ढोलबज्जा बाजार मँ आयोजित अंगिका सम्मान समारोह मँ चौहत्तर बुतरू क सम्मानित करलौ गेलै । Seventy-four children were honored at Angika Samman ceremony held at Dholbaja Bazaar | News in Angika

ढोलबज्जा बाजार, ५ अगस्त, २०१९ । ४ अगस्त, २०१९ क अखिल भारतीय अंगिका साहित्य विकास समिति के जिला शाखा नवगछिया तर्फो सँ ढोल बज्जा बाजार भागलपुर केरौ स्मार्ट क्लासेज मँ अंगिका सम्मान समारोह आरू अंगिका भाषा कवि गोष्ठी के आयोजन दिन के ग्यारह बजे सँ करलौ गेलै ।


प्रथम सत्र विशिष्ट अतिथि जिला परिषद सदस्य नंदनी सरकार आरू अखिल भारतीय अंगिका साहित्य विकास समिति जिला शाखा नवगछिया के जिला अध्यक्ष प्रभाष चन्र्द मतवाला के अध्यक्षता मँ आरंभ भेलै जेकरा मँ चौहत्तर बुतरू क अंगिका भाषा मँ अनुवाद करै वास्तें सम्मानित करलौ गेलै।

सम्मानित होय वाला बच्चा-बुतरू सिनी मँ शामिल छै चन्दा कुमारी,प्रीति कुमारी,दीक्षा कुमारी सृष्टि कुमारी प्रियंका कुमारी, डेजी कुमारी, पुष्पा कुमारी, विष्णु राज,सौरव कुमार,राजा कुमार,गोलू कुमार ,दिल खुश कुमार, मनखुश कुमार ,जूही कुमारी आरनि ।

दोसरो चरण मँ कवि गोष्ठी भेलै जेकरौ अध्यक्षता हिन्दी व अंगिका कवि व गीतकार लक्षमी नारायण मधुलक्ष्मी नँ करलकै । कवि सम्मेलन मँ भाग लै वाला कवि छेलै, सर्वश्री प्रभाष चन्द्र मतवाला, बासुदेव महतो, रामानंद गुप्त, त्रिलोकी नाथ दिवाकर, प्रीतम कुमार विश्वकर्मा कवियाठ, विनय कुमार भारती, भोला कुमार बाघवानी, प्रो. अर्जून प्र. मंडल, प्रो. सर्दियों नारायण मंडल, फूल कुमार अकेला आदि।

मंच संचालन फूल कुमार अकेला नँ करलकै ।

समारोह के समापन साँझैं तीन बजे भेलै ।

Comments are closed.

error: Content is protected !!