Post Tagged with: "अंगिका भाषा"

फुटबॉल - फीफा - U-17 कप

फुटबॉल केरऽ फीफा अंडर-१७ वर्ल्ड कप टूर्नामेंट आज स॑ शुरू

नवी मुंबई । फुटबॉल केरऽ फीफा अंडर-१७ वर्ल्ड कप टूर्नामेंट आज स॑ शुरू होय रहलऽ छै । भारत लेली आजकऽ दिन बहुत बड़ऽ छै । पहलऽ बार भारत म॑ कोनो फीफा टूर्नामेंट के आयोजन होय रहलऽ छै । ई टूर्नामेंट म॑ दुनिया केरऽ २४ टीम भाग ल॑ रहलऽ छै। नई दिल्ली म॑ भारत- अमेरिका के बीच होय वाला मैच क॑ देखै लेली प्रधानमंत्री नरेंद्र मोदी भी मौजूद रहतै । २४ टीम क॑ ६ ग्रुप म॑ बाँटलऽ गेलऽ छै । ग्रुप A – भारत, अमेरिका, कोलंबिया, घाना ग्रुप B – पराग्वे, माली, न्यूजीलैंड, तुर्की ग्रुप C – ईरान, गिनी, जर्मनी, कोस्टा रिका ग्रुप D – नॉर्थ कोरिया, नाइजर, ब्राजील, स्पेन ग्रुप E – होंडुरास, जापान, न्यू कैलिडोनिया, फ्रांस ग्रुप F – इराक, मेक्सिको, चिली, इंग्लैंड भारत केरऽ फुटबॉल टीम म॑ २१ सदस्य शामिल छै । भारतीय फुटबॉल म॑ शामिल छै- अमरजीत सिंह कियाम (कप्तान), धीरज सिंह, बोरिस सिंह थांगजाम, सुरेश सिंह वांगजाम, कुमनथेम मीतेई, जैकसन सिंह,… Read More

अंगिका भाषा क॑ आठमऽ अनुसूची म॑ शामिल कराबै के माँग क॑ ल॑ क॑ अंगिका समाज केरऽ कल स॑ धरना

अंगिका भाषा क॑ आठमऽ अनुसूची म॑ शामिल कराबै के माँग क॑ ल॑ क॑ अंगिका समाज केरऽ कल स॑ धरना

पूर्णिया। अंगिका भाषा क॑ आठमऽ अनुसूची म॑ शामिल कराबै के माँग क॑ ल॑ क॑ अंगिका समाज कल ६ अक्तूबर स॑ धरना देतै । अंगिका समाज अपनऽ तेरह सूत्री मांग केरऽ समर्थन म॑ मुख्यालय म॑ धरना देतै । ई कार्यक्रम सब क॑ सफल बनाबै लेली कार्यकर्ता बासुकी गुप्ता केरऽ आवास प॑ बुधवार क॑ कार्यकर्ता सिनी के बैठक होलै । बैठक केरऽ अध्यक्षता अंगिका समाज केरऽ प्रखंड सचिव विलासचंद्र बागे न॑ करलकै । जबकि मंच संचालन विनय कुमार भारती न॑ करलकै । विलासचंद्र बागे न॑ कहलकै कि जब॑ तलक अंगिका भाषा क॑ संविधान केरऽ आठमऽ अनुसूची म॑ शामिल नै करलऽ जैतै, तब॑ तलक एकरऽ समुचित विकास संभव नै छै । श्री बागे न॑ कहलकै कि पहलऽ कक्षा स॑ ही अंगिका भाषा के पढ़ाय शुरू करै के जरूरत छै । हुनी कहलकै कि अंग प्रदेश खेती लेली मशहूर छै, जेकरा उद्योग के दर्जा देना जरूरी छै । इसके अलावा खेती आधारित उद्योग लगाना भी जरूरी छै। हुनी सब्भे… Read More

बाँका केरऽ शोभानपुर, घनाय में अंगिका कवि गोष्ठी

बाँका केरऽ शोभानपुर, घनाय में अंगिका कवि गोष्ठी

बाँका । बाँका जिला अंतर्गत अमरपुर-शोभानपुर केरऽ घनाय म॑ मंगलवार क॑ एगो अंगिका भाषा कवि गोष्ठी केरऽ आयोजन करलऽ गेलै । संस्था दिशा ग्रामीण विकास मंच केरऽ सत्रहवाँ स्थापना दिवस प॑ आयोजित ई कार्यक्रम म॑ दिल्ली स॑ ऐलऽ कवि के अलावा अंगिका केरऽ गणमान्य कवि सिनी न॑ अंगिका भाषा के कविता पाठ करलकै । हर साल के तरह ई साल भी गांधी-उत्सव केरऽ दोसरऽ दिन कवि सम्मेलन के आयोजन होलै । ई कार्यक्रम म॑ दिल्ली के सौरभ वाजपेयी, निलय उपाध्याय, बनारस के तनूजा मिश्रा केरऽ उपस्थिति म॑ कविवर हीरा प्रसाद हरेन्द्र, विजेता मुदगलपुरी, विकास सिंह गुल्टी, विशेस्वर शर्मा,विजय सिंह आदि न॑ अंगिका कविता आरू गीतऽ स॑ दर्शकऽ के दिल जीती लेलकै । दिल्ली विश्वविद्यालय केरऽ प्रोफेसर सौरव बाजपेयी कार्यक्रम केरऽ मुख्य अतिथि छेलै । अंगिका भाषा कवि गोष्ठी केरऽ संचालन अंगिका भाषा के कवि सुधीर प्रोग्रामर न॑ करलकै । संबंधित अंगिका समाचार पढ़ऽ / Read similar Angika News :अंगिका क॑ साजिशमुक्त कराय क॑ एकरऽ विकास… Read More

विश्वस्तरीय बिहार संग्रहालय केरऽ उदघाटन करत॑ बिहार केरऽ मुख्यमंत्री नीतिश कुमार

विश्वस्तरीय बिहार संग्रहालय केरऽ कला दीर्घा सब के लोकार्पण करलऽ गेलै

पटना : बिहार संग्रहालय हलाँकि अभी पूरा बनी क॑ तैयार नै होलऽ छै, कुछ काम बचलऽ छै पूरा होय ल॑, लेकिन एकरऽ कला दीर्घा सब के उद्घाटन दू अक्तूबर क॑ मुख्यमंत्री नीतीश कुमार के हाथों होलै । मुख्यमंत्री नीतीश कुमार न॑ कहलकै  कि बहुत तरह के विरोध के बावजूद पूरा भव्यता के साथ बिहार संग्रहालय बनी क॑ तैयार होय गेलै । ई ल॑ क॑ पटना हाईकोर्ट म॑ कईएक जनहित याचिकाएं (पीआईएल) दायर करलऽ गेलऽ रहै । कोर्ट म॑ ई कहलऽ गेलै कि एकरा प॑ फिजूल पैसा खर्च होय रहलऽ छै ।कोर्ट न॑ एकरा ल॑ क॑ कईएक दिशा-निर्देश देल॑ छेलै । मुख्यमंत्री नीतीश कुमार न॑ कहलकै  कि ई इतना सुंदर बनलऽ छै कि एकरा देखै वाला एकरऽ विरोध करना भूली जैतै । कुछ अधुरा काम पूरा होथैं कोर्ट केरऽ दिशा-निर्देश क॑ कहीं टगबैबै, जेकरा देखी क॑ लोग जान॑ सकत॑ कि एकरा बनवाबै म॑ केतना परेशानी झेल॑ ल॑  पड़लै । मुख्यमंत्री  न॑ कहलकै  कि साल २०१३ म॑ जब॑ एकरऽ निर्माण शुरू… Read More

बाल विवाह आरू दहेज प्रथा के खिलाफ एकजुट होय क॑ मेटाबै के नीतिश कुमार के आहवान

बाल विवाह आरू दहेज प्रथा के खिलाफ एकजुट होय क॑ मेटाबै के नीतिश कुमार के आहवान

पटना । आय बिहार केरऽ मुख्य मंत्री केरऽ हाथ स॑ बाल-विवाह आरू दहेज प्रथा के खिलाफ सशक्त राज्यव्यापी महाअभियान के आगाज होलै । गाँधी जयंती प॑ ई अभियान क॑ शुभारंभ मुख्यमंत्री नीतीश कुमार पटना स्थित सम्राट अशोक कन्वेंशन सेंटर केरऽ बापू सभागार म॑ करलकै । बिहार केरऽ मुख्यमंत्री नीतीश कुमार न॑ आय गांधी जयंती केरऽ अवसर प॑ कहलकै कि जेना बिहार न॑ शराबबंदी लेली शपथ ल॑ करी क॑ एकरा सफल बनैलकै, वेन्हैं बाल विवाह आरू दहेज प्रथा के खिलाफ भी एकजुट होय क॑ ई सब कुरीति क॑ समाज स॑ मेटाना छै । हुनी कहलकै कि अब॑ बिहार म॑ नै त॑ कोय बेटी जलतै आरू नै ही बाल विवाह होतै । मुख्यमंत्री नीतीश कुमार न॑ कहलकै कि २१ जनवरी क॑ बाल विवाह, दहेज प्रथा आरू शराब सेवन के खिलाफ मानव श्रृंखला बनैलऽ जैतै । ई मौका प॑ मुख्यमंत्री बाल-विवाह आरू दहेज उन्मूलन लेली जागरूकता रथ आरू कला जत्था क॑ झंडी दिखैलकै । ई दूनू जत्था पूरा… Read More

राष्ट्रपति रामनाथ कोविंद शिरडी इंटरनेशनल एयरपोर्ट केरऽ उद्घाटन करत॑ हुअ॑

शिरडी केरऽ इंटरनेशनल एयरपोर्ट के राष्ट्रपति न॑ करलकै उद्घाटन

शिरडी : देश-विदेश स॑ साई बाबा केरऽ दर्शन लेली पहुँचै वाला भक्तऽ सब के सुविधा लेली शिर्डी मं॑ हाल म॑ तैयार करलऽ गेलऽ एयरपोर्ट क॑ आम आदमी केरऽ आवागमन के वास्त॑ आय खोली देलऽ गेलै । राष्ट्रपति रामनाथ कोविंद न॑ आय एतवार क॑ शिरडी म॑ इंटरनेशनल एयरपोर्ट केरऽ उद्घाटन करलकै । राष्ट्रपति न॑ शिरडी स॑ मुंबई लेली पहलऽ फ्लाइट क॑ भी हरा झंडा देखैलकै । शिरडी म॑ राष्ट्रपति जौरें महाराष्ट्र केरऽ राज्यपाल सी. विद्यासागर राव आरू मुख्यमंत्री देवेंद्र फड़नवीस भी मौजूद छेलै ।   संबंधित अंगिका समाचार पढ़ऽ / Read similar Angika News :अलग-अलग नजरिया स॑ आतंकवाद क॑ देखना बंद करलऽ जाय :…अंगिका क॑ साजिशमुक्त कराय क॑ एकरऽ विकास के पथ…अंगिका भाषा क॑ संविधान के आठमऽ अनुसूची म॑ शामिल…अंगिका सहित २३ भाषा म॑ पायल कश्यप केरऽ निर्देशन म॑…अंगिका भाषा आंदोलन केरऽ पुरोधा आरू अंगिका साहित्य…प्रधानमंत्री न॑ नवी मुंबई एयरपोर्ट केरऽ रखलकै…सरकारी उपेक्षा केरऽ शिकार बिहार अंगिका अकादमी केरऽ…फऽल एक फैदा अनेक : इमलीस्थापना केरऽ साल… Read More

झारखंड केरऽ अनामिका मजूमदार बनलै ‘कौन बनेगा करोड़पति’ सीजन-९ केरऽ पहलऽ करोड़पति !

झारखंड केरऽ अनामिका मजूमदार बनलै ‘कौन बनेगा करोड़पति’ सीजन-९ केरऽ पहलऽ करोड़पति !

मुंबई :टी.वी. प॑ प्रसारित होय रहलऽ कुछ खबरऽ के अनुसार अमिताभ बच्चन केरऽ शो ‘कौन बनेगा करोड़पति’ सीजन ९ केरऽ पहलऽ करोड़पति झारखंड स॑ होतै । मीडिया रिपोर्ट सब म॑ दावा करलऽ जाय रहलऽ छै कि जमेशेदपुर केरऽ रहै वाली अनामिका मजूमदार ई सीजन केरऽ पहलऽ करोड़पति बनलऽ छै । मीडिया रिपोर्ट के मुताबिक अनामिका केरऽ करोड़पति बनै वाला एपिसोड के शूटिंग पूरा होय चुकलऽ छै । रिपोर्ट म॑ आगू बतैलऽ गेलऽ छै कि अनामिका ७ करोड़ रुपया के सवाल तलक पहुंची गेलऽ छेलै, लेकिन हुनी रिस्क नै लेत॑ हुअ॑ १ करोड़ रुपया जीती क॑ अपनऽ खेल खत्म करना ठीक समझलकै । अनामिका स॑ पहल॑ ई सीजन म॑ अब तलक कोय भी कंटेस्टेंट १ करोड़ रुपया नै जीत॑ सकल॑ छै । एकरऽ पहल॑ बीरेश चौधरी नाम केरऽ शख्स १ करोड़ रुपया के सवाल तलक पहुंचै म॑ कामयाब होलऽ रहै, लेकिन वू सवाल केरऽ जवाब नै जानला के कारण हुनी ५० लाख रुपया जीती क॑ खेल… Read More

मच्‍छर भगाबै वाला टीवी के बाद अब॑ मच्‍छर भगाबै वाला स्‍मार्टफोन लॉंच करलकै एलजी न॑

मच्‍छर भगाबै वाला टीवी के बाद अब॑ मच्‍छर भगाबै वाला स्‍मार्टफोन लॉंच करलकै एलजी न॑

नई दिल्ली : एलजी न॑ एगो ऐन्हऽ फोन लॉन्‍च करल॑ छै जे आपन॑ के खाली बातचीत करै के सुविधा ही नै देतै बल्कि आपन॑ क॑ मच्‍छर स॑ होय वाला परेशानी आऱू एकरा चलतें होय वाला बीमारियऽ स॑ भी दूर रखतै । साउथ कोरिया केरऽ दिग्‍गज कंपनी एलजी न॑ भारत म॑ एगो ऐसनऽ फोन लॉन्‍च करल॑ छै,जे मॉस्‍किटो अवे टेक्‍नोलॉजी के साथ आबै छै । एकरऽ नाम ‘एलजी के7आई मॉस्‍किटो अवे’ छेकै । ई फोन मच्‍छर भगाबै के काम भी करै छै । फोन केरऽ पिछला हिस्‍सा म॑ एगो स्‍पीकर देलऽ गेलऽ छै, जे कि अल्‍ट्रासॉनिक फ्रिक्‍वेंसी पैदा करै छै , जेकरा चलत॑ मच्छर दूर भागतै । भारत म॑ एकरऽ दाम ७९९० रू. छै । एकरऽ पहल॑ पिछला साल जून म॑ एलजी न॑ मच्‍छर क॑ दूर भगाबै वाला नया टीवी सीरीज क॑ लॉन्‍च करन॑ छेलै, जेकरऽ नाम ‘मॉस्किटो अवे टीवी’ छेलै । भारत म॑ ई टीवी के कीमत २६९०० रुपया स॑ ल॑ करी क॑ ४७५०० रुपया… Read More

सिमरिया मेला लेली पहुँच॑ लगलै संत-महात्मा सिनी के हुजूम

सिमरिया मेला लेली पहुँच॑ लगलै संत-महात्मा सिनी के हुजूम

सिमरिया । बरौनी के लगीच सिमरिया म॑ छो अक्तूबर स॑ शुरू होय वाला राजकीय कल्पवास मेला क॑ ल॑ क॑ सिमरिया घाट म॑ विभिन्न खालसा के संत-महात्मा सब के पहुंचना शुरू होय गेलऽ छै । मां गंगा सेवा समिति के अनुसार अखनी तलक नित्यानंद सेवा खालसा के लाडली दास, उड़ीसा खालसा के गजाधर दास, राम निहोरा सेवा शिविर के बौआ हनुमान, नवादा आश्रम के सूर्यकांत दास सिमरिया घाट पहुंची चुकलऽ छै । ओकरा सब क॑ जिला प्रशासन तरफऽ स॑ जग्घऽ आवंटित करी देलऽ गेलऽ छै । आवंटित जग्घऽ प॑ खालसा द्वारा अपनऽ सुविधानुसार पंडाल आरू छोटऽ-छोटऽ कुटिया के निर्माण कार्य शुरू करी देलऽ गेलऽ छै । एकरऽ अलावे कल्पवास क्षेत्र म॑ पीएचइडी विभाग द्वारा चापाकल लगाबै के काम चालू छै । वहीं क्षतिग्रस्त स्थाई शौचालय केरऽ मरम्मत आरू अस्थायी शौचालय केरऽ सीट केरऽ निर्माण के प्रगति प॑ छै । संबंधित अंगिका समाचार पढ़ऽ / Read similar Angika News :अंगिका भाषी सांसद अश्विनी कुमार चौबे केंद्रीय राज्य…बिहार… Read More

सीबीआइ केरऽ टीम न॑ सृजन घोटाला के आरोपी सिनी क॑ रिमांड प॑ लै लेली आवेदन देलकै

सीबीआइ केरऽ टीम न॑ सृजन घोटाला के आरोपी सिनी क॑ रिमांड प॑ लै लेली आवेदन देलकै

पटना/भागलपुर: सृजन घोटाला म॑ सीबीआइ केरऽ टीम न॑ भागलपुर म॑ बंद आरोपी सिनी क॑ पटना म॑ दर्ज मामला केरऽ सिलसिला म॑ रिमांड प॑ लै लेली आवेदन देल॑ छै । सीबीआइ जांच टीम न॑ सोमवार क॑ विशेष मजिस्ट्रेट गायत्री कुमारी केरऽ अदालत म॑ सृजन घोटाला के आरोप म॑ भागलपुर जेल म॑ बंद आरोपी सिनी क॑ रिमांड प॑ लै लेली अनुमति मांगन॑ छै । कोर्ट न॑ ई मामला म॑ सीबीआइ केरऽ पक्ष जानला के बाद आदेश सुरक्षित रखन॑ छै । सीबीआइ न॑ अपनऽ दलील म॑ कहन॑ छै कि जे-जे आरोपी सिनी क॑ गिरफ्तार करलऽ गेलऽ छै,ओकरा स॑ अलग स॑ पूछताछ जरूरी छै । जेकरा स॑ आरू महत्वपूर्ण तथ्य उजागर हुअ॑ सकै छै । गौरतलब  छै कि सृजन घोटाला म॑ दिल्ली सीबीआइ केरऽ विशेष टीम द्वारा मामला के जाँच करलऽ जाय रहलऽ छै । ई मामला म॑ कुल दस प्राथमिकी दर्ज करलऽ गेलऽ छै । सूत्र के मुताबिक सीबीआइ केरऽ विशेष अदालत ई मामला म॑ मंगलवार क॑ अपनऽ… Read More

error: Content is protected !!