भागलपुर : जाह्नवी अंगिका संस्कृति संस्थान के तत्वाधान में भागलपुर जिला के फुलवरिया गामऽ म॑ इ साल के सुरूआत में धूमधाम सें राम विवाह उत्सव मनैलऽ गेलै । इ अवसर पर डॉ. चकोर के लिखलऽ अंगिका भजन गैलऽ गेलै आरू अंगिका कवि सम्मेलन केरऽ आयोजन भी करलऽ गेलै ।

ज्ञातव्य छै कि इ कार्यक्रम में दिवंगत अंगिका पुरोधा डॉ. नरेश पाण्डेय चकोर पिछला चालीस साल सें लगातार भाग ल॑ रहलऽ छेलै । हुनका लेली ई कार्यक्रम में भाग लेना हुनकऽ जीवन केरऽ एगो महत्वपूर्न हिस्सा में सें छेलै । हुनी इ कार्यक्रम में जनकपुर केरऽ डोमिन के रूप धरी क॑ नाचै लगै रहै ।

जाह्नवी अंगिका संस्कृति संस्थान के तत्वाधान में आयोजित इ कार्यक्रम में एगो अंगिका कवि सम्मेलन के भी आयोजन करलऽ गेलै । जेकरा में भाग लै वाला प्रमुख कवि में सामिल रहै – कृष्णानंद पाण्डेय, सियाशरण पाण्डेय, नीरज पाण्डेय आरू नवकुंज पाण्डेय ।

दिवंगत अंगिका पुरोधा डॉ. नरेश पाण्डेय चकोर के पिछला चालीस साल सें लगातार भाग लेत॑ रहै के चलतें इ कार्यक्रम केरऽ ऐतिहासिक महत्व भी छै ।

 

Comments are closed.