2 months ago
उधाडीह गाँव मँ मनैलौ गेलै शौर्य चक्रधारी अंग गौरव शहीद निलेश कुमार नयन केरौ शहादत दिवस | New in Angika
2 months ago
गिनीज बुक ऑफ वर्ल्ड रिकॉर्ड मँ जग्घौ बनाबै लेली आय 122 भाषा के गाना कार्यक्रम मँ अंगिका मँ भी गैतै पुणे केरौ मंजुश्री ओक | News in Angika
3 months ago
अंगिका भाषा क आठमौ अनुसूची मँ दर्ज कराबै लेली दिसम्बर मँ दिल्ली मँ होय वाला आन्‍दोलन क सफल बनाबै के करलौ गेलै आह्वान | News in Angika
3 months ago
अंगिका आरू हिन्दी केरौ वरिष्ठ कवि व गीतकार, कविरत्न महेन्द्र प्र.”निशाकर” “दिनकर सम्मान” सँ सम्मानित  | News in Angika Angika
3 months ago
चाँद पर विक्रम लैंडर के ठेकानौ के लगलै पता, पर अखनी नै हुअय सकलौ छै संपर्क | ISRO found Vikram on surface of moon, yet to communicate | Chandrayaan 2 | News in Angika

बिहार केरौ अंग क्षेत्र केरौ पाँच लोकसभा सीट प आगामी 18 अप्रैल क मतदान, बेरोजगारी, स्वास्थ्य के अलावा अंगिका क ८मौ अनुसूची मँ शामिल कराबै के मुद्दा रहतै अहम

कटिहार । १६ अप्रैल, २०१९ । बिहार केरौ अंग क्षेत्र केरौ पाँच लोकसभा सीट प आगामी 18 अप्रैल क मतदान होतै जेकरा मँ बेरोजगारी, स्वास्थ्य सुविधा के अभाव के अलावा अंगिका क ८मौ अनुसूची मँ शामिल कराबै के मुद्दा अहम रहतै । लोकसभा चुनाव 2019 केरौ दोसरौ चरण के तहत बिहार केरौ पाँच लोकसभा सीट भागलपुर, बाँका, कटिहार, किशनगंज आरू पूर्णिया लेली आय मंगलवार क प्रचार समाप्त होय गेलै । ई सीटौ पर आगामी 18 अप्रैल क मतदान होना छै ।

संयोग सँ भाजपा 2014 मँ ई सब्भे पाँचों सीटौ प असफल रहलौ छेलै । राजग मँ सीट बँटवारा के तहत मुख्यमंत्री नीतीश कुमार के पार्टी जदयू के खाता मँ ई सभ सीट गेलौ छै जेकरौ उम्मीदवार ई सीटौ सँ राजग के प्रत्याशी के तौर पर आपनौ भाग्य अजमाय रहलौ छै ।

भागलपुर मँ राजग मँ शामिल जदयू प्रत्याशी के पक्ष मँ प्रधानमंत्री नरेंद्र मोदी आरू कटिहार सँ विपक्षी महागठबंधन मँ शामिल कांग्रेस प्रत्याशी तारिक अनवर के पक्ष मँ पार्टी अध्यक्ष राहुल गांधी नँ जनसभा करलै रहै ।बाँका आरू पूर्णिया मँ केंद्रीय गृह मंत्री राजनाथ सिंह द्वारा राजग उम्मीदवारौ के पक्ष मँ जनसभा करलौ गेलै, जबकि कांग्रेस दन्नें सँ पूर्व क्रिकेटर नवजोत सिंह सिद्धू नँ कटिहार मँ आरू नगमा नँ किशनगंज मँ चुनावी सभा क संबोधित करलकै ।

कटिहार लोकसभा सीट पिछला 22 वर्षो मँ दू दिग्गज नेता तारिक अनवर आरू निखिल चौधरी के बीच मुकाबला के गवाह रहलौ छै जहाँ 2014 के चुनाव मँ मोदी लहर के बावजूद भाजपा नाकाम रहलौ छेलै। पिछला बार राकांपा के टिकट पर जीत दर्ज करै वाला तारिक अनवर ई बार कांग्रेस के उम्मीदवार छै आरू हुनकौ सामने भाजपा के निखिल चौधरी के बजाय ई बार जदयू के दुलालचंद गोस्वामी छै । 2014 के लोकसभा चुनाव मँ कटिहार सीट सँ राकांपा के तारिक अनवर पांचमौ बार जीत दर्ज करै मँ कामयाब रहलौ छेलै आरू  भाजपा के टिकट पर लगातार तीन बार सांसद चुनलौ गेलौ निखिल कुमार चौधरी चुनाव हारी गेलौ रहै ।

पूर्णिया मँ जदयू के सांसद संतोष कुमार कुशवाहा फेरू सँ चुनावी मैदान मँ छै, जबकि उदय सिंह ई बार कांग्रेस के उम्मीदवार के रूप मँ मैदान मँ छै ।

किशनगंज मँ ई बार असदुद्दीन ओवैसी के पार्टी एआईएमआईएम नँ आपनौ उम्मीदवार खड़ा करलै छै आरू ओवैसी नँ भी अपनौ प्रत्याशी लेली जनसभा करलकै । जबकि यहाँ सँ कांग्रेस नँ मोहम्मद जावेद क अपनौ उम्मीदवार बनैलै छै । जदयू सँ किशनगंज मँ महमूद अशरफ ठारौ छै ।

भागलपुर सँ राजद सांसद शैलेश कुमार उर्फ बुलो मंडल फेरू सँ अपनौ भाग्य अजमाय रहलौ छै, जबकि जदयू नँ अजय मंडल क अपनौ उम्मीदवार बनैलै छै ।

बांका सँ राजद सांसद जयप्रकाश नारायण यादव फेरू सँ अपनौ भाग्य आजमाय रहलौ छै, जबकि जदयू नँ गिरधारी यादव क अपनौ प्रत्याशी बनैलै छै । यहाँ सँ पूर्व केंद्रीय मंत्री दिवंगत दिग्विजय सिंह के पत्नी पुतुल देवी निर्दलीय उम्मीदवार के तौर पर चुनावी मैदान मँ डटलौ छै । अपनौ पति के मृत्य के बाद पुतुल देवी नँ उपचुनाव मँ निर्दलीय प्रत्याशी के तौर प 2010 मँ विजयी रहलौ रहै लेकिन 2014 मँ भाजपा उम्मीदवार रहलौ पुतुल चुनाव हारी गेलौ रहै । ई बार हुनका उम्मीदवार नै बनैलौ गेला प तथा राजग के बीच सीट बंटवारा के तहत ई सीट जदयू के खाता मँ चल्लौ गेला सँ नाराज पुतुल नँ जदयू उम्मीदवार के पक्ष मँ अपनौ नामांकन वापस लै सँ इनकार करई देलकै, जेकरौ परिणामस्वरूप हुनका भाजपा नँ पार्टी सँ निकाली देलकै ।

दोसरौ चरण लेली बिहार के किशनगंज, कटिहार, पूर्णिया, भागलपुर, आरू बाँका संसदीय क्षेत्र मँ मतदाता 18 अप्रैल क अपनौ मताधिकार के प्रयोग 8644 मतदान केंद्रौ पर करतै । ई पाँच संसदीय क्षेत्रौ मँ कुल मतदाता के संख्या 85 लाख 52 हजार 274 छै । जेकरा मँ पुरुष मतदाता के संख्या 44 लाख 92 हजार 599 छै जबकि महिला मतदाता सिनी के संख्या 40 लाख 59 हजार 375 छै । वहीं थर्ड जेंडर के संख्या 300 छै ।

द्वितीय चरण मँ चुनाव लेली पुलिस बल अपनौ-अपनौ संबंधित जिला मँ पहुंची चुकलौ छै आरू मतदान के दिन यानि 18 अप्रैल क पूर्णिया मँ हेलीकॉप्टर तैनात रहतै व पटना मँ एयर एंबुलेंस भी तैनात रहतै ।

बिहार मँ 40 लोकसभा सीट प 7 चरणौ मँ होतै  मतदान
11 अप्रैल: जमुई औरंगाबाद, गया, नवादा,
18 अप्रैल: बांका, किशनगंज, कटिहार, पूर्णिया, भागलपुर
23 अप्रैल: खगड़िया, झंझारपुर, सुपौल, अररिया, मधेपुरा,
29 अप्रैल: दरभंगा, उजियारपुर, समस्तीपुर, बेगूसराय, मुंगेर
6 मई: मधुबनी, मुजफ्फरपुर, सारन, हाजीपुर, सीतामढ़ी,
12 मई: पूर्वी चंपारण, पश्चिमी चंपारण, , शिवहर, वैशाली, गोपालगंज, सिवान, महाराजगंज, वाल्मीकिनगर
19 मई: नालंदा, पटना साहिब, पाटलिपुत्र, आरा, बक्सर, सासाराम, काराकट, जहानाबाद

फोटो स्त्रोत : निर्वाचन आयोग

Comments are closed.

error: Content is protected !!