भागलपुर, २९, फरवरी, २०२० । अंगिका भाषा क संविधान केरौ ८मो अनुसूची मँ दर्ज करबाबै लेली आरू बिहार केरौ दोसरौ राज्यभाषा के श्रेणी मँ सूचीबद्ध करबाबै लेली, नेपाली गीत-गोष्ठी (साहित्यिक-सांस्कृतिक मंच), भागलपुर तरफौ सँ काल १ मार्च, २०२० क दुपहर ३ बजे सँ भागलपुर मँ एगो कार्यक्रम आयोजित करलौ गेलौ छै ।

कार्यक्रम केरौ अध्यक्षता प्रसिद्ध कवि आरू गीतकार श्री लक्ष्मीनारायण मधुलक्षमी करतै । जबकि मुख्य अतिथि के रूप मँ डॉ. शंभु दयाल खेतान आरू विशिष्ट अतिथि के रूप मँ डॉ. रमेश मोहन शर्मा आत्मविश्वास व श्री सत्यनारायण प्रसाद साह मौजूद रहतै । कार्यक्रम केरौ उद्घाटन भागलपुर केरौ विधायक माननीय श्री अजीत शर्मा करतै ।

अंगिका.कॉम के संस्थापक संपादक श्री कुंदन अमिताभ नँ कार्यक्रम के सफलता लेली शुभकामना व्यक्त करनै छै ।

Comments are closed.

error: Content is protected !!