराबै के प्रवृत्ति रहै छै । युवा पीढ़ी दंगा केरऽ विभीषिका सें अनभिज्ञ छै । हुनी कहलकै कि मानव धर्म सबसें बड़ऽ धर्म छेकै । ई मौका प॑ डॉ. इकबाल अहमद, शमा परवीन, नंद किशोर राय, अजय यादव, महबूब आलम आदि उपस्थित रहै । संबंधित अंगिका समाचार पढ़ऽ / Read similar Angika News :बिहार अंगिका अकादमी केरऽ उद्देश्य क॑ धरातल प॑ उतारै…प्रधानमंत्री केरऽ जन्म दिवस प॑ अंगिका भाषा क॑ आठमऽ…अंगिका क॑ साजिशमुक्त कराय क॑ एकरऽ विकास के पथ…उमाकांत झा ‘अंशुमाली’ रचित पुस्तक “श्री दुर्गा चरित”…सरकार प॑… Read More

केंद्र सरकार केरऽ बड़ऽ एलान – अगला ५ साल म॑ ७ लाख करोड़ रुपया स॑ बनतै ८३६७७ किमी सड़क

केंद्र सरकार केरऽ बड़ऽ एलान – अगला ५ साल म॑ ७ लाख करोड़ रुपया स॑ बनतै ८३६७७ किमी सड़क

नई दिल्ली । केंद्र सरकार न॑ एलान करल॑ छै कि अगला ५ साल म॑ ७ लाख करोड़ रुपया स॑ ८३६७७ किमी सड़क बनैलऽ जैतै । केंद्र सरकार न॑ महत्वाकांक्षी भारतमाला प्रोजेक्ट के तहत ८३ हजार छऽ सौ सतहत्तर किलोमीटर केरऽ राजमार्ग परियोजना केरऽ निर्माण क॑ मंगलवार क॑ मंजूरी द॑ देलकै । कैबिनेट केरऽ बैठक के बाद प्रेस कॉन्फ्रेस करी क॑ वित्तमंत्री अरुण जेटली न॑ ई महत्वाकांक्षी परियोजना के बारे में जानकारी देलकै । ई योजना के तहत अगला पाँच साल म॑ सात लाख करोड़ रुपया खर्च करी क॑ ८३००० किलोमीटर स॑ अधिक राजमार्ग के विकास करलऽ जैतै । सरकार न॑ ई परियोजना क॑ २०२२   तक पूरा करै के लक्ष्य रखलै छै । केंद्र सरकार केरऽ अधिकारी के अनुसार जोन राजमार्ग परियोजना सब क॑ मंजूरी देलऽ गेलऽ छै,ओकरा म॑ आर्थिक गलियारा विकास शामिल छै । एकरऽ मकसद माल ढुलाय म॑ तेजी लाना होतै । एकरऽ साथ ही प्रमुख शहरऽ के बीच तय करलऽ जाबै वाला समय… Read More

पटना संग्रहालय केरऽ होतै विस्तार, करलऽ जैतै राहुल सांकृत्यायन केरऽ पाण्डुलिपि सब केरऽ डिसप्ले

पटना संग्रहालय केरऽ होतै विस्तार, करलऽ जैतै राहुल सांकृत्यायन केरऽ पाण्डुलिपि सब केरऽ डिसप्ले

पटना । मुख्यमंत्री नितीश कुमार न॑ कहल॑ छै कि पटना संग्रहालय म॑ तिब्बत स॑ लानलऽ राहुल सांकृत्यायन केरऽ पाण्डुलिपि सब के डिसप्ले होतै । पटना संग्रहालय म॑ पहलै सें राहुल सांकृत्यायन संग्रह दीर्घा छै, लेकिन जगह के कमी के चलतें हुनकऽ पाण्डुलिपि सब क॑ स्थाई रूप स॑ डिसप्ले नै करलऽ गेलऽ छै । हुनी कहलकै कि पटना संग्रहालय केरऽ विस्तार करलऽ  जैतै । मुख्यमंत्री न॑ कहल॑ छै कि सारनाथ में एक यूनिवर्सिटी छै, उनकऽ साथ चर्चा करलऽ गेलऽ छै कि जे तिब्बत सें लानलऽ राहुल सांकृत्यायन के पाण्डुलिपि सब छै, ओकरऽ डिजिटलाइजेशन करलऽ जाब॑ सकै छै । हुनी कहल॑ छै कि पाण्डुलिपियऽ सब के हिन्दी आरू अंग्रेजी दू भाषा में अनुवाद कराना चाहियऽ ताकि लोगें जान॑ सक॑ कि ई की छेकै । मुख्यमंत्री न॑ कहलकै कि राहुल सांकृत्यायन जी केरऽ पाण्डुलिपियऽ के डिसप्ले करलऽ जैतै । जेकरा लेली पटना संग्रहालय म॑ अब॑ जग्घऽ मिली गेलऽ छै । बिहार केरऽ मुख्यमंत्री नीतीश कुमार न॑ आय पटना संग्रहालय केरऽ… Read More

गंगा  नहाय क॑ घर लौटी रहलऽ ४ महिला केरऽ ट्रेन के चपेट में ऐला सें मौत

गंगा नहाय क॑ घर लौटी रहलऽ ४ महिला केरऽ ट्रेन के चपेट में ऐला सें मौत

धरहरा: गंगा नहाय क॑ घर लौटी रहलऽ ४ महिला केरऽ ट्रेन के चपेट में ऐला सें मौत होय गेलऽ छै । मुंगेर जिला केरऽ धरहरा थाना क्षेत्र केरऽ अदलपुर हाल्ट के पास आय भोरे भागलपुर—दानापुर इंटरसिटी एक्सप्रेस ट्रेन के चपेट में आबी क॑ चार महिला के मौत होय गेलै । एक अन्य महिला घायल बतैलऽ जाय रहलऽ छै । पुलिस अधीक्षक केरऽ अनुसार मरै वाला महिला सब के तत्काल पहचान नै हुअ॑ सकलऽ छै । घायल महिला क॑ इलाज लेली मुंगेर सदर अस्पाताल भेजलऽ गेलऽ छै । बतलैलऽ गेलऽ छै कि ई हादसा सें आक्रोशित स्थानीय लोगऽ न॑ उक्त ट्रेन कट रोकी रखन॑ छै । पुलिस घटनास्थल पर पहुंची गेलऽ छै । ग्रामीणऽ सिनी क॑ समझाय-बुझाय क॑ शवऽ क॑ पटरी स॑ हटाय क॑ ट्रेन क॑ गंतव्य लेली रवाना करै के प्रयास जारी छै । ई हादसा वू समय होलै जब॑ ई महिला सब गंगा स्नान करी क॑ अपनऽ घऽर लौटी रहलऽ छेलै । आशंका छै… Read More

छठ लेली बिहार के मुख्यमंत्री न॑ दोसरऽ बार करलकै गंगा घाट केरऽ निरीक्षण

छठ लेली बिहार के मुख्यमंत्री न॑ दोसरऽ बार करलकै गंगा घाट केरऽ निरीक्षण

पटना । छठ लेली बिहार केरऽ मुख्यमंत्री नीतिश कुमार न॑ दोसरऽ बार कल  गंगा घाट केरऽ निरीक्षण करलकै । हुनी स्टीमर स॑ दानापुर केरऽ नासरीगंज स॑ पटना सिटी केरऽ कंगन घाट तक के गंगा घाट केरऽ निरीक्षण करलकै ।   घाट केरऽ सफाई, सुरक्षा आरू स्वच्छता संबंधी हिदायत भी संबंधित अधिकारियऽ सब क॑ देलकै । छठ लेली मुख्यमंत्री न॑ दोसरऽ बार कल तीन घंटा सलक गंगा घाट केरऽ सूक्षम निरीक्षण करलकै । हुनी पाटीपुल आरू एल.सी.टी. घाट क॑ आरो अधिक इंप्रूवमेंट प॑ जोर देलकै । मुख्यमंत्री केरऽ निरीक्षण म॑ हुनका साथ संबंधित मंत्री व अधिकारी मौजूद रहै ।     संबंधित अंगिका समाचार पढ़ऽ / Read similar Angika News :अंगिका क॑ साजिशमुक्त कराय क॑ एकरऽ विकास के पथ…फणीश्वरनाथ रेणु केरऽ कहानी ‘पंचलाइट’ प॑ आधारित फिल्म…बिहार सरकार न॑ अंगिका केरऽ विकास लेली कोय फंड नै…सरकारी उपेक्षा केरऽ शिकार बिहार अंगिका अकादमी केरऽ…अंगिका भाषा क॑ संविधान के आठमऽ अनुसूची म॑ शामिल…जाह्न्वी अंगिका संस्कृति संस्थान न॑ बिहार अंगिका…सरकार प॑ धरोहर केरऽ… Read More

error: Content is protected !!