2 months ago
उधाडीह गाँव मँ मनैलौ गेलै शौर्य चक्रधारी अंग गौरव शहीद निलेश कुमार नयन केरौ शहादत दिवस | New in Angika
2 months ago
गिनीज बुक ऑफ वर्ल्ड रिकॉर्ड मँ जग्घौ बनाबै लेली आय 122 भाषा के गाना कार्यक्रम मँ अंगिका मँ भी गैतै पुणे केरौ मंजुश्री ओक | News in Angika
3 months ago
अंगिका भाषा क आठमौ अनुसूची मँ दर्ज कराबै लेली दिसम्बर मँ दिल्ली मँ होय वाला आन्‍दोलन क सफल बनाबै के करलौ गेलै आह्वान | News in Angika
3 months ago
अंगिका आरू हिन्दी केरौ वरिष्ठ कवि व गीतकार, कविरत्न महेन्द्र प्र.”निशाकर” “दिनकर सम्मान” सँ सम्मानित  | News in Angika Angika
3 months ago
चाँद पर विक्रम लैंडर के ठेकानौ के लगलै पता, पर अखनी नै हुअय सकलौ छै संपर्क | ISRO found Vikram on surface of moon, yet to communicate | Chandrayaan 2 | News in Angika

अंग देश केरौ बेगूसराय आरू मुंगेर मँ लोकसभा मतदान भेलै प्रारंभ : कन्हैया कुमार नँ कहलकै कि बेगूसराय क बदनाम करै वाला ताकत क मुंह के खाय ल पड़तै ।

बेगूसराय । २९ अप्रैल, २०१९ । अंग देश केरौ बेगूसराय आरू मुंगेर मँ लोकसभा मतदान प्रारंभ भ गेलौ छै। सी.पी.आई.प्रत्याशी,कन्हैया कुमार अपनौ वोट डालै लेली पोलिंग बूथ प पहुंचलै । हुनी कहलकै कि बेगूसराय क बदनाम करै वाला ताकत क मुंह के खाय ल पड़तै ।

बेगूसराय लोकसभा चुनाव सँ ठारौ सी.पी.आई.प्रत्याशी,कन्हैया कुमार के मुख्य मुकाबला भाजपा केरौ गिरिराज सिंह आरू महागठबंधन के तनवीर हसन सँ छै ।

कन्हैया कुमार अपनौ वोट डालै लेली पोलिंग बूथ प पहुंचलै । हुनी कहलकै कि बेगूसराय क बदनाम करै वाला ताकत क मुंह के खाय ल पड़तै ।

कन्हैया नँ कहलकै कि बेगूसराय अपनौ मान-सम्मान आरू संविधान के रक्षा लेली लड़ी रहलौ छै, जेकरा मँ बेगूसराय के जीत पक्का छै ।

भाजपा केरौ प्रत्याशी गिरिराज सिंह नँ लक्खीसराय जिला के बड़हिया मँ पोलिंग बूथ संख्या ३३ प आपनौ मतदान करलकै । गिरिराज सिंह वर्तमान मँ नवादा लोकसभा सँ सांसद छै ।

हुन्नें अंगदेश के मुंगेर संसदीय क्षेत्र मँ मुख्य मोकाबला जेडीयू के नेता आरू बिहार के मुख्‍यमंत्री नीतीश कुमार के करीबी मित्र राजीव रंजन सिंह उर्फ ललन सिंह आरू कांग्रेस के प्रत्‍याशी नीलम देवी के बीच मँ छै । नीलम देवी ई इलाका के अनंत सिंह के पत्‍नी छेकै ।

लोकसभा चुनाव केरौ चौथौ चरण मँ 9 राज्यौ के 72 सीटौ पर मतदान चली रहलौ छै ।

बिहार मँ 40 लोकसभा सीट प 7 चरणौ मँ होतै  मतदान
11 अप्रैल: जमुई औरंगाबाद, गया, नवादा,
18 अप्रैल: बांका, किशनगंज, कटिहार, पूर्णिया, भागलपुर
23 अप्रैल: खगड़िया, झंझारपुर, सुपौल, अररिया, मधेपुरा,
29 अप्रैल: दरभंगा, उजियारपुर, समस्तीपुर, बेगूसराय, मुंगेर
6 मई: मधुबनी, मुजफ्फरपुर, सारन, हाजीपुर, सीतामढ़ी,
12 मई: पूर्वी चंपारण, पश्चिमी चंपारण, , शिवहर, वैशाली, गोपालगंज, सिवान, महाराजगंज, वाल्मीकिनगर
19 मई: नालंदा, पटना साहिब, पाटलिपुत्र, आरा, बक्सर, सासाराम, काराकट, जहानाबाद

फोटो स्त्रोत : श्री अरविंद कुमार मुन्ना, कटहरा, भागलपुर ।

Comments are closed.

error: Content is protected !!