अंगरथी (ऑनलाइन), 31 जुलाई 2020 ।  अंगरथी साहित्य समूह नँ “तुलसी जयंती” केरौ उपलक्ष्य में ऑनलाइन अखिल भारतीय अंगिका काव्य गोष्ठी केरौ आयोजन करलकै ।
गोष्ठी केरौ अध्यक्षता वरिष्ठ अंगिका कवि शिवनंदन सलिल जी नँ करलकै ।  ई गोष्ठी मँ डॉ श्याम सुंदर आर्य जी मुख्य अतिथि के रूप मँ आरू शशि आनंद अलबेला जी विशिष्ट अतिथि के रूप मँ शामिल भेलै ।
गोष्ठी केरौ मंगलाचरण संचालिका सुप्रिया सिंह वीणा द्वारा माय सरस्वती केरौ श्लोक आरू गोस्वामी तुलसीदास जी केरौ कु्च्छू चौपाइयो के सुमधुर गायन सँ भेलै ।
काव्य पाठ केरौ श्रृंखला मँ जोन विशिष्ट कवि सिनी नँ मंच प अपनौ उत्कृष्ट रचना रखलकै ओकरा मँ प्रमुख छै–
प्रीतम विश्वकर्मा कवियाठ , नवीन निकुंज, संजय भागलपुरी, डा० शशिधर मेहता “रत्नम”,  सुजाता कुमारी,
मनीष कुमार गुंज, कुणाल कनौजिया ।
कार्यक्रम केरौ समापन प सब्भे वरिष्ठ साहित्यकारौ नँ ई गोष्ठी क अंगिका साहित्य के विकास लेली उठैलौ गेलौ उचित प्रयास बतैलकै आरू संयोजिका सुप्रिया सिंह वीणा क कार्यक्रम के सफल आयोजन लेली बहुत बधाई देलकै।

Comments are closed.

error: Content is protected !!