रियो डि जनेरियो : साक्षी मलिक ने रियो ओलिंपिक मं॑ ५८ किग्रा भार वर्ग फ्रीस्टाइल कुश्‍ती म॑ कांस्‍य पदक हासिल करी क॑ इतिहास रची देल॑ छै ।  हुनी कांस्‍य पदक पाबै लेली प्‍ले ऑफ मुकाबला म॑ जुझारू प्रदर्शन करतें हुअ॑ किर्गिस्‍तान केरऽ पहलवान एसुलू तिनिवेकोवा क॑ हराय क॑ पदक जितलकै । साक्षी के जीत के साथ ही रियो ओलिंपिक मं॑ भारतीय खेमा मं॑ ११ दिना सं॑ जारी मेडल पाबै के इंतजार भी खत्‍म होय गेलऽ छै आरू साथ ही साक्षी ओलिंपिक मं॑ कांस्‍य पदक जीतै वाला पहलऽ भारतीय महिला पहलवान बनी गेलऽ छै ।

sakshi_malik_Bronze_olympic_medal_2016

साक्षी मलिक -ओलिंपिक म॑ कांस्‍य पदक जीतै वाला पहलऽ भारतीय महिला पहलवान

इस जीत के साथ ही साक्षी ओलिंपिक मेडल हासिल करै वाला चौथऽ भारतीय महिला एथलीट होय गेलऽ छै ।  एकरऽ पहलें कर्णम मल्‍लेश्‍वरी, मैरी कॉम आरू साइना नेहवाल न॑ ओलिंपिक मं॑ मेडल हासिल करन॑ छै ।

ई बीच खबर छै कि स्टार महिला बैडमिंटन खिलाड़ी पी.वी.सिंधू भी ओलंपिक मेडल पाबै के काफी करीब पहुँची चुकलऽ छै । सिंधू न॑ महिला सिंगल्स मं॑ लंदन ओलंपिक केरऽ सिल्वर मेडलिस्ट चीनी खिलाड़ी वांग विहान क॑ मात द॑ क॑ सेमीफाइनल मं॑ पहुँची गेलऽ छै । सिंधु केरऽ सामना आय सेमीफाइनल मं॑ दुनिया केरऽ नंबर तीन खिलाड़ी जापान केरऽ निजोमी ओकुहारा सं॑ होतै ।

Comments are closed.