2 months ago
उधाडीह गाँव मँ मनैलौ गेलै शौर्य चक्रधारी अंग गौरव शहीद निलेश कुमार नयन केरौ शहादत दिवस | New in Angika
2 months ago
गिनीज बुक ऑफ वर्ल्ड रिकॉर्ड मँ जग्घौ बनाबै लेली आय 122 भाषा के गाना कार्यक्रम मँ अंगिका मँ भी गैतै पुणे केरौ मंजुश्री ओक | News in Angika
2 months ago
अंगिका भाषा क आठमौ अनुसूची मँ दर्ज कराबै लेली दिसम्बर मँ दिल्ली मँ होय वाला आन्‍दोलन क सफल बनाबै के करलौ गेलै आह्वान | News in Angika
3 months ago
अंगिका आरू हिन्दी केरौ वरिष्ठ कवि व गीतकार, कविरत्न महेन्द्र प्र.”निशाकर” “दिनकर सम्मान” सँ सम्मानित  | News in Angika Angika
3 months ago
चाँद पर विक्रम लैंडर के ठेकानौ के लगलै पता, पर अखनी नै हुअय सकलौ छै संपर्क | ISRO found Vikram on surface of moon, yet to communicate | Chandrayaan 2 | News in Angika

पटना । मुख्यमंत्री नितीश कुमार न॑ कहल॑ छै कि पटना संग्रहालय म॑ तिब्बत स॑ लानलऽ राहुल सांकृत्यायन केरऽ पाण्डुलिपि सब के डिसप्ले होतै । पटना संग्रहालय म॑ पहलै सें राहुल सांकृत्यायन संग्रह दीर्घा छै, लेकिन जगह के कमी के चलतें हुनकऽ पाण्डुलिपि सब क॑ स्थाई रूप स॑ डिसप्ले नै करलऽ गेलऽ छै । हुनी कहलकै कि पटना संग्रहालय केरऽ विस्तार करलऽ  जैतै ।

angika-nitish-kumar-cm-patna-museum-1
मुख्यमंत्री नितीश कुमार पटना संग्रहालय केरऽ राहुल सांकृत्यायन संग्रह दीर्घा म॑

मुख्यमंत्री न॑ कहल॑ छै कि सारनाथ में एक यूनिवर्सिटी छै, उनकऽ साथ चर्चा करलऽ गेलऽ छै कि जे तिब्बत सें लानलऽ राहुल सांकृत्यायन के पाण्डुलिपि सब छै, ओकरऽ डिजिटलाइजेशन करलऽ जाब॑ सकै छै । हुनी कहल॑ छै कि पाण्डुलिपियऽ सब के हिन्दी आरू अंग्रेजी दू भाषा में अनुवाद कराना चाहियऽ ताकि लोगें जान॑ सक॑ कि ई की छेकै । मुख्यमंत्री न॑ कहलकै कि राहुल सांकृत्यायन जी केरऽ पाण्डुलिपियऽ के डिसप्ले करलऽ जैतै । जेकरा लेली पटना संग्रहालय म॑ अब॑ जग्घऽ मिली गेलऽ छै ।

nitish-kumar-cm-patna-museum-3

बिहार केरऽ मुख्यमंत्री नीतीश कुमार न॑ आय पटना संग्रहालय केरऽ अधिकांश दीर्घा के अवलोकन करलकै । नीतीश कुमार न॑ पटना संग्रहालय में लगभग तीन घंटा बितैलकै आरू संग्रहालय केरऽ बाहरी हिस्सा के चारों तरफ जायक॑ निरीक्षण करलकै आरू अधिकारियऽ क॑ दिशा-निर्देश भी देलकै ।

nitish-kumar-cm-patna-museum-2

पटना संग्रहालय केरऽ निरीक्षण करला के बाद नीतीश न॑ पत्रकार सनी स॑ कहलकै कि जे आपनऽ पटना संग्रहालय छऐ, ओकरऽ बहुत सारा प्रदर्श ऐसनऽ छै, जे जगह के कमी के कारण ठीक ढंग स॑ प्रदर्शित नै करलऽ जाय रहलऽ छै । एकरा म॑ बहुत सारा चीज, जगह मिलला स॑ आरू जादा बढ़िया ढंग स॑ प्रदर्शित करलऽ जाब॑ सकै छै । ई लेली पटना संग्रहालय क॑ विस्तार देना छै । नीतीश कुमार न॑ कहलकै कि  ई बात प॑ विचार करलऽ जैतै कि एकरऽ जे स्वरूप छै, ओकरा कायम रखतें हुअ॑ एकरऽ तीन तरफ आरू ढाँचा बनैलऽ जाय ताकि एकरा म॑ सब कुछ आधुनिक तरीका सें दिखलैलऽ जाब॑ सक॑ ।

nitish-kumar-cm-patna-museum-4

नीतीश न॑ पटना संग्रहालय केरऽ निरीक्षण के दौरान टेराकोटा आर्ट गैलरी, बुद्ध अस्थि कलश दीर्घा, धातु कला दीर्घा, राहुल सांकृत्यायन संग्रह दीर्घा, सज्जा कला आरू अस्त्र-शस्त्र दीर्घा, चित्रकला दीर्घा, पाटलिपुत्र दीर्घा, डा राजेन्द्र संग्रह दीर्घा समेत अन्य दीर्घा के भी अवलोकन करलकै आरू सौंदर्यीकरण केरऽ संबंध में निर्देश देलकै ।

Comments are closed.

error: Content is protected !!