3 months ago
उधाडीह गाँव मँ मनैलौ गेलै शौर्य चक्रधारी अंग गौरव शहीद निलेश कुमार नयन केरौ शहादत दिवस | New in Angika
3 months ago
गिनीज बुक ऑफ वर्ल्ड रिकॉर्ड मँ जग्घौ बनाबै लेली आय 122 भाषा के गाना कार्यक्रम मँ अंगिका मँ भी गैतै पुणे केरौ मंजुश्री ओक | News in Angika
4 months ago
अंगिका भाषा क आठमौ अनुसूची मँ दर्ज कराबै लेली दिसम्बर मँ दिल्ली मँ होय वाला आन्‍दोलन क सफल बनाबै के करलौ गेलै आह्वान | News in Angika
4 months ago
अंगिका आरू हिन्दी केरौ वरिष्ठ कवि व गीतकार, कविरत्न महेन्द्र प्र.”निशाकर” “दिनकर सम्मान” सँ सम्मानित  | News in Angika Angika
4 months ago
चाँद पर विक्रम लैंडर के ठेकानौ के लगलै पता, पर अखनी नै हुअय सकलौ छै संपर्क | ISRO found Vikram on surface of moon, yet to communicate | Chandrayaan 2 | News in Angika

पूर्णिया में राहुल गाँधी केरौ प्रधानमंत्री मोदी पर हमला, कहलकै- रोज जनता के जेब सँ चोरी होय रहलौ छै पैसा ।

पूर्णिया ।  23 मार्च, 2019 । कांग्रेस अध्यक्ष राहुल गांधी नँ चुनावी अभियान के शुरुआत पुर्णियां सँ करलै छै। कांग्रेस अध्यक्ष राहुल गांधी नँ जनसभा क संबोधित करतें हुऐ कहलकै, ‘नरेंद्र मोदी, बीजेपी आऱू आरएसएस सँ हम्में नै डरै छियै । हम्में खाली सच्चाई क मानै छियै। हम्में आपनै कय सच्चाई बताय रहलौ छियै । बिहार केरौ युवा सिनी जागी जा । हर रोज आपनै के जेब सें पैसा लूटलौ जाय रहलौ छै।’

राहुल गांधी नँ कहलकै कि प्रधानमंत्री नरेंद्र मोदी नँ देश के जनता क बेवकूफ बनैलै छै । हुनी नीरव मोदी, ललित मोदी आरू अनिल अंबानी के नाँव लेतें हुअ भी केंद्र सरकार पर निशाना साधलकै आरू कहलकै कि देश के जनता सँ पैसा ल करी क यहै लोगौ क देलौ गेलौ छै । कांग्रेस अध्यक्ष नँ ऐलान करलकै कि कांग्रेस पार्टी सोझे किसान आरू आम जनता केरौ अकाउंट मँ पैसा भेजै के काम करतै ।

प्रधानमंत्री नरेंद्र मोदी पाँच साल मँ दू करोड़ नौकरी दै के अपनौ वादा क पूरा करै आरू प्रत्येक गरीब परिवार क 15 लाख रुपया दै मँ विफल रहलै ।

मोदी आम लोगौ क ‘मित्रों’ कहै छै, लेकिन अनिल अंबानी, नीरव मोदी आरू मेहुल चोकसी क ‘भाई’ कही क बुलाबै छै । गरीबौ के घरौ में ‘चौकीदार’ नै होय छै।

राहुल गांधी नँ कहलकै कि एनडीए सरकार नँ उद्योगपतियौ पर पैसा लुटैने छै लेकिन कांग्रेस पार्टी गरीबी रेखा सें नीचे मौजूद लोगौ के बैंक अकाउंट में पैसा भेजतै । हुनी कहलकै कि बितलौ समय मँ कांग्रेस पार्टी नँ अपनौ वादा सब क पूरा करलै छै आरू ई बार भी वू ई वादा पूरा करतै ।

Comments are closed.

error: Content is protected !!