5 days ago
प्रधानमंत्रियें पटना मेट्रो रेल परियोजना समेत, सुलतानगंज, भागलपुर, कटिहार, बेगूसराय,पुर्णिया सब लेली 33,000 करोड़ रुपया के परियोजना के आधारशिला रखलकै आरू उद्घाटन करलकै
7 days ago
हमला के पीछू जे भी ताकत छै, गुनहगार छै, ओकरा ओकरौ करनी के सजा जरूर मिलतै – प्रधानमंत्री
7 days ago
देश लेली हम्में अपनो आरू अपनौ छोटका बेटा के जान भी कुर्बान करै लेली तैयार छियै, शर्त एतने टा छै कि पाकिस्तान केरौ वजूद मिटना चाहिय्यौ – शहीद रतन के बाबू
1 week ago
कश्मीर म सीआरपीएफ के काफिला प फिदायीन हमला – ४२ जवान शहीद, शहीदौ में अंगदेश केरौ रतन कुमार ठाकुर भी
2 weeks ago
सर्वसम्मति स॑ आठ महत्वपूर्ण प्रस्ताव पारित करी क॑ अंगिका के विकास लेली तय करलऽ गेलै आगू के रणनीति

Post Tagged with: "अंगिका भाषा"

नया वाहनऽ सब प॑ फास्ट टैग लगाना अनिवार्य होतै अगला महीना सें

नया वाहनऽ सब प॑ फास्ट टैग लगाना अनिवार्य होतै अगला महीना सें

नई दिल्ली । टॉल प॑ लगै वाला जाम क॑ कम करै ल॑ आरू ट्रैफिक केरऽ कायम रखी क॑ पर्यावरण क॑ नुकसान सें बचाबै वास्तें एक दिसंबर सें नया वाहनऽ सब प॑ फास्ट टैग लगाना अनिवार्य होय जैतै । केंद्र सरकार केरऽ निर्देश प॑ सड़क आरू परिवहन मंत्रालय न॑ ई बारे में अधिसूचना भी जारी करी देल॑ छै । सब वाहन निर्माता आरू डीलर सब लेली अब॑ एक दिसंबर सें ई अनिवार्य होतै कि बेचै सें पहलें ओकरा में फास्ट टैग लगलऽ रह॑ । फास्ट टैग एगो ऐन्हऽ उपकरण छेकै जेकरा म॑ रेडियो फ्रीक्वेंसी आइडेंटिफिकेशन टेक्नोलॉजी केरऽ इस्तेमाल करलऽ जाय छै । फास्ट टैग कोय भी कार या वाहन के विंडस्क्रीन प॑ लगैलऽ जाय छै । फास्ट टैग प्रीपेड या सम्बद्ध बचत खाता सें जुड़लऽ रहै छै । एकरऽ प्रयोग सें कोय भी टॉल प्लाजा प॑ भुगतान लेली रुकलऽ बिना निकलै के अनुमति होय छै । पहलें स॑ खरीदलऽ वाहन सब प॑ लगाबै लेली फास्ट टैग… Read More

पर्यटन केरऽ स्प्रिच्युल सर्किट म॑ शामिल करी क॑ मंदार पर्वत आरू आसपास केरऽ क्षेत्र के विकास करलऽ जैतै

पर्यटन केरऽ स्प्रिच्युल सर्किट म॑ शामिल करी क॑ मंदार पर्वत आरू आसपास केरऽ क्षेत्र के विकास करलऽ जैतै

बौंसी / बाँका । बिहार सरकार राज्य म॑ स्प्रिच्युल सर्किट क॑ बढ़ावा दै लेली पहलऽ चरण म॑ पौराणिक व ऐतिहासिक मंदार पर्वत आरू आसपास केरऽ क्षेत्र के विकास करै के निर्णय लेन॑ छै । एकरऽ विकास प॑ ५३.४९ करोड़ रूपया खर्च करलऽ जैतै । केंद्र सरकार न॑ स्वदेश दर्शन स्कीम केरऽ तहत ई राशि क॑ मंजूर भी करी देन॑ छै । मंदार परबत केरऽ नाम समुद्र मंथन सें जुड़लऽ छै । मंदार परबत के साथ-साथ पापहरणी तालाब, आकाश गंगा, अवंतिकानाथ मंदिर, कामधेनू मंदिर, मधुसूदन मंदिर, चंद्रिका स्थान, भीम बाँद केरऽ भी विकास करलऽ जैतै । एकरऽ अलावा मैदान, सड़क, बैट्री चलित गाड़ी आदि के साथ-साथ नागरिक सुविधा पर भी खर्च करलऽ जैतै । अंग क्षेत्र केरऽ पर्यटन स्थल केरऽ विकास दन्न॑ सरकार क॑ जादा सें जादा ध्यान देना चाहियऽ । अंग क्षेत्र में पर्यटन केरऽ अपार संभावना छै । ई आश्चर्य पैदा करै छै कि बिहार आरू झारखंड केरऽ पर्यटन विभाग न॑ अंग क्षेत्र क॑… Read More

पालोजोरी में सिखैलऽ गेलै उन्नत खेती आरू जैविक खेती के गुर

पालोजोरी में सिखैलऽ गेलै उन्नत खेती आरू जैविक खेती के गुर

पालोजोरी,गोड्डा : अन्तरराष्ट्रीय स्वयंसेवी संस्था वीएसओ केरऽ वॉलेंटियर आरू नीड्स केरऽ प्रतिनिधि सिनी न॑ पालोजोरी प्रखंड सह अंचल कार्यालय के पास एगो कार्यक्रम के माध्यम सें क्षेत्र केरऽ लोगऽ क॑ जैविक खेती लेली प्रेरित करलकै । ई दौरान वीएसओ यूके आरू इंडिया केरऽ प्रतिनिधि सब न॑ नाटक के माध्यम सें रासायनिक खेती सें होय वाला नुकसान के साथ-साथ जैविक खेती सें होय वाला फायदा सब क॑ बतैलकै । नाटक के माध्यम सें ई भी बतैलऽ गेलै कि जैविक खेती केना आबै वाला दिन में लोगऽ लेली जरूरी होतै । ई भी बतैलऽ गेलै कि आबै वाला दिनऽ में लोगऽ क॑ जैविक खेती दन्न॑ लौटै ल॑ परतै । बतैलऽ गेलै कि जैविक खेती के माध्यम सें किसान कम मेहतन व लागत में ही बेहतर मुनाफा कमाब॑ सकै छै । ई भी कहलऽ गेलै कि जैविक खेती में प्राकृतिक संसाधनऽ के उपयोग करी क॑ खेती करलऽ जाय छै । वहीं कार्यक्रम केरऽ उद्घाटन करतें अंचलाधिकारी पंकज कुमार… Read More

सारेगामा लिट्ल चैंप्स -१७-अंजलि गायकवाड़ आरू श्रेयण भट्टाचार्य  न॑ संयुक्त रूप सें जितलकै ट्रॉफी

सारेगामा लिट्ल चैंप्स -१७-अंजलि गायकवाड़ आरू श्रेयण भट्टाचार्य न॑ संयुक्त रूप सें जितलकै ट्रॉफी

जयपुर । सारेगामा लिट्ल चैंप्स विजेता -१७- श्रेयण भट्टाचार्य आरू अंजलि गायकवाड़ न॑ मिली क॑ ट्रॉफी जीती लेन॑ छै । पश्चिम बंगाल केरऽ श्रेयण भट्टाचार्य आरू महाराष्‍ट्र केरऽ अंजलि गायकवाड़ न॑ मिली क॑ ट्रॉफी सँभालकै । ऐसनऽ पहलऽ बार होलऽ छै जब॑ कोनो रिएलिटी शो में दू लोगऽ क॑ विजेता घोषित करलऽ गेलऽ छै । सा रे गा मा पा लि’ल चैंप्‍स क॑ नेहा कक्‍कड़, हिमेश रेशमिया आरू जावेद अली केरऽ अलावा ३० सदस्‍यीय ज्‍यूरी जज करै छै । एकरा आदित्‍य नारायण होस्‍ट करै छै । संबंधित अंगिका समाचार पढ़ऽ / Read similar Angika News :संस्कृत, पाली, प्राकृत, हिंदी आरू अंगिका केरऽ…खगड़िया म॑ भ्रष्टाचार-बुहारन अंगिका कवि सम्मेलन…अलग-अलग नजरिया स॑ आतंकवाद क॑ देखना बंद करलऽ जाय :…अंग देश केरऽ बेटी श्रेयसी सिंह न॑ राष्ट्रमंडल खेल म॑…फऽल एक फैदा अनेक : इमलीअंगिका काव्य और कविअंग क्षेत्र के स्टेशनों में अंगिका में सूचना देने की…सुखरात मॆं आतिशबाजी सॆं निजातसर्वसम्मति स॑ आठ महत्वपूर्ण प्रस्ताव पारित करी क॑…राजगीर महोत्सव केरऽ… Read More

प्रांतीय काव्योत्सव म॑ अंगिका कवि सब न॑ अर्पित करलकै शहीद निलेश नयन के प्रति काव्यात्मक श्रद्धांजलि

प्रांतीय काव्योत्सव म॑ अंगिका कवि सब न॑ अर्पित करलकै शहीद निलेश नयन के प्रति काव्यात्मक श्रद्धांजलि

करहरिया । भागलपुर जिला केरऽ सुलतानगंज लगाँकरऽ बाथ थानांतर्गत करहरिया गाँव म॑ शनिचर क॑ सर्वकल्याणी छठ पूजा समिति द्वारा प्रांतीय काव्योत्सव केरऽ आयोजन करलऽ गेलै । जेकरा म॑ उपस्थित कवियऽ सब न॑ शहीद निलेश नयन के प्रति काव्यात्मक श्रद्धांजलि के रूप म॑ अंगिका कविता सब के पाठ करलकै । हीरा प्रसाद हरेंद्र विरचित अंगिका महाकाव्य “महर्षि मेंहीं ” के लोकार्पण भी होलै । करहरिया गाँव स्थित उच्च विद्यालय के मैदान म॑ आयोजित कवि सम्मेलन में भगवान प्रलय, हीरा प्रसाद हरेंद्र, रामावतार राही,विजेता मुदगलपुरी, कैलाश झा किंकर, साथी सुरेश सूर्य, राहुल शिवाय, प्रसून ठाकुर, राजकिशोर केशरी, विकास सिंह गुल्टी,शत्रुघ्न आर्या,विकास, भावानन्द सिंह प्रशांत, मनीष कुमार गूंज,एस.के.प्रोग्रामर, अरविंद कुमार मुन्ना, रामधारी सिंह काव्यतीर्थ, ब्रह्मदेव सिंह लोकेश, सत्रु आर्य आदि न॑ अंगिका कविता पाठ करलकै । कार्यक्रम केरऽ संचालन सुधीर प्रोग्रामर आरू संजीव कुमार सिंह न॑ करलकै । प्रांतीय काव्योत्सव केरऽ उद्घाटन सुलतानगंज केरऽ विधायक सुबोध राय न॑ दीप प्रज्वलित करी क॑ करलकै । विशिष्ट अतिथि केरऽ रूप म॑ डॉ… Read More

फीफा अंडर-१७ वर्ल्डकप – इंग्लैंड बनलै चैंपियन – स्पेन क॑ ५-२ सें हरैलकै

फीफा अंडर-१७ वर्ल्डकप – इंग्लैंड बनलै चैंपियन – स्पेन क॑ ५-२ सें हरैलकै

कोलकता । फीफा अंडर-१७ वर्ल्डकप म॑ स्पेन क॑ ५-२ सें हराय क॑ इंग्लैंड वर्ल्ड-चैंपियन बनी गेलऽ छै । कोलकाता केरऽ साल्टलेक स्टेडुियम में लगभग ६० हजार मौजूद दर्शकऽ के बीच पहलऽ दू गोल स्पेन न॑ करलकै । एकरऽ बाद इंगलैंड न॑ लगातार ५ गोल करलकै । खेल केरऽ पहलऽ हाफ म॑ स्पेन २-१ सें आगू चली रहलऽ छेलै । इंग्लैंड चौथऽ बार ई टूर्नामेंट में खेली रहलऽ छेलै, लेकिन वू पहलऽ बार फाइनल में पहुंचलऽ छेलै । जबकि स्पेन एकरऽ पहल॑ १९९१,२००३ आरू २००७ म॑ उप विजेता रही चुकलऽ छै । इंग्लैंड लेली सेमीफाइनल केरऽ हीरो ब्रेवस्टर संकटमोचक साबित होलै । हुनी ४४वाँ मिनट में सेसेगांव केरऽ क्रास पर गोल दागलकै । ५८वाँ मिनट में इंग्लेंड लेली गिब्स व्हाइट न॑ दोसरऽ गोल दागलकै । गिब्स व्हाइट क॑ गोल केरऽ ठीक सामने सेसेगांव सें पास मिललै जेकरा प॑ हुनी गोल दागै में कोय गलती नै करलकै । फिल फोडेन न॑ ६९वाँ मिनट में इंग्लैंड क॑ ३-२… Read More

प्रो-कबड्डी-२०१७ – गुजरात फॉर्च्यून जायंट्स क॑ ५५-३८ स॑ हराय क॑ पटना पाइरेट्स न॑ तेसरऽ बार करलकै खिताब प॑ कब्जा

प्रो-कबड्डी-२०१७ – गुजरात फॉर्च्यून जायंट्स क॑ ५५-३८ स॑ हराय क॑ पटना पाइरेट्स न॑ तेसरऽ बार करलकै खिताब प॑ कब्जा

मुंबई ।  प्रो-कबड्डी-२०१७ केरऽ खेललऽ गेलऽ  फाइनल म॑ आय गुजरात फॉर्च्यून जायंट्स क॑ ५५-३८ स॑ हराय क॑ पटना पाइरेट्स न॑ तेसरऽ बार  खिताब प॑ कब्जा करी लेलकै । पटना न॑ सीजन-३ आरू सीजन-४ में लगातार दू बार लीग केरऽ खिताब अपनऽ नाम करल॑ छेलै । वू तेसरऽ बार लीग केरऽ फाइनल में पहुंचलऽ रहै । स्टार रेडर प्रदीप नरवाल केरऽ टीम न॑ क्वालीफायर-२ में गुरुवार क॑ खेललऽ गेलऽ मैच में बंगाल वॉरियर्स क॑ मात द॑ क॑ खिताबी मुकाबला में कदम रखल॑ चेलै । जबकि, गुजरात न॑ क्वालीफायर-१ में बंगाल क॑ ही हराय क॑ फाइनल में प्रवेश करल॑ छेलै । गुजरात न॑ टॉस जीती क॑ कोर्ट चुनल॑ छेलै । पटना पाइरेट्स केरऽ डिफेंस काफी मजबूत नजर आबी रहलऽ छेलै । गुजरात फॉर्च्यून जायंट्स केरऽ टीम म॑ शामिल छेलै : रेडर- अमित राठी, महेंद्र गणेश राजपूत, पवन कुमार शेरावक, राकेश नरवाल, सचिन, सुकेश हेगड़े, सुल्तान डांगे । डिफेंडर – अबोजर मोहाजेर मिघानी, सी कालिया अरासान, मनोज कुमार, प्रवेश भाईंसवाल,… Read More

कैटेलोनिया न॑ ख़ुद क॑ आज़ाद देश घोषित करलकै

कैटेलोनिया न॑ ख़ुद क॑ आज़ाद देश घोषित करलकै

बार्सिलोना । कैटेलोनिया न॑ ख़ुद क॑ स्पेन स॑ अलग होय क॑ अपना क॑ एगो आज़ाद घोषित करी लेल॑ छै । बी.बी.सी. आरू अन्य टी.वी. समाचार के अनुसार कैटोलोनिया में संवैधानिक संकट आरू गहराय गेलऽ छै । प्रांतीय संसद न॑ बहुमत सें आज़ादी के पक्ष में वोट करलकै जबकि स्पेन केरऽ सीनेट न॑ कैटेलोनिया केरऽ स्वायत्तता समाप्त करै के पक्ष में फैसला लेलकै । स्पेन केरऽ सीनेट केरऽ ई फैसला सें कैटेलोनिया के स्वायत्ता के संवैधानिक दर्ज़ा समाप्त होय गेलै आरू अब॑ ओकरा प॑ स्पेन केरऽ सीधा शासन होतै । एकरऽ पहल॑ शुक्रवार क॑ ही कैटेलोनिया केरऽ १३५ सीट वाला प्रांतीय सीनेट में आज़ादी के पक्ष म॑ ७० मत पड़लै जबकि एकरऽ विपक्ष में १० मत पड़लै । दू सीनेटर अनुपस्थित रहलै, जबकि विपक्षी सीनेटर सिनी न॑ ई वोटिंग केरऽ बहिष्कार करलकै । एकरऽ मतलब ई होलै कि कैटेलोनिया न॑ स्पेन केरऽ संविधान क॑ ख़ारिज करी देन॑ छै । बार्सिलोना में प्रांतीय सीनेट केरऽ इमारत के बाहर… Read More

उगत॑ हुअ॑ सूरूज क॑ अर्घ्य अर्पित करै के साथ भेलै छठ महापर्व के समापन

उगत॑ हुअ॑ सूरूज क॑ अर्घ्य अर्पित करै के साथ भेलै छठ महापर्व के समापन

पुर्णिया / दुमका /गोड्डा/ भागलपुर/सुलतानगंज/खगड़िया/बेगूसराय/सुपौल/मधेपुरा । लोक आस्था केरऽ महापर्व छठ केरऽ अंतिम दिन व्रती सिनी न॑ उगतें हुअ॑ सूर्य क॑ अर्घ्य अर्पित करलकै । एकरऽ साथ ही छठ महापर्व के समापन होय गेलै । व्रती सूर्योदय सें पहल॑ ही घाटऽ प॑ पहुंची गेलऽ छेलै । दुमका,गोड्डा,भागलपुर,सुलतानगंज,खगड़िया,बेगूसराय,पुर्णिया,सुपौल,मधेपुरा सहित सौंसे अंग प्रदेश में गंगा, कोसी व अन्य नदी, झील आरू तलाबऽ के घाटऽ प॑ भिनसरे स्नान करी क॑ व्रतियऽ सिनी न॑ भास्कर देव क॑ ऋतु फल, कंद मूल आरू विविध प्रकार के पकवानऽ सें अर्घ्य द॑ क॑ परिवार,समाज,राज्य आरू राष्ट्र के सुखशांति के कामना करलकै। कार्तिक मास शुक्ल पक्ष केरऽ चतुर्थी (नहाय-खाय) स॑ शुरू होलऽ छठ महोत्सव सप्तमी शुक्रवार क॑ उगतें भास्कर देव क॑ अर्घ्य दै के साथ ही संपन्न होय गेलै । भोर के बेला में व्रती महिला सिनी अपनऽ परिवारजनऽ के साथ सूप, मुंजेला आरू डलिया में फल-पकवान ल॑ क॑ छठ माय के गीत गैतें नद्दी-तलाब सब के घाट तक पहुंचलै । जहां कमर… Read More

फीफा अंडर-१७  कप  फाइनल म॑ शनिचर क॑ होतै इंग्लैंड आरू स्पेन केरऽ भिंड़ंत

फीफा अंडर-१७ कप फाइनल म॑ शनिचर क॑ होतै इंग्लैंड आरू स्पेन केरऽ भिंड़ंत

नवी मुंबई । फीफा अंडर-१७ कप फाइनल म॑ शनिचर क॑ इंग्लैंड आरू स्पेन के मुकाबला होतै । डी.वाई.पाटिल स्टेडियम, नवी मुंबई म॑ खेललऽ गेलऽ दोसरऽ सेमीफाइनल मैच म॑ स्पेन न॑ माली क॑ ३-१ स॑ हराय क॑ फाउनल म॑ प्रवेश करलकै । रियान ब्रीवस्टर न॑ हैट्रिक लगायक॑ इंगलैंड क॑ पहुँचैलकै फाईनल म॑ रियान ब्रीवस्टर केरऽ एगो आरू मेगा शो के दम प॑ इंग्लैंड न॑ विवेकानंद युवाभारती क्रीड़ांगन, कोलकता म॑ खेललऽ गेलऽ सेमीफाइनल म॑ तीन बार के चैंपियन ब्राजील क॑ ३-१ सें मात दट क॑ पहलऽ बार अंडर-१७ विश्व कप केरऽ फाइनल के टिकट कटाय लेन॑ छै । अब॑ खिताब लेली शनिवार क॑ कोलकता केरऽ यह॑ मैदान प॑ स्पेन केरऽ मुकाबला इंगलैंड  स॑ होतै । इंग्लिश टीम केरऽ एकरऽ पहल॑ सर्वश्रेष्ठ प्रदर्शन २०११ में रहलऽ छेलै जब॑ वू क्वार्टर फाइनल में पहुंचलऽ रहै । अमेरिका के खिलाफ क्वार्टर फाइनल में हैट्रिक बनाबै वाला रियान ब्रीवस्टर न॑ लगातार दोसरऽ मैच में हैट्रिक लगायक॑ टीम क॑ ३२ साल में पहलऽ बार खिताबी… Read More

error: Content is protected !!