अमेरिकी समाचार एजेंसी सिन्हुआ केरॊ मानलॊ जाय तॆ वर्णाधता (कलर ब्लाइंडनेस) सॆं पीड़ित लोगॊ के दृष्टि भी अबॆ सामान्य लोगॊ के तरह होय के पूरा उम्मीद छै. एजेंसी केरॊ अनुसार अमेरिका केरॊ एगॊ कंपनी नॆ एक ऐन्हॊ चश्मा विकसित करनॆ छै, जे कलर ब्लाइंडनेस केरॊ समस्या कॆ खत्म करी देतै.

समाचार एजेंसी सिन्हुआ केरॊ मुताबिक, सैन फ्रांसिस्को केरॊ उत्तर मॆं स्थित बर्कले केरॊ कंपनी ’एनक्रोमा’ (Enchroma) नॆ दू साल पहिनॆ वर्णाधता कॆ दूर करै के तरीका (चश्मा) ईजाद करनॆ रहै आरू हाल मॆं कंपनी नॆ चश्मा केरॊ अपग्रेड मॉडल बाजार मॆं उतारनॆ छै, जे देखै मॆं खूबसूरत छै.enchroma_specs

एनक्रोमा केरॊ वेबसाइट पर उपलब्ध जानकारी केरॊ मुताबिक एनक्रोमा सी-एक्स लेंस, कलर ब्लाइंडनेस केरॊ 80 %  मामला मॆं प्रभावी छै. अधिक जानकारी एनक्रोमा केरॊ वेबसाइट http://enchroma.com/  पर उपलब्ध छै.

उल्लेखनीय छै कि दुनियाभर मॆं 34 करोड़ सॆं जादा लोग वर्णाधता सॆं पीड़ित छै, जेकरॊ कारण सॆं वू रोजमर्रा केरॊ बहुत तरह के काम जेना ड्राइविंग वगैरह नै करॆ पारै छै. हालाँकि इ गंभीर स्थिति नै छेकै लेकिन वर्णाधता साधारण सॆ काम कॆ भी कखनू-कखनू असंभव बनाय दै छै.

उदाहरणस्वरूप, एन्हॊ  लोग लाल व हरा रंग मॆं अंतर नै करॆ सकै छै जे ड्राइविंग केरॊ दौरान घातक साबित होय सकै छै. वर्णाधता पीड़ित लोगॊ कॆ सामान्य तौर पर पुलिस, दमकलकर्मी या बिजली कर्मचारी केरॊ रूप मॆं काम करै के मंजूरी नै देलॊ जाय छै, कैन्हॆ कि कलर ब्लाइंडनेस सॆं पीड़ित लोग आरू सब रंगॊ कॆ तॆ पहचानी लै छै, लेकिन लाल आरू हरा रंग के पहचान करै मॆं गलती करी दै छै.

Comments are closed.