पटना : अंगिका भाषा केरऽ गत ४७ बरस सं॑ प्रकाशित होय रहलऽ मासिक पत्रिका अंग माधुरी केरऽ प्रकाशिका श्रीमती द्रौपदी दिव्यांशु केरऽ निधन कल रात ग्यारह बजे पटना केरऽ सहयोग हॉस्पिटल मं॑ होय गेलै । श्रीमती द्रौपदी दिव्यांशु पिछला कुछ दिना सं॑ बीमार चली रहलऽ छेलै । हुनका गत मंगलवार केरऽ सुबह पटना केरऽ सहयोग अस्पताल मं॑ भरती करैलऽ गेलऽ रहै । बुधवार केरऽ रात सं॑ हुनी वेंटिलेटर प॑ छेलै । अंगिका.कॉम क॑ हुनकऽ निधन केरऽ सूचना हुनकऽ पुत्र श्री विधुशेखर पाण्डेय न॑ देलकै ।

श्रीमती द्रौपदी दिव्यांशु

श्रीमती द्रौपदी दिव्यांशु अंगिका पुरोधा स्व. डा. नरेश पाण्डेय चकोर केरऽ धर्म-पत्नी छेलै । डा. नरेश पाण्डेय चकोर केरऽ निधन गत १४ नवंबर क॑ होलऽ रहै ।

हुनकऽ निधन के समय हुनकऽ पुत्र शशिशेखर, विधुशेखर, इंदुशेखर, पुत्रवधु नूतन, सुषमा, पुत्री सरिता सुहावनी आरू अन्य परिवार जन सहित अंगिका केरऽ साहित्यकार सिनी मौजूद रहै ।

हुनकऽ अंतेयष्ठि आय १० बजे दिन मं॑ पटना केरऽ गंगा घाट पर करलऽ जैतै । हुनकऽ पार्थिव शरीर क॑ गाँधीनगर, बोरिंग रोड, पटना स्थित हुनकऽ आवास पर अंतिम दरसन लेली रखलऽ गेलऽ छै ।

हुनकऽ निधन अंगिका भाषा केरऽ एगो अपूरणीय क्षति छेकै ।

Comments are closed.