3 days ago
उधाडीह गाँव मँ मनैलौ गेलै शौर्य चक्रधारी अंग गौरव शहीद निलेश कुमार नयन केरौ शहादत दिवस | New in Angika
4 days ago
गिनीज बुक ऑफ वर्ल्ड रिकॉर्ड मँ जग्घौ बनाबै लेली आय 122 भाषा के गाना कार्यक्रम मँ अंगिका मँ भी गैतै पुणे केरौ मंजुश्री ओक | News in Angika
2 weeks ago
अंगिका भाषा क आठमौ अनुसूची मँ दर्ज कराबै लेली दिसम्बर मँ दिल्ली मँ होय वाला आन्‍दोलन क सफल बनाबै के करलौ गेलै आह्वान | News in Angika
2 weeks ago
अंगिका आरू हिन्दी केरौ वरिष्ठ कवि व गीतकार, कविरत्न महेन्द्र प्र.”निशाकर” “दिनकर सम्मान” सँ सम्मानित  | News in Angika Angika
1 month ago
चाँद पर विक्रम लैंडर के ठेकानौ के लगलै पता, पर अखनी नै हुअय सकलौ छै संपर्क | ISRO found Vikram on surface of moon, yet to communicate | Chandrayaan 2 | News in Angika

नई दिल्ली । विंग कमांडर अभिनंदन केरौ एलओसी पार पकड़लौ गेला पर स्थानीय लोगौ नँ खूब पिटलकै। ओकरौ बाद जिनिवा कन्वेंशन केरौ उल्लंघन करतें हुऐ पाक सेना तरफौ सँ हुनका प्रेस कॉन्फ्रेंस मँ पेश करलौ गेलै ।

अभिनंदन के एगो आरू विडियो शेयर करलौ गेलै, जेकरा मँ हुनी कही रहलौ छै कि पाकिस्तान उनका साथ अच्छा बर्ताव करी रहलौ छै । सोशल मीडिया प शेयर करलौ जाय रहलौ तीन विडियो मँ साफ लौकी रहलौ छै कि केना विंग कमांडर अभिनंदन कस्टडी मँ भी संतुलन बनाय क राखनै छै । अभिनंदन केरौ शेयर करलौ गेलौ विडियो मँ हुनी कही रहलौ छै कि पाकिस्तान हुनका सथँ अच्छा बर्ताव करी रहलौ छै।

एगो अंतिम विडियो मँ अभिनंदन हाथ मँ एक चाय के कप थामनै छै आरू कही रहलौ छै, ‘पाकिस्तान आर्मी केरौ ऑफिसर हमरौ पूरा ख्याल रखी रहलौ छै । पाक आर्मी के कैप्टनें भीड़ सँ हमरा बचैलकै । हम्में उम्मीद करै छियै कि हमरौ आर्मी भी ऐसने बर्ताव करतै ।’

जबै हुनका सँ पुछलौ गेलै कि हुनी भारत केरौ कोन हिस्सा सँ आबै छै त ऑफिसरें जवाब देलकै, ‘की हमरा ई बताना चाहियौ? माफ करिहौ मेजर… हम्मैं बस एतना बताबै सकै छिहौं कि हम्में भारत केरौ दक्षिणी हिस्सा के रहै वाला छियै ।’ एकरौ बाद पुछला प तुरंत कहै छै, ‘चाय बहुत जबरदस्त छौं ।’

पाकिस्तान फाइटर जेट के साथ मुठभेड़ में एलओसी के वू पार गिरै वाला पायलट कल दिन भर मीडिया आरू सोशल मीडिया पर चर्चा के केंद्र बनलौ रहलै । पाकिस्तान के कस्टडी मँ होला के बावजूद विंग कमांडर अभिनंदन काफी शांत नजर ऐलै ।

भारतीय मिग-21 सीमा केरौ सुरक्षा मँ छेलै । पायलट भारतीय वर्दी मँ छै । पाकिस्तानी सेना मीडिया के सामने ई कबूल भी करी चुकलौ छै कि भारतीय वायु सेना केरौ एगौ पायलट ओकरौ कब्जा मँ छै । सही बात त ई छै कि जिनेवा युद्ध बंदी एक्ट के तहत पाकिस्तान क भारतीय पायलट क रिहा करना ही होतै । ई कहना छै मेजर जनरल रिटायर्ड केके सिन्हा के ।

ई बीच IAF केरौ लापता पायलट केरौ वीडियो सोशल मीडिया पर साझा नै करै के अनुरोध करलौ गेलौ छै ।

Comments are closed.

error: Content is protected !!