गोड्डा : गोड्डा सें दुमका भाया रामगढ़ सड़क क॑ फोरलेन बनाबै लेली सर्वे प्रारंभ होय गेलऽ छै । सर्वे करै लेली सड़क के दोनो ओर कंपनी द्वारा खंभा लगैलऽ जाय रहलऽ छै । एक किलोमीटर के बीच चार-चार खंभा लगैलऽ जाय रहलऽ छै । वहीं कई एक जगह प॑ जीपीएस भी लगैलऽ गेलऽ छै । सड़क क॑ फोर लेन बनाबै लेली रांची केरऽ श्वेता कंपनी द्वारा सर्वे करैलऽ जाय रहलऽ छै । दू महीना में सर्वे पूरा करी क॑ राज्य सरकार क॑ रिपोर्ट सौंपना छै । एकरऽ बाद राज्य सरकार द्वारा निविदा निकाललऽ जैतै । जेकरऽ बाद सड़क केरऽ निर्माण कार्य प्रारंभ होतै ।

गोड्डा कॉलेज सें रामगढ़ होतें गुहियाजोरी तलक ६६ किमी सड़क क॑ राज्य सरकारें  फोर लेन बनाबै के निर्णय लेन॑ छै । गुहियाजोरी के पास ई सड़क क॑ साहिबगंज-गोविंदपुर सड़क सें जोड़ी देलऽ जैतै । फोर लेन बनी गेला स॑ ललमटिया, भागलपुर आरू बिहार केरऽ अन्य जगहऽ सें लोगऽ क॑ धनबाद, साहिबगंज आरू पश्चिम बंगाल केरऽ दोसरऽ जगह तलक जाबै में काफी सुविधा होतै।

(साभार : http://www.jagran.com/jharkhand/dumka-15832573.html#sthash.WS0bMxG1.dpuf)

Comments are closed.